لمن طلب حلوة التشارك المعسل وصفة سهلة و عجينة سحرية تستعمل بها جميع الحلويات المحشية تشكليها بسرعة و تبقى هشة و خفيفة و تدوم مدة حفظها اليكن الخطوات
المقادير:
كيلا سمن ذايب و بارد
كيلا زيت
كيلا حليب فايض و بارد
و فرينة تلمي بيها العجينة
* قد تستغربون لان كمية ليدام كثيرة لكن السر يكمن هنا حتى تجيك العجينة مذكرة و الحليب يعطيها طراوة و خفة و ماتخافيش من العجينة لان الفرينة كلها رايه تتشرب كل كمية ليدام.
طريقة التحضير:
في و عاء او قصعة ضعي جميع المكونات السائلة مع بعض و تلمي بالفرينة حتى تتحصلي على عجينة طرية و لينة دعيها ترتاح مدة كافية تحضريها ليلة من قبل و ضعيها في الثلاجة ماتخافيش لما تجبديها في الغد من ذلك تلقايها شويه يابسه دعيها جانبا راه تستعيد طراوتها حتى بعد مدة طويلة من تحضيرها .
في هذه الاثناء حضري الحشوة:
كيلا لوز او كوكاو او اي نوع من المكسرات عندك + 1/2كيلا سكر عادي + المنكه على حسب الذوق + 1 ملعقة كبيرة زبدة + رشة خمارة كيماوية و خلطي الكل مع بعض.
* إبسطي العجينة وشكليها على حسب الذوق أساور – عرايش – تشاراك العريان انت وواش تحبي
* تشكلتها تشاراك عريان كما في الصورة و زينتها من الفوق بالنقاش بعدما تطيب الحلوة عسليها و هي سخونة في شاربات باردة و زينيها من الفوق.
ملاحظة :
هذي العجينة تحضر و تقدري تخبيها لمدة 06 أشهر في الفريزر و تستعمليها عادي
و بصحتكم
رووووووووعة
بارك الله فيك اختاه
|
المشاركة الأصلية كتبت بواسطة الجزائرية المحبوبة
 رووووووووعة
بارك الله فيك اختاه |
و فيك بركه عزيزتي شكرا
الله يبارك باينة تجي تذوب فالفم و هاذاك واش نحوش و الله يا ميري منبغي ندرهم لخطرش خشحال من روسات إمدوهالي و تخرج يابسة نشالله نجرب و ردلك تسلم إديك حنونة
لا شكر على واجب عزيزتي جربيها و كيما قلتلك تقدري تستعملي بيها جميع الحلويات التى تحضر بالحشوة من الداخل و تجي تتقرمش جربت بيها التشاراك المرمد او المسكر و جاني روعه و تقدري تخبي العجينة و تستعمليها مرة أخرى و شكرا على مرورك
حبيت نسقسيك من اي ولاية انت؟؟؟؟؟؟؟؟؟؟؟؟؟؟؟
شكرااااااااا ميري يعطيك الصحة شكلها يشهى
بارك الله فيك أختى انا فعلا نعملها تشارك مرمد فى البيمو تجى هشة رهى مليحة انا مجربتها ندير العبر بالكأس كأس زبدة كأس زيت كأس حليب نلم بلفرينة.
هايل ما شاء اللع عليك تاكلوه بالصحة شكرا على الشرح وفيتي و كفيتي تسلمي
يعطيك الصحة والله يبارك
وتكليه بالصحة والراحة
merciiii okhti taklouh bessaha wlhna nchallah yban bninnnnnnnnnneeee
رَوْعَة
بَارَك الله فِيكِ اختِي
يعطيك الصحة 
انشاء الله نجربو
يعطيك الصحة اختي تبان بنينة
يعطيك الصحة اختي