السلام عليكم ورحمة الله وبركاته
بما ان شهر رمضان المبارك راهو على الابواب انشاء الله يحل علين وعليكم بالخير والبركات ويلقانا ويلقاكم بصحة وعافية
ارتايت ان افتح هاد الموضوع حيث انو لكل ربة بيت عاداتها وتحضيراتها لهاد الشهر الكريم في مجال الطبخ طبعا يعني واش
توجد من لوازم واش تجمد……الخ وكل واحدة فينا تمد فكرة معينة باه نستفادو
وانا اول واحدة رايحة نبدا
بسم الله
انا نحضر الطماطم للشربة لشهر رمضان باه نسهل لروحي كي ندخل من الخدمة
انا نشري الطماطم بكمية كبيرةونغسلها ونقطعها في قدر ونطيبها غير بالملح وشوية زيت برك
من بعد نرحيها بالميكسور ونجوزها في المولينات تع الخضرة الرقيقة كامل باه مايجوزوش القشور والزريعة
من بعد نفرغ في لي بوات تع الياوورت كما قلتلك ونجمدهم
كي نصيبهم جمدو انحيهم من البوات ونعمر السواشي ما ديريش السواشي الكحولا خيري البيض ولا اشريهم ورديهم للمجمد
كي تطيبي الشربة تاعك تصيبي الطماطم جاهزة ديري واحدة ولا زوج على حساب العايلة
نستعملها مام في لي صوص تع المقارون هايلة بزاف او للخدامات كما بحالي
هيا الدور ليكم وكل واحدة تفيدنا بافكار باه نسهلو لارواحنا الكوزينة في رمضان مع لي السخانة ونتفرغو للعبادات
او ما نجوزوش نهار طول في المطبخ
ربي يتقبل صيامنا وصيامكم ويتبت لنا الاجر امين يا رب العالمين
يعطيك الصحة حنونتي انشالله نجربها 444444444444444444444
موضوع في القمة حنونة
هدي فكرة الطماطم اكيد راح نعمل بيها فكرة ممتازة اختي بوركتي
و نقدروا نمدو التدابير بلا صور ممكن
اللهم بلغنا رمضان
اللهم امين اجمعين يا رب
يعطيك الصحة ليلو موضوع ثري وراح نستفادو من تجارب بعضنا البعض
انا نجمد غير الجلبانة نقيها ونغسلها وتستقطر ونعمرها في الساشيات ونحطها في المجمد
ام ساجد فكرة الجلبانة انا تاني نديرها
اللحم و الدجاج انا نغسلهم و نقطعهم و نخليهم ينشفوا و من بعد نملحهم و اما الدجاج نتبلو بزنجبيل مطحون يمدلو دوق رائع في الاطباق و بعدها نستفهم في المجمد حتى يجمدوا بعدها ندير الجاج في ساشي وحدو و اللحم كدلك ونخبيهم و الله فكرة روووووعة .
و من بعد نزيد نتفكر و حط شي تدابير
هدا القسم راح يفيدنا بزاف 
ان شاء الله
يعطيك الصحة ليلوشة افدتينا كثيرا بوركتى
بلنسبة للمطلوع انا نعجن بزيادة ونطيبهم ونكونجليهم
ومن باعدقبل الفطور بنص ساعة نجبدهم ونسخنهم
في الطاجين ويكون روعة وعلابالكم السخانة في رمضان متقدروش تعجنو وطيبو كل يوم
يعطاك الصحة ليلوشاف حبيبتي على فكرة الطماطم هاااايلة
انا هادي الساعة راني مع الجلبانة نقيتها وخبيتها في اكياس المجمد ورحيت البرتقال والليمون وخبيت العصائر والقشور
نرحي الثوم مليييح مع شوييي ملح من بعد نحطها في بلارات زجاج ومن فوق نديرلها الزيت والله شهر كامل وانا متهنية منها هههههه
ام ايمان مشكورة حنونة على فكرة الزنجبيل نديرها ان شاء الله
لي عودة يا غالية
بارك الله فيك
ليلو يعطيك الصحةعلى الموضوع
انا الطماطم نغسلها ونقسمها على اثنين ونديرها تفور ونرحيها بالرحاية اليدوية انبعد انضيف لها شوي زيت وشوي سكر فقط وانديرها علب ونجمدها وهذه طريقتي منذ سنين.
الله يبارك عليك تباني فحلة.
ليلو حنونه فكرة رووووووووعه وأكيد تجي بنيييينه في الشربه. اممممممم
وانا عندي في رمضان الحمص نوجدو فقط نشمخو وبعد نديرو في أكياس ومن بعد المجمد. فكرة ساهله ماهله هههههههه.
يعطيك الصحه وكين جبتي فكرة ان شاء الله نحطها
يعطيكم الصحة على الثراء وانا تاني كل ما نعمل حاجة راح نحطها هنايا باه تشوفوها
يعطيك الصحة اختي ليلوشة اللهم بلغنا رمضان واعتق رقابنا من النار
شكرا موضوع جميل لكن عندي مللاحظة الطماطم بعد ماتطيب حطيها تقطر في كسكاس راح يجيك قوامها اثقل واطيب
وعندي فكرةوهي حميص مخلل انا نفور الفلفل الحار ونرحيه ونديرلو 2 فناجل خل وفنجال زيت وسنة ثوم
وحبات زيتون اخضر ونديرو في علب المايوناز يجي هايل خاصة كي يطول ملاحظة برك كي يفور خليه يتقطر ليلة كاملة