التقاليد تقف امام زواجي 2024.

السلام عليكم

مشكلتي هي احببت فتات واردتها في الحلال لكن اهلي لم يوافقوني عليها لانها ليست من

عرشنا

وارادو مني الزواج بابنت عمي لكن المشكلة هي ان بيني وبينها عام واحد وانا لا احب

ان تكون كبيرة فماذا افعل وشكرا

حرام حرام حرام علاش اهل مايحبوش لوليدهم الخير حب وحدة يروح يتزوج بها علاش يقفوله في وجهه ربي يهديهم حاول معاهم بالعقل هدو والدين ورضى الوالدين يزيدو في العمر ورزق

والله يا اخي عليك ان لا تقبل بشيء لست راض عنه فقط عليك ان تحاول باللتي هي احسن لا تكن لا تنصاع ان يزوجوك بأبنة عمك

جماعة راكم تحكو على التوازن الفكري ووووو بصح الاهل مايحوسوش يفهمو هدو الامور عندهم يدي بنت عمه سيك يديها، على هديك صلي صلاة الاستخارة وحاول تفهمهم بلي ماتديش وحدة مشي قابل بيها هوما غادي يعارضوك باسكو يقولو راه غير يقول هاكا دوك يتزوجها ويوالفها وهذه هي المشكلة تاع الاهل، انت المهم صلي في جوف الليل والله العظيم غير رايحة تتبدل الاوضاع، استخر واستخر واستخر وربي يفرحك ويقنع داركم بالشي اللي راك باغيه

الحمد لله
قضية إلزام الشخص أن يتزوج امرأة لا يريدها من قبل والده هذا لا يجوز لأن الزواج مبني على الرغبة وعلى المحبة والألفة بين الزوجين فما دام أن الابن لا يرغب في الزواج من هذه الفتاة فليس لوالده أن يكرهه على ذلك أو أن يشدد عليه بل يترك له الاختيار هذا الذي ينبغي أن يوجه إليه الآباء

الوالدين من حقهم انهم يرفضو الطفلة اذا كانت بلاك ماتصلحش مي باه تكون ماشي من عرشكم و لا ماشي من ولايتك هاذي مكانش الي يتقبلها يا خي رانا في 2024 و مازالت هاذي الافكار مي انت خويا من هدرتك تبانلي ماشي قابل الزواج بابنة عمك ماشي علاجال كي بغيت الطفلة لخرى انت قلت انو المشكل الي في بنة عمك انو بيناتكم عام برك وعلاه هاذي سبة في رايك معنتها انت المشكل الي راه عندك مشكل الاج برك واش نقلك خويا الطفلة بلاك يغصبوها ماليها على الزواج مي راجل انا هاذي مانامنش بيها سيي تهدر معاهم بالملاحة و المسايسة هذا اذا كنت صح تبغي الطفلة لخرى ماشي المشكل هو السن برك و ربي يكون معاك ان شاء الله و تلقى الحل

لا تقبل ما يريدون ان كنت غير مرتاح لاقتراحهم
تكلمن معهم او ابعثلهم كاش انسان حكيم او امام تعرفو

نسأل الله لك الستر العفاف

توكل على الله صل صلاة الاستخاردة وعليك كذالك بقيام الليل والدعاء

بعد ذلك توجه لامك يعني تحدث معها حاول ان تحنن قلبها وتضغط عليها بطريقة لبقة وفهمها بمجرد ان تقتنع ستقف بجانبك وتتوسط لك عند الاب رانا عارفين مغاديش يوافق من اول مرة لكن التكرار يفعل المستحيلات …أخي يلا راك رافض الزواج من بنت عمك تمسك بفكرتك ومتخليهمش يفرضوا عليك رايهم …..رانا عارفين هاذو والدين بصح الزواج ثاني راه حياة كاملة ………….ربي يسهلك

السلام عليكم
مشكلتك اخي كمشكلة اختي الصغيرة التي ستجتاز امتحان البكالوريا وهي معنا في مدونة الجيريا فقد عرفت شخصا بالصدفة واحبها ان تكون زوجته وهو دو خلق عالي ووظيفة محترمةالا ان والديه رفضا ان يخطباها له
حرام عليهم الوالدين باش يوقفو في وجه ولدهم او بنتهم في قرار مصيري في حياة اولادهم
اخيحاول اقناع امك وهي بدورها تكلم والدك وما يكون غير الخير ان شاء الله
ونقولهالك صراحة لو كنت مكانك لتحديت كل الظروف من اجل الفتاة التي ارتحت اليها ورضيت بها زوجة لي
ربي يوفقك اخي الكريم.

يا اما تحاول تقنعهم ياما حطهم تحت الامر الواااقع وحدة من الزوج