السلام عليكن
من الاكلات التقليدية الجزائرية المشهورة
شطيطحة
نعملوها في الاعراس والمناسبات وفي رمضان
سواء باللحم او بالدجاج
المقادير
قطع لحم اودجاج
حميصة مشمخة وطايبة نصف الطياب
كمية من الثوم المدروس
عكري
فلفل اسود
كمون
درسة مصنوعة في البيت اذا كانت متوفرة
بعدين نحط طريقتي في تحضير الدرسة
او فلفل الاحمر الصغير فلفل ادريس يدرس مع الثوم
ملح
راس او اثنين ثوم بقشورو
ملعقة صغيرة طماطم
زيت
طريقة التحضير
في قدر تحرجي اللحم بالتوابل كمون فلفل اسود وملح والثوم والدرسة والزيت وتقليه جيدا تمرقي بالماء حتى تغطي اللحم تحطي العكري والطماطم والحميصة وتخليه اطيب
واذا عملت اللحم مكفت تحرجيه بالثوم والكمون وملح وفلفل اسود وتعمليه كويرات وتحطيه في المرقة يطيب كقريب اطيب اللحم
سر البنة
في نص الطياب تحطي راس او اثنين من الثوم بقشورو هكذاك راس كامل وتخليهم يطيبو مع اللحم
يتلق الثوم واحد البنة اممممممبعدين كتقدمي الطبق اكيد تنزعي الثوم
هذه تعلمتها على امي وحتى في الاعراس يعملو كمية من الثوم بالقشورفي القزان تع الشطيطحة باش اجي بنينة
القزان هو القدر او الطنجرة الكبيرة الي يطيبو فيهم في الاعراس
ماطفيوش النار حتى تعقد المرقة واجي ملبية اممم وماتكثروش الماء كتمرقو
طريقة التقديم
ام اسلام واية 
ربي يبارك فيك اختي راكي شهيتيني وانا راني جيعانه ههههههه صح رمضانك شكرا:d:d:d
يعطيك الصحة ام اسلام شطيطحة و عليها الكلام تشهي
بارك الله فيك
متميزة وتبقاي ديما متميزة 444444444
صح رمضانك…
يعطيك الصحة بصح هذوك ليبول لبيض معرفتهمش
هاااااااااااايلة شكرا على مشاركتنا اسرار طبخك … بصح واش هوما الكويرات هاذوكا
يعطيك الصحة ام اسلام نموت عليها ممممممممممم
بارك الله فيك أم اسلام طبق يسخف يعطيك الصحة على الفكرة تاع التوم بقشورها
تبقاي ديما متميزة 444444444
يعطيك الصحة حبيبتي
منظرها يشهي ممممم
يعطيك الصحة