صباخ الخير عليكم خدمت تارت الفواكه وحبيت نشاركم بيها
اولا المقادير العجينة حبيت دير هذي العجينة باش تكون مقرمش كيما نتاع السابلي لهذا الفرينة انا درتها وانا نخلط
1صفار بيض
125غ زبدة طرية
قرصة خمارة
قرصة ملح
قشور القارص لفاني
مغرف سكر عادي
نخلط الزبدة مع الصفار ولفاني وقشور القارص حتي نتحصل على كريمة كيما الصابلي
من بعد نضيف الفرينة غير بشوية والخمارة والملح ونخلط نتحصل على عجينة طرية كيما الصابلي
ونخلط حتي نتحصل علة عجينة طرية
نحلها بالحلال على شكل المول تارت
وونثقبها بالفرشيطة مليح
والان الكريمة حبيتها تكون طرية يعني مش جامدة بززززاف ومعتمتش المقادير الكاملة درت واش حابة انا هههههههههههه وخرجت هايلة كيما حبيت ههههه
المقادير
كاس حليب وانا زدت شوية من بعد
حبة بيض يعني نصف نتاعها
لفاني 4مغارف كبار سكر عادي
2مغارف كبار مايزينة
وشوية زبدة طرية
يعني المقادير ناقصة الي معتاد عليها
نخلط المايزينة والحليب والسكر مليح
من بعد نضيف البيض ولفاني
ونحطها على نار هادية حتان تخثار
نحيها من النار وأنا هنا قبل من نحط الزبدة درت حبة فراز مهروس باش يكون طعم الفراز هههه
ودوكا دير الزبدة ونخلط مليح
نخليها تبرد
التزين
فراز والبنان ولاجوري
ودوكا نحط عليه الكريمة اممممممممممممممم 
ونزينها انا زينتها بهذي الطريقة امممممممممممممممم ودرت لاجوري
وشهية طيبية وهذي اول قطعة الي ترد هههههههههههههههههههههههههههههههه
اووووووووووو راني غلطت هذا الموضوع تيحط في قسم العصائر والتحليات بصح انا مشفتش كيفاش نننقل الموضوع مساعدة؟؟؟؟؟؟؟؟؟؟؟؟
والله خرجتلك بنينة يعطيك الف عافية
|
المشاركة الأصلية كتبت بواسطة ام اسماعيل2017
 والله خرجتلك بنينة يعطيك الف عافية
|
الله يسلمك اختي
اين الباقي واش معجبتكمش ؟؟؟؟؟؟؟؟؟؟؟؟؟؟؟؟؟؟؟؟
سوالي الكريمة والفواكه درتيها بعد ان تطيب العجينة ولا قبل راكي ما وضحتيش والوصفة هايلة
|
المشاركة الأصلية كتبت بواسطة nour ali
اووووووووووو راني غلطت هذا الموضوع تيحط في قسم العصائر والتحليات بصح انا مشفتش كيفاش نننقل الموضوع مساعدة؟؟؟؟؟؟؟؟؟؟؟؟
|
يعطيك الصحة اختي نور على الوصفة اللذيذة، سلمت الأيادي
راني خايفة ما لحقت والو من التارت ههه راني روطار بزااااااف
خرجت لك روعة بصحتكم
تم نقل الموضوع إلى القسم المناسب
يعطيك الصحة خرجت رووووووووووووووعة رووووووووووووعة بصحتكم حبيبتي وسلمت يداك على الوصفة اللذيذة أكيد
اممممممممممممممم الشكل هايل واكيد البنة اممممممممممممممممممم
بارك الله فيك
واوووووووووو روعة يعطيك العافية