الخالق راضي عما فعلته ؟؟ ارجو الدخول 2024.

السلام عليكم
ارجو الاجابة و اقناعي اذا كنت مخطأة :
ككل فتاة في سن المراهقة انا حبيت واحد العام الماضي و كنت نحكي معاه في القسم و المؤسسة قبل ما نعبرلو على اعجابي بيه و بسلوك تاعو في القسم لانو في الحقيقة كان انسان رائع صامت و هادئ و قاري مليح و حافظ من القرأن ما تيسر لانو كان هو يذكر الشيخ تاعنا ببعض الايات في حصة الشريعة
و هذا شي خلاني نحبو يوم بعد يوم و بعد مرور نصف عام تقريبا عبرتلو على حبي ليه عن طريق صديقتي في حساب على الفيس بوك هو تفاجئ و قالها اقفلي الموضوع لانو كان يحسبني مجرد صديقة و مرت الايام و انا تجاهلت الموضوع رغم انو مازالني مايلة عاطفيا ليه و لكرامتي تجاوزت الموقف تاعو و حكمت حدي بالعامية و لا هو ايضا فاجأني لما قالي انتي ثاني رائعة و ما عندي كا نقول فيك خجولة متربية مثقفة و عندي مستوى عالي في الدراسة تقديري جيد جدا و هو جيد
و من اغواءات الشيطان اني حكيت معاه نصف مدة الصيف الماضي و لما جا رمضان بديت نخاف من علاقتي معاه و صارحتو بلي هاد الشي ما يقبلوش ربي سبحانو و ما يرضاش علينا و لا يباركلنا ايا هو انسان متفهم تقبل الموقف و قالي ديري لي ترتاحيلو نتي و من عندي مسامحك بصح نبقى نحبك للممات لأنك حقا بهذا الموقف لي تاخذتيها متربية تاع الصح و نشجعك على هذا الشي بصح نحبك و انا قتلو نبادلك نفس الشعور و لاكان يكتب ربي سبحانو لينا في المستقبل نكون ام لأولادك عجباتو الفكرة و قطعنا الاتصال من الصيف لي فات مع العلم انو قالي ابقاي نظيفة نكونو لبعضانا نشالله
خااااااوتي درك انا قطعت و هو كيف كيف نشوفو ساعات في المؤسسة برك من بعيد مع صحابو ما تبدل فيه والو
واش رايكم تعيشو انا بهذا الموقف راضي عليا ربي سبحانو و لا لا ؟؟ يعني شي لي درتو صحيح و لا غالطة في حسابي
انصحوني اذا كنت غالطة
حاليا راني نحضر لشهادة البكالوريا و بقوة كل ما نتفكر كلامو و فرحة النجاح نزيد نستعد اكثر
………………………………………….. ………………………………………….. ………………………………..
مع العلم انو ما يهمنيش مستقبلا اذا هو بدل رايو فيا لأني في الحقيقة مانيش من النوع لي يتعلق بشدة لكن مجرد وعود تقدر تكون صادقة و كلشي بالمكتوب …………واش رايكم ؟؟؟
اذا كنت صحيحة قولولي اذا كنت غالطة اقنعوني بأدلة شرعية من كتاب الله و سنته

ختي وش داك توصلي روحك وتوصلي صحبتك معاك

نتي قلتي متربي وساكت في الحصة ومن فوق هذا حافظ قران

وشوفي نتي وين وصلتيه حتان قالك نفس الحاجة وخليتيه ينطق كلمة نحبك من فمو

يعني هذي ماشي حرام عليك؟؟؟ اتقي مولاك رمضان قرب

استغفري ربي وتوبي ليه

شدي بلاصتك وكثري من الاستغفار واقطعي كل طرق الاتصال مع هذا الشخص
الفتاة لازم تكون عزيزة واذا حكت مع الشاب راه طيح بروحها وبدينها وأخلاقها وبوالديها وتربيتهم ليها
اهتمي بتعلم أمور دينك وخلي نفسك عزيزة حتى يجي وقت ويرزقك ربي بالزوج الصالح وتذكري قول الله سبحانه وتعالى (الطيبات للطيبين)
كوني طيبة

و تأكدي أنو اللي
يكتبهالك ربي رايحة تلقايها بدون ادنى شك.
ربي يوفقك في قرايتك
و يهديك للطريق الصحيح

الحب قبل الزواج حرام
و الحب بعد الزواج حلال

ريبي يهديك يا بنتي هل هو من المحارم نتاعك

راكي جاوبتي نفسك بنفسك كيفاش تحوسي على ادلة شرعية ونتي قلتي ( و لما جا رمضان بديت نخاف من علاقتي معاه و صارحتو بلي هاد الشي ما يقبلوش ربي سبحانو و ما يرضاش علينا و لا يباركلنا)

يعني الحب محرم في رمضان حلال في سائر الايام؟؟؟؟؟

هذا سن المراهقة راه صعيب و الاعضاء راهم كامل اكبر منك سنا وعقلا و لازم تسمعي نصيحة اخوانك واخواتك هنا لأنهم اجتمعوا على رأي واحد ينفعك ان عملتي به بإذن الله تعالى وحتى هو مازالو اعوام واعوام باش يوجد روحو

ربي يهدينا ويهديك ان شاء الله

اختي عمليت مليح كي فقتي لروحك و حبستي معاه
وكل حاجة بمكتوب ربي
ربي ينجحك

يا اختي الله يهديك واش من حب راكي تهدري عليه صدقيني الحب ما يجي الا بعد الزواج زعما رانا في مجتمع متحفظ ولا حابين تقلدوا الاتراك يا اختي اخطيك منه و اهتمي بقرايتك و ادعي ربي يجيبلك زوج حلالي يجي يدق بابكم ماشي يقولك "نحبك"

حبي على روحك مي حكمي عقلك متخليش العواطف هي لي تقودك اذا كان من نصيبك تديه تديه واذا ماهوش ليك حتى لو تنزل سماء على الارض ماتديهش
كل بيد ربي ارضي ربي يبعتلك لي فيه الخير ومتعصيهش اذا كان حب طاهر ربي يباركو مي الزمي قرايتك ودينك خير وتوكلي على ربي هو العالم بكلشي ولي في قلوب ناس
اتمنى لك توفيق والنجاح في الباكالوريا

أهم حاجة أن تجعلي نصب عينك خشية الله ونيل رضاه….