الجامعة ام الزواج

السلام عليكم
اليوم احببت طرح مشكلتي عليكم
انا فتاة ابلغ من العمر 15سنة الحمدالله نجحت في شهادة التعليم المتوسط ملتزمة ومتحجبة ولست مقيمة اي علاقة عن قبل والحمدالله
مشكلتي هي في الاونة الاخيرة شخص قريبي لكنه بغيد نوعا ما المهم هو يعرفني وانا اعرفه وهو يحبني ونواني بالحلال واخبر والدته وتكلمت مع امي وكل عائلتي تعلم بحبه لي لكن هو لا يعلم بي انا وانا ايضا احبه لكن بصمت لا احد يعلممم وان شاء الله واحد ماراح يعرف في العائلة وامه لما اخبرت امي انه يريدني قالت لها راني مزال صغيرة قالها نزيدها عامين ونجي نخطبها رسمي وعامين يعني في العام تاع الباك قالها تفوت الباك وكي نوجد روخي انا راني نعرس هاذي معناها بعد الباك بعام على الاكثر ذاك الوقت يكون عمري 18صغيييييرةةة بزاااااف انا حرت انا حابا نقرا في الجامعة وحابا نتخرج ومباعد نخمم في الزواج انا تحيرت ماعرفتش واش نخير قلبي ولا قرايتي بالعلم هو عمرو 20سنة ومزال يقرا في الجامعة اممم ماتقولوش لي حب مراهقة فقط انا نعرف روحي راني كي ندير حاجةة راني جامي نتخلى عليها يعني نحبه رايحا طول عمري نبقى نحبه قولو لي واش نخير ربي يجازيكم الخير ان شاء الله
وماتنساوش تدعولي ربي يجمعني معاه بحلالوو ان شاء الله

اذا كان يحبك لا يمانع علي دراستك كي تدي الباك ان شاء الله تزوجو وكاين متزوجات وراهم يكملو في قرايتهم ربي يسهل ان شاء الله اختي

أنت مخطئة بقولك

حين يزيد عمرك عام أو عامين ستتبدل لديك كثير من الأمور

أنا اقول لك تزوجي واخيط من الجامعة

……………

حيبتي اولا لخيرة الا فيما اختاره الله
تانيا قلتي عمرو عشرين
وكتكوني انت باك هو 23 هذا وين متخرج
و يقدر يسناك تكملي 3 سنين تاع الجامعه وهك هو 26 سنة
سن مناس ليه وليك للزواج وان ابى
اتزوجي واقري وانت عندو في جامعه التكوين المتواصل كما فعل الكثير من الزوجات والحمد لله هن تخرجن
الان
و الله اعلم فلا احد يعرف علم الغيب ولماذا نسبق الاحداث

ربنا اغفرلنا وارحمنا انت مولانا
اللهم اغفرلنا وارحمنا واعفوا عنا
امين امين

اولا اختي انت صغيرة و هو صغير اذا حاب يزوجك بعد الباك يخليك تكملي لقراية عادي مكانش مشكل

كي يزيد نسموه بوزيد

مازال الطريق طويل

و الانسان قادر يتبدل بين يوم و ليلة

خلي كل حاجة في وقتها

15 سنة و تخممي في زواج
يا اختي مزال وقته

انت لست بحاجة الى نصيحة ولا اي احد ممن يضع مشكلته هنا فانتم لا تريدون من ينصحكم بل تريدون من يمشي على هواكم ومن يدفعكم اليه واقرئي توقيعي جيدا انتي وكل من يضع مشكلته هنا

سلام الله

كي يخّطبك هداك الوقت إكون أجمل لآرائنا

مازلتي صغيرة نظن كملي قرايتك احسن

كي يجي هاداك اليوم ارواحي عاودي طرحي السؤال نتاعك لأنه أكيد من اليوم لهذاك الوقت الكثير و الكثير من الأمور ستتغير فلا تستبقي الأمور

والله تحير 15سنة وناسجة علاقات وحب وغرام وغطيتيها بالزواج والوعود ممن ؟؟ من طفل كما انت
والاعجب والاغرب المغفلات الناصحات الي تقولك تحبيه و تعزيه وووو
الا يكفي ان تقولو لها انتبهي لدراستك مازلت طفلة لاتعرفين شيئا؟
الايكفي ان تقولو لها اخطيك من لعب الحرام وصلي صلاتك واقراي ؟؟
انتن في حاجة الى النصح اكثر منها
اظنكن بحاجة لطبيب نفسي
والله تحير مولات15عام ياخي حالة

اقتباس:

المشاركة الأصلية كتبت بواسطة algeroi16000 و الله أضحكتيني يا بنيتي الصغيرة عمرك 15 سنة و تحملين هذه الأفكار و كأنه تلميذ على أبواب إمتحان التعليم الإبتدائي، حيران و مشغول و مهموم على إمتحان البكالوريا عند قراءة العنوان حسبت أن صاحب الموضوع يدرس في الجامعة و إذ بها حتى الثانوية ما زالت… شوفي يا بنيتي عيشي قدر سنك فقط لأن هذه الأمور راح تجي في وقتها و تعيشيها و تشبعي منها لأن كل شيء جميل لا يكون إلا في وقته و كل ما تزيدي تكبري تكتشفي أمور جديدة و كل ما تزيدي تكبري تكبر معاك مشاكل ما تسمعيش يها و لا تعلمينها الآن هذه سنة الحياة إن شاء الله كي تكبري و تتفكري هاذ الموضوع الذي طرحتيه تضحكي على روحك و تقولي واش كنت نخمم و واش كنت متعبة روحي نصيحتي ليك يا إبنتي أخطيك من حكاية الحب و يحبني و نحبو…و في صمت ترهقين نفسك فقط، و تضيعين طاقة نفسية كبيرة ممكن تأثر على دراستك و على حياتك المستقبلية حكاية فارغة لا أساس لها من الصحة، و عندما تكبرين ستعرفين لوحدك هذا الأمر بعد الزواج يرحمها ربي حبي و إلا أكرهي ذلك الوقت ربي يهدي أبنائنا لما فيه الخير و الفلاح

بارك الله فيك على الاجابة