يقولوا مرا كبيرة كانت رافدة قفة وكبيرة بزاف و ثقيلة عليها…..طلبت من واحد يعاونها في رفودها…….
قالها ذاك الراجل: يا الحاجة باينة راكي رايحة عند بنتك..
قاتلوا : كيفاش عرفت بالي راني رايحة عند بنتي.
قالها : القفة يا لحاجة راكي معمرتها بزاف و فوق اللازم …..لوكان راكي رايحة عند وليدك ما تدي والوا معاك……ههههههه
الموضوع المناقش اليوم :
هل الأم صحيح أنها تتهلى في بنتها كتر من ولدها المتزوج …..
الرجال : هل نسيبتك (حماتك) صح تجيبك القفة ………
أذكُرُ أنّ جدّتي رحمَها الله كانت إن أرادت الذّهاب لأيّ شخص تملأ قفّتها وخصوصا في زياراتها لأزواج بناتها، ولمّا توفيّ جَدّي لم تعد تذهب إلاّ نادرا لأنّ من يملأ لها القفّة قد فُقد ؛ ولكن زوجة جدّي لأمّي لم تكن تتحبّبُ لبناتها كمَا كانت تفعل مع أولادها.
هذا من خلالِ المشاهدة في بيئتي وأعْتَقِد أنّ المرأةَ إن ذهبت لزوجِ ابنتها فهي تعتبره غريب ليس كوَلَدِها ممّا يستلزم منها أن تخفّف عليه الحمل بأخذ ما يزيح عنه أيّ شائبة في نفسِه ومحاولة منْها للتقرّب منه، لأنّ ابنتَها تحت جناحه، بينَمَا لا تجِدُ حَرَجا بطلب أيّ شيء تَصْنَعُهُ لها ابنتها.
أمّا ابنُها فلَيْسَ عليْها حَرَجٌ لأنّهُ مُلْزَمٌ برعايتِها.
مجرّد رأي . تحيّاتي
جدة مسكينة وين تروح محملة قفتها معاها مخلات لا ماما لا خالي لا خالاتي بصح بطبيعة الحال خالي تديلو كتر و تشري لدارو الاجهزة ووو و انا نغيييييييييير ههههه المهم ربي يرزق جداتنا كامل و تحياتيييييييي
|
المشاركة الأصلية كتبت بواسطة هفا
 سلامٌ وبعد/
أذكُرُ أنّ جدّتي رحمَها الله كانت إن أرادت الذّهاب لأيّ شخص تملأ قفّتها وخصوصا في زياراتها لأزواج بناتها، ولمّا توفيّ جَدّي لم تعد تذهب إلاّ نادرا لأنّ من يملأ لها القفّة قد فُقد ؛ ولكن زوجة جدّي لأمّي لم تكن تتحبّبُ لبناتها كمَا كانت تفعل مع أولادها. هذا من خلالِ المشاهدة في بيئتي وأعْتَقِد أنّ المرأةَ إن ذهبت لزوجِ ابنتها فهي تعتبره غريب ليس كوَلَدِها ممّا يستلزم منها أن تخفّف عليه الحمل بأخذ ما يزيح عنه أيّ شائبة في نفسِه ومحاولة منْها للتقرّب منه، لأنّ ابنتَها تحت جناحه، بينَمَا لا تجِدُ حَرَجا بطلب أيّ شيء تَصْنَعُهُ لها ابنتها. أمّا ابنُها فلَيْسَ عليْها حَرَجٌ لأنّهُ مُلْزَمٌ برعايتِها. مجرّد رأي . تحيّاتي |
و عليك السلام هفا نرحب بك و يشرفني أن تشارك معنا و تنوري صفحتي …….تحياتي لك ننتظر عودتك……أخوك مراد
|
المشاركة الأصلية كتبت بواسطة lydia istanboul
|
صح يقولو الغيرة تهدر..هههههههههه
ما تغيريش كي ديري دار نشاء الله رايحة جداتك تتهلى فيك كيما يلزم ……الله يطول في عمرها و عمرك.
والله ماشي تتهلى في نسيبها كثر من وليدها لانو معزة الابن حاجة وخدخرى مي كيما قالت الاخت هي كي تروح عند بنتها راهي رايحة ضيفة و ماتقبلش باه تحس روحها ثقيلة عكس وليدها راهي رايحة لدارها لانو دار وليدها.مي اذا راك تقصد انو تعز بنتها على وليدها والله معزة لولاد ماتتصورهاش و النسيب اذا تهلات فيه فهذا في خاطر بنتها سوغتواذا كان متهلي في بنتها و مهما دير لوليدها ماراحش يفوت فيها لانو وليدها مي كاين شي نسبان يغمو في القلب كون ماديلوش هكا راح يمرمد بنتها و راك عارف الوحدا كون تطلق واش يصرالها
ههههههههههههه راك غالط
ليمات تتهلى في الوليد باكثر
والله الفضـــول عند الجـــــــزائرين……يسقســـوا بزاف…….لو كان ماسقساش……مايدير خويا هاذ المـــــوضوع…..تقبل مـرورري
حاجة باينة البنت معندهاش من غير راجلها و عايلة تاعها اما الرجل ماهوش امراة باه يطمع في امه يقدر على شقاه
|
المشاركة الأصلية كتبت بواسطة nacer ben
حاجة باينة البنت معندهاش من غير راجلها و عايلة تاعها اما الرجل ماهوش امراة باه يطمع في امه يقدر على شقاه
|
شكرا أخي لكن المسألة ليست مسألة حاجة و لكن هي الهدية التي لها قدر معنوي ………..لكن هو الواقع يقول
|
المشاركة الأصلية كتبت بواسطة soso sirin
والله ماشي تتهلى في نسيبها كثر من وليدها لانو معزة الابن حاجة وخدخرى مي كيما قالت الاخت هي كي تروح عند بنتها راهي رايحة ضيفة و ماتقبلش باه تحس روحها ثقيلة عكس وليدها راهي رايحة لدارها لانو دار وليدها.مي اذا راك تقصد انو تعز بنتها على وليدها والله معزة لولاد ماتتصورهاش و النسيب اذا تهلات فيه فهذا في خاطر بنتها سوغتواذا كان متهلي في بنتها و مهما دير لوليدها ماراحش يفوت فيها لانو وليدها مي كاين شي نسبان يغمو في القلب كون ماديلوش هكا راح يمرمد بنتها و راك عارف الوحدا كون تطلق واش يصرالها
|
و الله مشكل كبير يا ختي سوسو ….إذا النسيب نعطيوه بنتنا ونزيدو نتهلاو فيه باش يتهلى في بنتنا ………
….المسكينة اللي تكون أمها ما عاندهاش واش تجيب ليها …….ههههههههه
و الله نسمعوها بزاف بزاف هذا أن الأم تتهلى في بنتها بزاف ……
|
المشاركة الأصلية كتبت بواسطة بن عمير 22
والله الفضـــول عند الجـــــــزائرين……يسقســـوا بزاف…….لو كان ماسقساش……مايدير خويا هاذ المـــــوضوع…..تقبل مـرورري
|
راني شفت و سمعت …..وضروك راني نسقسي فيكم………………..شكرا بن عمير
|
المشاركة الأصلية كتبت بواسطة fifisara
ههههههههههههه راك غالط
ليمات تتهلى في الوليد باكثر |
ما ضنيتش يا ختي ما بايناش تعرفو كيفاش ديرولها وتجبدو لميمة عندكم.
|
المشاركة الأصلية كتبت بواسطة morad81
و الله مشكل كبير يا ختي سوسو ….إذا النسيب نعطيوه بنتنا ونزيدو نتهلاو فيه باش يتهلى في بنتنا ………
….المسكينة اللي تكون أمها ما عاندهاش واش تجيب ليها …….ههههههههه و الله نسمعوها بزاف بزاف هذا أن الأم تتهلى في بنتها بزاف …… |
يقولو انو النسيب لازم يندار فوق الراس لانو راه داي الطفلة و دايرها تاج على راسو هاذو النسبان الملاح والله واش تديلهم ماشي خسارة لانو رايحين يرجعو الخير خيرين مي كاين شي نساب تقول تفوت عليهم بكاش كاميو مي الام واش باه دير تقلك المهم تريح عند راجلها و ماعليش نسرف عليها الدنيا هاذي راهي صعيبة بزاف.مي والله كاين شي والدين يتهلاو في ولادهم والله الصريف و مايصرفوش في الدار اذا كانو عايشين مع الاب و يقولولهم معليش ماتصرفوش المهم ديرو بدراهمكم دار باه تصيبوها للقدام . معنتها غير ماتخافش يماك راح تتهلى فيك كيما تتهلى في خواتاتك نتوما الرجال اشرار امالا حنا تاني يغيضنا الحال لما الوالدين يبغو بزاف احفادهم الي من ولادهم كثر من ولاد بناتهم اواه نتوما والله وحدكم
|
المشاركة الأصلية كتبت بواسطة soso sirin
يقولو انو النسيب لازم يندار فوق الراس لانو راه داي الطفلة و دايرها تاج على راسو هاذو النسبان الملاح والله واش تديلهم ماشي خسارة لانو رايحين يرجعو الخير خيرين مي كاين شي نساب تقول تفوت عليهم بكاش كاميو مي الام واش باه دير تقلك المهم تريح عند راجلها و ماعليش نسرف عليها الدنيا هاذي راهي صعيبة بزاف.مي والله كاين شي والدين يتهلاو في ولادهم والله الصريف و مايصرفوش في الدار اذا كانو عايشين مع الاب و يقولولهم معليش ماتصرفوش المهم ديرو بدراهمكم دار باه تصيبوها للقدام . معنتها غير ماتخافش يماك راح تتهلى فيك كيما تتهلى في خواتاتك نتوما الرجال اشرار امالا حنا تاني يغيضنا الحال لما الوالدين يبغو بزاف احفادهم الي من ولادهم كثر من ولاد بناتهم اواه نتوما والله وحدكم
|
نشاء الله لميمة نتهلى فيها أنا الأول …..راني باقي ليها غير أنا في الدار …وتتهلى فينا بدعوة الخير برك ……
ولازم نشرط على لميمة أنا نكونطرولي القفات اللي رايحين لبناتها ……..ههههههههههههه