السلام عليكم
هذا رابط الموضوع الأول:
https://www.djelfa.info/vb/showthread.php?t=1330611
أولا أشكركم على ردودكم
وبح تتهناو انا موحال ننتحر اني نهدرها برك كي نكون قلقانة بصح موحال نديرها
فلهذا بليزز القاولي حل وش ندير خير ملي نمرد بالقلب
ثانيا لكل من قال لي أنك تهولين الامر فأقول له ميحسش بالجمرة غير لعافس فيها
المهم انا مازلت اعاني كيما اليوم لما قلت لامي انا وش فيها كي نقعد قدام الميكرو يخي منديرلوا والوا تغششت وعشية كل متحدرش معايا قالتلي نتي حابا طيري وبالنسبة لنصحوني بالبورطابل ويفي أني قلتلكم العام الماضي أبي أعطى لكل منا مبلغ من المال من أجل شراء الثياب أختي اشترت ثياب جديدة وأخي أخذ نقوده ونقود أمي وأنا اشتريت هاتف نقال يمكنني من دخول النت ولكن بعد عدة أيام أخذه أخي ولم يرجعه كل يوم أقول لامي انه حقي تقولي وانا وش ندير او مسكين يسخف وعلاه انا منسخفش وحتى الاكل يخرج ياكل برا ويجيب الحاجة واحد ميمسها بصح حنا منقدروش نخرجوا ناكل برا ولوكان شرينا اي حاجة ياكلها هو وكي نقول لماما تقولي كرهت اخرجي طريق اي قدامك هدي هدرة يهدروها ناس وحتى ابي زاد دلال الحاجة لكان لازم ليه لعياط نهار كل ولبخيص وتاني يقالولي روحي لدار اعمامك وجداتك هل تظنون أن هذا يسمح لي ههه ممنوع نروح حتى صحاباتي منقدر نروح عندهم ميقدرو يجيو عندي وممنوع نخرج برا وحدي غير في وقت الدراسة ولقال تروحي للجامعة تتهناي اي ختي راحة للجاميعة نحن الجامعة في نفس ولايتنا منقدروش نروح لبلاصة خرا ومازال كلش مقفول عليها لوكان تتوخر دقيقة خلات والاتصالات مئات المرات في اليوم وينك وعلاه وكيفاه بالمختصر اني عايشة في حبس وزيد قلتولي اقراي في غرفتك علاه عندلكم راحي غرفتي وحدي نهار كل وهوما فيها ياكلوا فيها يقعدوا فيها الحكيان وكي تقعدي قدامهم ممنوع حتى التنفاس وزيد انا كيما نروحوا نقراو يمدنا الوالد بعض النقود من أجل الاكل والتنقلات انا منكلش ونسدرهم وفي الاخير كل ما تتحق الوالدة تديهم وهي صواردها تمدهم لولدها كل ميقلها اعطيني تعطيلوا يو حتى انا دابة كي نشوفوا هكاك نزيد نمدلوا صواردي بصح هو ميحشمش يجيب الحاجة قدامنا ياكلها وميمدلناش بصح اني خليتهالهم على ربي اليوم اني من لبكا بززاف عينيا تنفخوا وعلاهادي زادت شراتهالي ماما كيفاه نقلق ونبكي والله معندنا الحق حتى في البكاء لوكان تبكي يشريوهالك وانا منقدرش منبكيش معنوياتي محطمة ساعدوني
انا لوكان نكمل نحكي موحال نخلص
السلام عليكم
منذ ايام توفيت ابنة خالي و هي تقريبا اختي تربت معانا
كنت ممكن اكتر منك حاجة ماتعجبنيش.رغم انو كل شي متوفرعندي حمد لله..لكن الله غالب كان تفكيري هكداك
بعد وفاتها و هيا لازالت 20 سنة ….عرفت انو احنا نقلقو رواحنا على امور تافهة بزااااااااااف
ننصحك اختي حاولي تبدلي من نفسك شويا وتتقبلي الوضع لي راكي فيه
واحمدي ربي
لانو احسن بكثير من ضروف البعض
وباش يتغير تدريجيا لا زمك صبر وراحة بال وتركيز
وباش تلقاي الصبر وراحة البال والتركيز
لازمك تطبقي واش اقترحت عليك في موضوعك الاول
والله المستعان
ياأختي هذي مرحلة و تفوت لاتقلقي لا والوا كلنا عيشنا هك و الحمد لله كبرنا و نجحنا و اصبحت تلك الايام مجرد ذكريات
ديري في بالك بلي راك العام الجاي الباك لازم تنجحي و تخرجي من السجن الي راك فيه و الايامات ليه ليه تفوت و تلقي روحك في دار زوجك و اعوضك الايام المرة الي عشتيها
ما تخليش الشيطان يغلبك و تفكري بلي ماكيش وحدك
واش راح ديري هادي هي دنيا كل واحد كيفاه عايش تسمعي مشاكل ناس تنساي مشاكلك
سواردك خبيهم في بلاصة واحد مايلقاها ومتمديهم لحتى واحد وكي تشري كولي برا ولا اشري وخبي كعاد اي حاجة ديريها يقاحروك فيها
اصبري واشكي همك ربي ان شاء الله يفرج عليك
وكي تقلقي نقولك نصيحة ابكي وفرغي قلبك حتى لو ميعيجبهمش الحال مترديش لقلبك والله قادرة حتى تمرضي نفسيا
يااختي واش تديري ماعليك الا الصبر ربي يعينك ضض
السلام عليكم ورحمة الله تعالى وبركاته
ربما تجدين ان كلامي بعيدا كل البعد عن حل مشكلتك لكن سأقوله:
توفيت امي رحمها الله في 2024 يعني مرت سنوات
لكن للأن عندما اطرق باب الدار يفتح الباب اتوقع ان تكون هي من يفتح لي الباب وعندما ارى زوجة ابي او اي احد من اخوتي احس ان قلبي فعلا قلبي يتزعزع من مكانه
والله الانسان لا يحس بقيمة الشيء الا اذا فقده
لا تحسبي اني كنت على خلاف مع امي رحمها الله بل بالعكس كانت قريبة مني لدرجة كبيرة
والله يا اختي انت في نعمة فاحمدي الله عليها
غيرك يتمنى اما حتى ولو كانت قاسية ويتمنى ان يصرخ باعلى صوته يقول
امــــــــــــــــــــــــــــــــــــــــــــــــ ــــــــــــــــــــــــــــــــي
ولا ينظر الناس اليه نظرة استغراب لأن أمه متوفية
وغيرك يتمنى ان تكون له ام تعاتبه او حتى تعاقبه
يا اختي هذه امك باب من ابواب الجنة فلا تغضبيها على أمور تافهة حاولي ان تصاحبيها والامور لن تتبدل مرة واحدة حاولي ان تظهري لها انك مهتمة براحتها وراحتة كل من في العائلة
ربي يألف بين قلوبكم
ذكرتيني بنفسي تقريبا نفس وضعك لكن مع الوقت ادركت انني كنت اضخم الأمور ليس إلا و كذلك بالعكس أعجبني ما كنت عليه لأنني تعلمت الكثير و أدركت انه ما هي إلا طريقة الوالدين في التربية حتى ولو لم تكن سليمة , لكن ربما لو لم يتم تربيتي بهذه الطريقة لما كنت ما أنا عليه الآن…
نصائح قد تساعدك
أولا لا تفكري بالطريقة السلبية في الموضوع لأنه سينقلب عليك قد تقولين لكنه ليس بيدي و لا تحسين بما احس أو ما هو آت ليس بأسوأ مما أنا عليه الآن , أقول أنك في فترة تكوين شخصيتك إذا لم يحسن والديك تكوينها فعليك أنت ذلك .. شخصيتك الآن إنعكاس مستقبلك..
سأحلل بالتقريب الخطوط العريضة في شخصيتك
– أنت الآن يائسة
-قليقة أو ربما عديمة الثقة في النفس
-غيورة – ترين ما عند الناس من تفضيل-
.
.
ما تتجره لك هذه الصفات
سترين نفسك دائما أقل من غيرك و لربما ستجهدين نفسك أكثر مما تطيق لترضي أغلب الناس.
– لن تري نجاحاتك و قدراتك
– ستنسين نفسك و تراقبي ما يملك غيرك
-ستقبلين بأي شيء حتى لو كان ينقص من قيمتك فقط للهروب !!
.
.
كيف تتجنبين بإذن الله هذه الأمور
– اشغلي وقتك قبل كل شيء بالذكر و العبادة ( صلي , إقرئي القرآن , إذكري..)
– تعلمي حب نفسك لأن الله فضلك لأنك و الحمد لله كاملة جسديا و عقليا
– حاولي أن لا تتصرفي تصرفا يثير الريبة عند والديك و تذكري أن نواياهم حسنة فقط لا يحسنون الطريقة و تذكري أنه لو كنتي في مكانهم ستتصرفين ببعض ما يفعلون نظرا لما نراه في زمننا من فتن.
– لا تهتمي بالزيارات كثيرا فلن تزيد في عمرك أو تنقصه ما أقصده أي أمر ليس بفعل فائدة كبيرة فلا تشغلي نفسك و تفكيرك به
– أخوك عليك احترامه و الباقي كما يقولون ( طنش عش تنتعش ههه ) لا تبالي اهتمي فقط بنفسك و الباقي فقط ادي واجبك تجاههم من احترام و بر و ما الى ذلك
– أنتي الآن في عطله أستغليها في راحة نفسية مع نفسك أخلقي عالمك , تفكري , تأملي , و ارسمي مستقبلك
و تذكري أنها فقط مرحلة و لن تمضي إلا بالنجاح
– في وقت الدراسة أخرجي طاقتك الإيجابية في المدرسة و صاحبي من هي أهل لمساعدتك لا من تزيدك هما على هم
– اجلسي مع نفسك و اسأليها و أفهمي ما مشكلتك و أنت فقط من تستطيع اخراج نفسك مما هي فيه , لأنك أدرى بأحلامك و قدراتك فأبدعي..
عذرا على الإطالة , كلام كثير يجول ببالي ههه و أعتذر ان جرحتك بكلمة ..
ارجوا ان اكون قد أفدتك ولو بالقليل
و كما قيل لك ( لن يأتي التغيير في لحظة ! )
أتمنى لك التوفيق و النجاح
الحمد لله مشكلتك ليست بقدان والديك،
أو ان والدكِ -لا قدّر الله- مدمن خمر،
ولا أخوك – لا قدر الله- مدمن مخدرات.
ماذا كان سيكون حالك لو كانت هذه حالهم؟
فكري في هذا ثم احمدي الله،
من ناحية اخرى،
أوافقك الرأي
فتمضية الوقت في المنزل دون خروج امر يجلب الضيق،
وهذا كله بسبب الفراغ والروتين،
لذلك حاولي قتل الروتين وملء الفراغ،
حينما يخرج والداك ولا يكون اخوك بالمنزل
افعلي أشياء تخرجك من حالة الروتين،
حتى ولو حركات رياضية،
افعلي شيئا جديدا ومجنوناً
فانت مازلت صغيرة،
عيشي الفرح والأمل.
كوني صديقة لأختك،
حاولي تبادل القصص والروايات والاحاديث معها.
عن والديك فهما متشابهان،
وهذه هي الحياة،
جعلتهما منشغلان عنكم بتوفير الطعام واللباس لكما،
ولا تلوميهما،
بل حاولي التقرب منهما،
فهما يريان انهما على حق،
وهما على حق لا لشيء سوى لأنهما يريدان مصلحتكما،
والدان آخران ما كانا اهتما بكما،
وتركاكما تفعلان ما تريدان دون رقيب أو اهتمام،
وتخيلي حالك من حال الكثير من الفتيات اللاتي ضعن من أيدي آبائهنّ بسبب الحرية الزائدة.
أعرف انك تقولين أريد حرية عادية فقط
لكن هذا ما توفر الآن،
اهتمي بدراستك وعندما تتخرجين ستعملين
وتتزوجين وستتغير حياتك ان شاء الله.
فقط اصبري.
عن أخوكِ ،
هو محتل الصالون،
حاولي تغيير مكان الكمبيوتر الى غرفتكما،
حاولي اقناع امك بذلك أو والدك،
فأنتِ وأختك من تعملان به.
يبقى التلفاز استغلي وقت غياب أخوك لمتابعته،
حاولي وضع اموالك جانباً،
وبما ان والدتك تأخذ اموالك منكِ خبئيها،
لا داعي انْ تمنحيها لها،
بما انها غير محتاجة،
عليك استغلال وقت الفراغ بقراءة القرآن، والعمل في البيت والمطبخ،
ولا تنسي العام المقبل فيه ضغط كبير لذلك ارتاحي هذه العطلة،
حاولي ذلك وهيئي نفسك معنويا لشهادة الباكالوريا،
لا تقارني نفسك بالغير،
واقنعي بما منحك الله،
واكتبي ما تشعرين به في ورقة ثم مزقيها،
ستشعرين بالراحة،
لا تهتمي لتصرفات اخيك،
وليكن اهتمامك بنفسك،
دعي عنكِ هذه الامور التي تنغص حياتك،
وحاولي الاستمتاع بأشياء بسيطة.
بالنسبة للكتب هناك كتب في النت، قد تغنيك عن شراء الكتب،
لكن حلي موضوع الكمبيوتر أولاً.
وتذكري ان هناك من يعيش حياة أصعب مما تتخيلين،
فاحمدي الله على ذلك.
الله يعطيك العقل وراحة البال ….
قد افادت واجادت الاخوات من قبلي … فاعملي بنصائح :
العضوتين اللي قبلي ….
والسلام.
بارك الله فيك
شكرا اخواني
السلام عليكم
إنت الآن راكي تتمردي على أهلك وهوما نضن يعاملو فيك هاك يعتبروك مازلت طفلة يعني وراكي عارفة لما نكونو صغار فالدار ما عندناش قيمة اصلا والطفل هو المدلل فالدار وهذا خوك تحمليه وأيضا بالنسبة للخرجة إسمحسلي عندهم الحق الوقت راه صعيب واش حبيتي يخولك تتنقلي بحرية الوقت راه صعيب وفالشارع امور كثيرة تحدث وكاين للأسف ما يستاهلوش ثقة اهاليهم ووالديك وخوك عارفين واش راه يصرا عليها في قضية الدخول والخروج ويتصلو يحوسو يعرفو وينك عندهم الحق
فيما يخص تعاملهم معاك فالدار إنت حاولي تلثاي برنامج لنفسك يعني ما تفكيرش كل الوقت فالوضع وديري فروق بينك وبين خاوتك لا ديري قيمة لنفسك في وسطهم ساعدي امك تقربي منها ومن والدك ممكن إنت حجرة وباردة معاهم يميلو لخرين كثر منك ممكن لسانك طويل وتردي الهدرة او ما تحبيش على صوالحك يعني كاين امور تخلي الوالدين والخاوة يعاملوك بجفاء
بدلي عقليتك كل شي يتبدل موفقة وما تقلقيش روحك وقت ويفوت تحملي
وصدقيني عند نيل الشهادة بمعدل ممتاز تسترجعين حريتك 50%واذا واصلت اجتهادك ونلت وظيفة تكملين 50% المتبقية وتصبحين مستقلة تماما اما ان لم تنجحي لا قدر الله سيتضاعف الامر اكثر فاكثر ويصبح كالجحيم …
الحل بيدك انت وحدك لا غير