مقادير العجين :
نصف كيلو دقيق الفورص + قبصة ملح + خميرة د الخبز + ماء دافي للعجن
مقادير الحشو :
نصف كيلو د اللحم مقطع قطع صغيرة
نصف كاس د العنبة لوز مصلوق
2 بيضات مسلوقين
ملح + يبزار +ربيع مفروم + تحميرة + سكنجبير+ كمون + بصلة صغيرة مشلضة + زيت بلدية او زيت عادية
الطريقة :
كنعجنو العجين عادي، نقسمه الى كرتين، وحدة نعملوها كبيرة، ووحدة نعملوها اصغر شي شوية من الاولى، ونحطو العجين يرتاح.
من جهة اخرى، كناخدو اللحم نضيفولو البصل المشلض، العطرية اللي عندنا والربيع مفروم, واللوز المسلوق + البيض المسلوق مقطع
نا خدو واحدة ونبسطها ثم نضع الحشوة ثم نڭرصو الكرة التانية واللي هي اصغر شوية من الاولى، نرققوها حتى هي، نغطيو بيها الحشو اللي حطيناه فوق الكرة الاولى، نقادو الحواشي د الخبز مع بعض حتى تتشكل عندنا خبزة وحدة
في لاطة مرشوشة بالدقيق، نحطو الخبزة ديانا معمرة، ندخلوها مباشرة للفران وعينك ميزانك حتى تطيب.
بالصحة والراحة
أيـــــــــــــــــن الردود
الله يسلم يديك حبيبتي .. بالفعل كاتجي لديدة ..والله شهيتني فيها
شــــكـــر بصح أنا ولد ماشي بنت
يعطيك الصحة معلومة جديدة بعض المكونات مفهمتهمش للاسف
خويا شحال تتكلف هاد البيتزا
شكرا لك باينة بنينة شهيتنا