الإكتئاب و الهموم 2024.

أنا عندي مشاكل بزاف و راني في هموم كبيرة و إبتلاءات ما يعلم بيها غير ربي هدا الشى دارلي مرض الإكتئاب وليت عايشة في جحيم عايشة على المهدئات برك ماعنديش لمن نشكي وصلت لدرجة كبيرة وتعدي علي أيامات نتمنى فيها برك نحبس البكاء ونكون إنسانة عادية
حبيت نقول بلي جامي عديت بهدا المرحلة في حياتي عمري 25 سنة و راني مهمومة و نقوللكم سبب الإبتلاءات بدات كي بديت نمشي في طريق ربي هدا الشي ماعجبش ناس بزاف و سمعت اللي مايتسمعش
المشكلة درك أنا خايفة نرجع للوراء و نخلي طريق ربي بسبت الإبتلاءات خاوتي قولولي واش ندير كيفاش نصبر قولولي بلي ربي يفرج و القادم أفضل كيما قلتلكم الناس كامل ضدي على هادي مانقدرش نشكيلهم
انصحوني على وجه ربي بكلمة بأي حاجة بقصة و عندكم الأجر من ربي
أنا مانقدرش نحكيلم التفاصيل على خاطر دكرها يؤلمني و أنا مريضة ومانقدرش نحمل

اختي الكريمة ، استغفري ربك و ابتعدي عن الوساوس
انا ايضا تمر عليا ايام اكاد اصاب فيها بالجنون و لكن عند حملي للمصحف و قراءة ايات من القران الكريم احس براحة كبيرة ، ثقي بالله و تيقني ان بعد العسر يسر

انا ايضا نفس مشكلتك و هي تاخر الانجاب و احمد الله على كل حال و انا على يقين ان هذه الاحاسيس التي تاتيك هي من جراء كلام الناس و سخرياتهم

اصبري و اتقي الله وواصلي على الدرب و ان اردتي ان تحكي و تفضفضي فانا ان شاء الله ساساعدك

يوجد الكثير من القصص الدينية التي ستساعدك ان شاء الله فمثلا قصة سيدنا موسى و المراة العقيم

https://forum.sedty.com/t506027.html

السلام عليكم
اختي عليكي بقراءة القرآن كثيرا والدعاء
كذلك جالسي عائلتكي ووطيدي علاقتك معاهم و عمري وقتك بالذكر اكيد ستحسين بالراحة النفسية وابعدي عنك فكرة الاكتئاب
وهذا ابتلاء وامتحان من عند الله ليختبر مدى قوة ايمانك والله اعلم

اختي لو اتفق عليك كل العالم لن يصيبك الا ماكتبه الله لك والله استمري في طاعة الله وفي طريق التوبة والله لن ينفعك شيئ في هده الدنيا سوى اعمالك خليهم يهدرو واش يحبو المهم انتي صلي وصومي وديري كل شيئ قال عليه ديننا الحنيف لانو اخرتها موت وممراحش يدخلو معاك فالحفرة كل واحد يحاسب على افعاله نتي راكي تخدمي في كتابك تفائلي فقط والله الدنيا ماتستاهلش نوظي وقوي روحك خليهم ياك حتى ليموت ويحسدوه يقولو مات وتهنى متعمريش راسك بحتى واحد نتي ديري واش قال الدين وخليك من هدرة الناس

اختي انصحك الا تسمعي لكلام الناس ووسوسات الشيطان وان تكملي في هده الطريق وتدكري ان الله عز وجل ادا احب عبده ابتلاه ولكي ترتاح نفسيتك صلي ركعتين كل يوم واقرئي القران وان شاء الله يفرج عنك الهموم

السلام عليكم ربي يشفيك الصدمات تؤثر على الانسان لكن ليس لنا الخيار كل واحد فينا مرات تعظم في عينه مشكلته لكن في الحقيقة يوجد الكثير من الناس من يعاني أكثر، من الامور التي تعالج الاكتئاب الادوية لكن لها أثار أخرى أما العلاج الرائع والذي كل أثاره إيجابية هي القراءن وخاصة التلاوات المؤثرة مثل عبد الباسط حاولي السمع له من خلال موقع (( يو تيوب)) https://www.djelfa.info/watch?v=W89OanN9SJ4
إليك بعض الدروس https://audio.islamweb.net/audio/inde…sid=456&read=1

الله يهديك با بنت الناس وانت واش ضاعلك في الناس يقولوا ما يقولوش ما يهمكش ربي ما كلف حتى واحد باش يحاسب الناس. واللي يحب يحاسب الناس يحاسب رورحو قبل. ما تعمريش راسك راهم حاشاك كي الكلاب ينبحو ينبحو حتى يشبعو. صدقيمني مدام راكي بصحتك قولي الحمد لله. وحبسي عليك فكرة الادوية لاك رايحة تهبلي روحك بهذه الطريقة. شدي في ربي وصلي واقراي القرىن وباذن الله يوم يومين وتحسي روحك افضل بكثير من ذي قبل

انت من النوع الي يسمع للكلام و يتاثر
انسي كل شئ انسي من حولك و انسي حزنك

و انظري لاعلى ستجدينه يراك يحبك يحميك ينصرك

انه * الله* ما ابتلاك الا لانه يحبك
ثقي بالله واصبري و صدقيني ستفرج

فهذا وعد من ربي *و بشر الصابرين*
ربي يفرج همك و يرزقك بفرحة تنسيك مرارة المك

من يتق الله يجعل له مخرجا

وفقك الله لما يحبه ويرضاه

حبيبتي ربي يفرج همك .طريق ربي جامي لاتخليه لانه هو الطريق الصحيح وان تعرضتي لبعض الابتلاءات فهدا اختبار من ربي حنا مناش خير من الرسول عليه افضل الصلاة والسلام وانت ادرى بقصصه عند بداية دعوته الى الله وما تعرض اليه من سخرية وضرب و…و…الخ ولكن تاكدي ان الفرج قريب ما عليك سوى الثقة بالله
احكي لكي قصة من قصصي انا عندما التحقت العام الماضي لحفظ القران تعرضت لابتلاءات كثيرة في حياتي ومن بينها مشكلة عويصة لم اتخيل يوما ما ان تحدث لي ولعائلتي كان يوسس لي الشيطان واقول لنفسي لمادا يحدث لي كل هدا وانا قريب منك يارب لكن الحمد لله لااقولها امام احد ولا ارفع صوتي بها وانما النفس لامارة بسوء لكن الحمد لله مع كثرة الدعاء والاستغفار انحلت المشكلة بشكل غريب كما دعوت بالضبط حتى انني بكيت كثيرا وصليت ركعتين شكر للله.وتعلمت ان اثق بالله وان احسن الضن به كما قال الله تعالى : "أنا عند ظنِّ عبدي بي إن ظنَّ خيرًا فله ، وإن ظنَّ شرًّا فله" تخيلي اني البارحة تفاجات بان المدير الجديد لا يريد تجديد عقدي بالرغم من انه لا يعرفني و انا ساقابله بعد العيد لاستفسرعن الامر لكني لم احزن ولم اتقلك لاني واثقة بان الله لن يخيبني لاني عاملة مجتهدة ومتقنة لعملها واحاول دائما مساعدة الغير بحكم عملي في قطاع الصحة وحتى وان كانت النتيجة سلبية فلن احزن لانها عسى ان تكون خيرلي. اسفة اطلت عليكي كثيرا لكني اردتك ان تري بعضا من واقعي عسى ان يفيدك
انصحكي بالمواصلة في طريقك والصبر لان اجره عظيم و الثقة بالله و كثرة الاستغفار والدكر وان امكن قيام الليل .

اقتباس:

المشاركة الأصلية كتبت بواسطة hamza touazi اختي لو اتفق عليك كل العالم لن يصيبك الا ماكتبه الله لك والله استمري في طاعة الله وفي طريق التوبة والله لن ينفعك شيئ في هده الدنيا سوى اعمالك خليهم يهدرو واش يحبو المهم انتي صلي وصومي وديري كل شيئ قال عليه ديننا الحنيف لانو اخرتها موت وممراحش يدخلو معاك فالحفرة كل واحد يحاسب على افعاله نتي راكي تخدمي في كتابك تفائلي فقط والله الدنيا ماتستاهلش نوظي وقوي روحك خليهم ياك حتى ليموت ويحسدوه يقولو مات وتهنى متعمريش راسك بحتى واحد نتي ديري واش قال الدين وخليك من هدرة الناس

نقلك نفس وش قلك الاخ …..ربي معاك ويفرج عليك إن شاء الله

الشيطان من الواحد أقرب و من الإثنين أبعد