راني جيت متأخرة . لافونس اللي درتها في عيد الفطر ردتني للوراء في هاذ العيد
هاذا أول جزء من حلوياتي لهذه السنة بسيطة و متواضعة نتمنى تعجبكم و أنتظر ردودكم العطرة
نبداو من اليمين الى اليسار باش تفهمو
صابلي بشكل قوفريط:
250غ مرغرين طرية_ كأس سكر ناعم_ 2 حبات بيض_ نصف كأس زيت_فانيلا_ كأس مايزينة_ كيس خميرة الحلوى_ فرينة حسب اليد
التحضير:
اضربي جيدا المرغرين مع السكر ثم أضيفي البيض و الفانيلا و حكي جيدا باليد ثم أضيفي الزيت و اخلطي و بعدها المايزينة و الخميرة و اجمعي الكل بالفرينة للحصول على عجينة لا تكون طرية بزاف ولا قاسحة بزاف, حلليها و قطعي بمول القوفريط و ضعيها على صينية اخبزيها في الفرن حتى تنضج ( لا تأخذ وقتا طويلا)
بعد النضج أتركيها تبرد ثم الصقي كل 2 بالمربى و اغمسي الجانبين بالشكلاطا الذائبة و مرريها بالكاوكاو المرحي و أتركيها تجف.
تشاراك معسل بشكل جديد:
للعجينة:
3 كؤوس فرينة_ نصف كأس مرغرين ذائبة_ نصف كأس ناقص قليلا زيت_ ملعقة كبيرة سكر_ حبة بيض_ ملعقة صغيرة خميرة الحلوى_كأس شاي ماء الزهر_ ماء
للحشوة:
250غ كاوكاو محمص مرحي_ 2 ملاعق كبيرة سكر_ ملعقة كبيرة مرغرين ذائبة_ رشة قرفة_ ماء الزهر
عسل
التحضير:
أولا حضري الحشوة: اخلطي الكاوكاو مع السكر و القرفة و المرغرين و رشي بماء الزهر و اخلطي بأطراف الأصابغ للحصول على حشو متماسك
للعجينة: ضعي الفرينة في اناء و شكلي حفرة وسطها ديري فيها السكر و الخميرة و البيضة و المرغرين و الزيت و حكي جيدا الكل مع الفرينة للحصول على خليط مرمل رشي بماء الزهر و اجمعي الكل بالماء للحصول على عجينة متماسكة و طرية اعجنيها قليلا فقط و أتركيها ترتاح نصف ساعة.
حللي العجينة الى سمك 2 مم و بواسطة مول القريوش قطعي مستطيلات ستحصلين على 5 أشرطة في كل مستطيل و بواسطة الجرارة قسمي كل شريط الى 2 يعني نتحصلين بذلك على 10 شرائط رقيقة داخل كل مستطيل, بعدها في احدى الزوايا ضعي حربوش صغير حشوة و ابدئي اللف مع تعديل الشكل للحصول على تشاراك, ضعي الحلوى في صينية و اخبزيها في الفرن 20 دقيقة لتنضج ثم عسليها و اتركيها تقطر.
حلوة الصدفة:
125غ مرغرين طرية_ 100غ سكر_ فانيلا_ حبة بيض_ ملعقة كبيرة كاكاو_ نصف كيس خميرة الحلوى_فرينة حسب اليد
للتزيين: شكلاطا ذائبة_ سكر ناعم
التحضير:
اضربي جيدا المرغرين مع السكر و الفانيلا ثم أضيفي البيضة و اخلطي ثم أضيفي الكاكاو و الخميرة و اجمعي الكل بالفرينة للحصول على عجينة متماسكة و طرية شكلي منها كرات ديريها في مول المعمول أو الغريبية باش ياخذ الشكل و ديريها في صينية و اخبزيها في الفرن حتى تنضج
بعد النضج أتركيها تبرد و ضعي قليلا من الشكلاطا الذائبة في القمة (الشكلاطا زوبيها بدون اضافات باش تبقى شادة روحها) و رشي بالسكر الناعم.
بوتي فور بالمايزينة:
كأس فرينة_ كأس مايزينة_ نصف ملعقة صغيرة خميرة الحلوى_ 150غ مرغرين طرية_ كأس سكر_ حبة بيض_ فانيلا
للتزيين: فواكه مصبرة
التحضير:
غربلي الفرينة و المايزينة و الخميرة, من جهة اضربي المرغرين مع السكر للحصول على كريمة خفيفة أضيفي البيضة و الفانيلا و اضربي ثم أضيفي الخليط الأول تاع الفرينة و اجمعي دون عجن
ملاحظة: اذا شفتي العجينة بزااااف طرية زيدي الفرينة دون مبالغة باش ما ييبسش
مرري العجينة باللمبوط أو استعملي لابوش آدوي و شكلي البوتي فور و ضعي في القمة فاكهة مجففة و اخبزيها في الفرن حتى تنضج و ما تخليهاش بزاف و الا رايحة تقساح.
كويرات بالفارميسال:
250غ مرغرين طرية_ كأس سكر ناعم_فانيلا_ 4 بيض_ 2 ملاعق كبيرة كاكاو_ كيس خميرة_ فرينة حسب اليد
للتزيين: مربى_ فرميسال الشكلاطا أو الملون
التحضير:
اضربي المرغرين مع السكر الناعم ثم أضيفي البيض بالتدريج مع الخلط ثم الفانيلا و الكاكاو و بعده الخميرة و الفرينة للحصول على عجينة متماسكة و طرية شكليها كويرات و ضعيها في صينية و اخبزيها في الفرن
بعد النضج اتركيها تبرد و بعده ادهني الوجه بالمربى و مرريها عبر الفرميسال.
حلوى السميد بالقوفريط:
3 صفار بيض+ بيضة كاملة_ 2 ملاعق كبيرة ماشي معمرة سكر عادي_ نصف كأس زيت_ مبشور ليمون_ 2 كيس خميرة الحلوى_ كأس سميد_ فرينة
للتزيين: مربى _ قوفريط مرحي
التحضير:
اضربي صفار البيض و البيضة مع السكر و المبشور ثم أضيفي الزيت و بعده السميد و حكي جيدا ثم أضيفي الخميرة و اجمعي الكل بالفرينة للحصول على عجينة متماسكة حلليها و قطعي دوائر بكأس ضعيها على الصينية و أدخليها الفرن لتنضج
بعد النضج الصقي كل اثنين بالمربى و ادهنيها كلها بالمربى أيضا و مرريها بالقوفريط المرحي.
لا تنسوني بالدعوة
أعتذر على التأخير حبيباتي
حلوياتك رائعة ما شاءالله
|
المشاركة الأصلية كتبت بواسطة basmala farah
 حلوياتك رائعة ما شاءالله
|
أنت الأروع حبيبتي بارك الله فيك
الحلوى تاعك شابة و باينة بنينة بارك الله فيك
|
المشاركة الأصلية كتبت بواسطة djihanegirl
الحلوى تاعك شابة و باينة بنينة بارك الله فيك
|
شكرااااااااااا لك حبيبتي نورتيني
يــعــطيـــك الصـحــة حـــــــبيـبة
كل عـــام وأنـتـم بألـــــــف خيــــــر
|
المشاركة الأصلية كتبت بواسطة tong2
الله يــــبارك مــــاشــــاء الله
يــعــطيـــك الصـحــة حـــــــبيـبة كل عـــام وأنـتـم بألـــــــف خيــــــر |
نورت موضوعي حبيبتي شكراااا
عيدك مبارك و كل عام وأنت بخير
ماشاء الله رووووعه وعيد مبارك كل عيد وانت بخير
ماشاء الله
بارك الله فيك
machaallah c’est magnifique allah yatik essaha……. les recettes stp!!!!!
حلوياتك رائعة جدا شكرا اختي بارك الله فيك
الله يبارك روعة
الله يــــبارك مــــاشــــاء الله
شكرااااااااااااا لردودكن العطرة حبيباتي
|
المشاركة الأصلية كتبت بواسطة madie
machaallah c’est magnifique allah yatik essaha……. Les recettes stp!!!!!
|
شكرا لردك أختي و الوصفات كي نقعد رايحة نحطهم
طلبك على عيني و راسي