السلام عليكم يالبنات اليوم حبيت نحطلكم هذه الفطائر السهلة واللذيذة والبسيطة في نفس الوقت وهي بالعجينة تاع 10د التي تصلح لكل انواع المعجنات وهي موجودة في المنتدى نبداو
المقادير
المرحلة الاولى
2ملاعق كبار سكر
2 كلاعق كبار خميرة خبز
2 كيسان ماء دافئ
2 كيسان فرينة
ملح
نخلط بملعقة خشبيةو نغطيها ونخليها ترتاح 10د
المرحلة الثانية
3 كيسان فرينة ونلمها وتكون تلصق شوية نضيف1/2 كاس زيت ونعجن شوية
شوفو شحال طرية
نخليها ترتاح 5د ثم نرش الفرينة و نحلها رقيقة شوية
نقطع مربعات 10سم على 10سم و نثقبها بالفرشيطة
الحشو
1/2 ملعقة صغيرة موتارد
فرماج شاف مقطع بالطول
طماطم مقطة دوائر ومنزوعة البذور
زعتر
فلفل اسود
ملح
زيتون اسود
والصور توضح الباقي
ندخلها الفرن مسخن 180°د مدة 10د الى 15د
انا نسيت عليها حمارت بزاف 
انشاء الله تعجبكم و تقييمكم يهمني
الكلمة الطيبة صدقة
مممممم وصفة بسيطة و لذيييييذة في نفس الوقت ،، يعطيك الصحة حبيبتي و جوزيت خيرااااا على المجهود
شكرا حبيبتي على التشجيع بارك الله فيك
خفيفة مع هاد السخانة 444444
هايلة تصلح للخرجات يعطيك الصحة
يعطيك الصحة يا الشاطرة باينة هايلة انشالله نجربها نحب هذي العجينة وديما نخدم بيها تجي خفيفة تهبل مشكورة
يعطيك الصحة والمزيد من الوصفات الشهية
بارك الله فيك على الوصفة
يعطيك الصحة بارك الله فيك على جهدك ساهلة و و باينة بنينة أنا من عشاق الطماطم