بسم الله الرحمن الرحيم
والصلاة والسلام علي اشرف المرسلين
اما بعد,
اردت أن أطرح موضوعا في غاية الاهمية بانسبة للمجتمع وهو تعدد الزوجات والسؤال لماذا الرجل ايعاود الزواج مرة ثانيو وممكن ثالثة ما هي الاسباب التي تجعله يفعل ذالك هل الخلل في الزوجة الاولي هل هناك مشكل في الزوج ام هو حالة نفسية وعادة عند الرجال ( جيب اجديد)
ارجوا ان تفيدوننا بهذا الموضوع .
يا اخي احنا امراة واحدة و ما قدرناش نجيبوها وناس تعدد………..اذا كان واحدة لا يعدل معها فكيف باثنتين…………اذا كان نكد واحدة يسبب صداع الراس فكيف باثنتين…………………….اما الاسباب فيوجد الذي يعدد مضطرا كان لا يكون له اولاد او……..ويوجد من يحب التجديد…..وهذا الاخير صبرت معه زوجته في السراء و الضراء عندما كان معدما و بعد ان فتح الله عليه اول ما يفكر فيه هو التعدد ………..و لما لم يفكر بان يذهب للحج مع زوجته…………..يقول لك اعدد لاستر امراة و اخذ اجرا على ذلك…………..لما لا يعطيني ذلك المال اتزوج به فياخذ اجرين 
……………….اصبح الشباب اكثر صبرا من الشياب………………….اما من يقول بان التعهدد حل لمشكل العنوسة فاظن ان سبب العوسة هو عزوف الشباب عن العاملات لا غير……………
السلام عليكم
اولا الاسلام وحقيقة لم يأت بالتعدد بل هو حدد عدد الزوجات 4 كحد اقصى لانه من المتعارف في القديم كان التعدد رائجا ومنه الجواري ايضا "الحمد لله منيش جارية في عصر بكري هخخخههه "
والتعدد يمكن يكون حل للعنوسة ان كان من يريد التعدد نيته كذلك يعني في ارض الواقع لا نرى هذا من يريد التعدد اما انه قامت احداهن باصطياده في العمل او في الشارع او عمله في مكان وزوجته في مكان او لانه يحب ان يكون اب لعدد كبير من الاولاد "يدير قبيلة مثلا" او لانه يعتبر المرأة جسد منتهى الصلاحية عندو تاريخ محدد ويجب بتغييرها والذي يلاحظ يرى ان زوجات الرسول حبيبنا محمد الف صلاة وسلام عليه كلهن لسن ابكار ماعدا امنا عائشة ولعل ذلك فيه حكمة كبيرة فقد كان لزواجه في كل مرة هدف نبيل فالفرق واضح ويتجلى لكل من يقول انه ينتهج نهج الرسول فوالله لم ار احدا تزوج للمرة الثانية بمطلقة او ارملة او حتى فتاة لازالت بكرا وتعدت 35 ضاربين عرض الحائط بحكم التعدد ان كان لا يستطيع العدل فتبقى احداهن كالمعلقة لاهي مزوجة ولاهي مطلقة وهو يبقى منشغل بالاخرى
اتذكر قصة لجارة لنا تزوج عليها زوجها بوحدة تعمل معاه بعدما مرض مرض الموت لم يجد سوى زوجته الاولى كانت تخرجوا للمسجد باه يصلي وهو متكي عليها بعد ماكانت المسكينة تركها بدون اي مصروف واولادها مساكن يشفوا كي طاحت بيه ملقاها غير هي لكن في الاخير بعد ماارتاح طلق الثانية واحنا في زمان ان لقيت مرا اصيلة وعلاش تحب تزيد عليها ولعل بنات الاصل والاخلاق ولاو قلال في هاد الزمان
بصح اللي يحب يعدد لازم يقسم روحوا على 2 او 3 او 4 وهذا ليس بالشيء الهين
لكن استغرب علاش المرا هي في الاصل متحبش يكون زوجها لوحدة اخرى بصح تقبل تكون ثانية؟ اراه تناقض فيه حيلة لانها متأكدة ان الاولى ستطلب الطلاق لهذا ستقدم على الخطوة
بصح الزواج من ثانية في بلادنا وحسب القانون راهو يكون باذن الاولى وتوقيعها
في الاخير نجاوبك على السؤال راني طولت في الهدرة علاش الراجل يحب يعدد تبانلي اللي يعدد ويشوف مرا اخرى نوعا ما مش ملتزم يعني لايقوم بغض البصر ومن لا يغض بصره سيريد اكثر فاكثر وتطور الحكاية في راسو وتولي زوجة اخرى وهنا في الجزائر الاغلبية اللي عددوا هوما الشياب لانهم يوليو كلي حابين يعيشوا مراهقة اخرى والتعدد هنا قليل اللي يقدرلوا
انا كي نشوف هكدا نقول الحمد لله على نعمة الانسان شايفينكم عندكم الحق بالتعدد وكاين من يقول التعدد في الدنيا والاخرة فوق كل هذا متمسكين بالدين تبانلي رانا مجاهدات لوكان انتم كان لينا نفس الحق فمثلا لو كان لينا ازواج اخرى في الاخرة في الجنة مع انه نعيم الجنة امر غيبي لانستطيع الكلام فيه لكانت الاعراب لم تدخل الاسلام اصلا
الحمد لله
بارك الله فيك يا الاخت كاميلا .
السلام عليكم و رحمة الله و بركاته
اخي عن تجربة بالنسبالي التعدد نقمة و اكبر نقمة اذا لم يحسب له الف حساب
انا عانيت و مازلت اعاني من كوني ابنة لاب له زوجتين و الله لو احكيلك ربما لن استطيع التعبير و ابكي اثناء التعبير
المهم نصيحة مني اخي: اذا لم تكن لديك اسباب قهرية للتعدد فلا تفكر في الموضوع الله يهنيك بوحدة تكفي و توفي ان شاءلله
ما دام ربي شرّعه فهو نعمة ( لمن يقدر )
والله أعلم
لكن: مسؤولية صعععععععععععععععععععععبة
وخاصة مع بنات اليوم
مليح التعدد..الحاجة الي اجي من عند ربي قاع زينة …والانسان اذا كان قادر علاه لالا ..زيادة الخير خيرين يا اخي وانا مع الفكرة 100/100.
|
المشاركة الأصلية كتبت بواسطة etthr
 ما دام ربي شرّعه فهو نعمة ( لمن يقدر )
والله أعلم لكن: مسؤولية صعععععععععععععععععععععبة |
زيد فتح لهم عينيهم مليح.4
يسما تع كل واحد في جهة دارها بلعاني باش يعدد.
عندهم صح راجل كويه وما داويه… وما ليقش يشبع….مين تشبع الكرش تقول لراس غني..وانتوما الا غنيتو ماتسكتوش مثنى….ثلاث….رباع…..
|
المشاركة الأصلية كتبت بواسطة ساندبال
زيد فتح لهم عينيهم مليح.4
يسما تع كل واحد في جهة دارها بلعاني باش يعدد. عندهم صح راجل كويه وما داويه… وما ليقش يشبع….مين تشبع الكرش تقول لراس غني..وانتوما الا غنيتو ماتسكتوش مثنى….ثلاث….رباع….. |
ما فتحت لهم ماوالو
…كل راهم يفتشو على سبة..ولو تافهة
ويرفع في وجهها سلاح التهديد..بوحدة ثانية
…كيما قال لي واحد زعف من مرتو..قال: ( السوق عامر )
هو قصده أن النسا كاينين بزاف
والله ياو جيتي قدامي…تشوفي..
بالصح الله غالب… منعتي كي جيتي بعيدة
الأيام بيننا يا بنت
اصبري برك
|
المشاركة الأصلية كتبت بواسطة etthr
…كيما قال لي واحد زعف من مرتو..قال: ( السوق عامر )….عامر بزاف…كاين لي عازة روحها وماتقبلش بمن والا…الا ربي عطاها تتقلش وتزيد |
غير تهدد برك…..انا ما تقدرش علي …كيما زئبق
راني صابرا وونشوف ونستنى….
|
المشاركة الأصلية كتبت بواسطة ساندبال
غير تهدد برك…..انا ما تقدرش علي …كيما زئبق
راني صابرا وونشوف ونستنى…. |
استسلمت….خلاااااص
آني عارف بلي ما قادرش
بالصح لازم نكافح إلى آخر قطرة
(كيما علمونا والدينا المجاهدين )
صحّة
السلام عليكم
التعدد الازواج نعمة ام نقمة؟
اخي اذا حاب تعدد راك تلعب بنار اوضح تشري فستان 1 تشري فستان2
خاتم 1 خاتم 2
تنكاد1 تنكاد2
ويبق دائما سؤال زوجتين من تحب وقلب يحب واحدة لا اثنينتين
وسلام