السلام عليكم. من فضلكم أريد أن استفسر عن تخصص electronique automobile . مارأيكم فيه ؟. وهل هو جيد و له مستقبل ؟.
هو تخصص تفتح به محل لوحدك أو ربما تعمل به عند concessionaire auto
وهل هي مهنة جيدة . ماذا أصنع فيها .وهل فيها مدخول جيد ؟؟؟
من فضلكم أريد شرح وافي لهذا التخصص.
الرجاء من الاخوة ابداء رأيهم في اسئلة الاخ الكريم وخاصة الميكانيكيين
هل التخصص يوكل الخبز؟؟؟؟؟؟؟؟
اريد اختيار هذا التخصص و لكن لم أجد من يساعدني في فهمه و فهم الأعمال و الصيانة التي تقام في هذا التخصص.
يا اخي انا عندي صحبي عندوا نفس ديبلوم نشرحلك عمل تاعوا اولا خدمتوا كيما مراقبة تقنية لسيارات يعني كيما سكانير بصح هدا تاع سيارات جدد تخدم بالميكروا كاين علبة جاية تحت فولوا تربطها مع لميكروا و تسكاني سيارة ،،،،بصح سيارات توالى رقمية يعني حديثة ،،،،،،صحبي قراه و كمل و باش دار ستاج براتيك بكشايف في ميزوا تاع مرسوداس وهران ،،،،و ضرك راه لا خدمة لا والوا انت و شطارتك قادر دير دعم و تفتح روحك قادر تخدم مع كاش ميزوا كيما لي حلت في وهران تاع رونوا ان شاء لله نتمنى راني كفيتك و سلام عليكم
السلام عليكم أخي أنا قريت تقني سامس ألكتروميكانيك في معهد الحراش بالعاصمة كيما قال الأخ تاع سكانير السيارات و أيضا ميكانيك يعني بالدبلوم تفتحلك كل الأبواب نحو التطور و أنا عملت في عدة شركات السيارات و لكني الآن أعمل أستاذ التكوين الكهني أدرس الميكانيك و الكهرباء للسيارات و الحمد لله يعني إذا تحب المهنة تلقى الخدمة و تقدر تخدم عند روحك و إذا ما تحبهاش ما عندك علاش تقلق روحك لأنها لازملها صبر أيوب باش تتعلم و تسلك راسك
هذا التخصص موجود بمركز التكوين المهني ببوسعادة فكاني لعموري وبه استاذة متمكنة جدا بهدا الاختصاص ……واختصاص جميل جدا
معظم الاساتذة غير متمكنين من اختصاصهم وينفرون التلاميذ من الدراسة لكي يبقى عام كامل دون تدريس والشهرية ماشية ، التكوين المهني يحتاج الى موهوبين وليس اشخاص عاديين.
|
المشاركة الأصلية كتبت بواسطة ali62
 الرجاء من الاخوة ابداء رأيهم في اسئلة الاخ الكريم وخاصة الميكانيكيين
هل التخصص يوكل الخبز؟؟؟؟؟؟؟؟ |
آآآآآآآآآآآآو ايوكل البريوش
احذرو قبل ان تلتحقو باحد الاختصاصات اسالو عن الاستاذ اولا.
واعلاش يا الخنشلي منين ما طارتلكش الخدمة راك تحرض في اولاد الناس على الاساتذة والله حرام عليك وعيب و عار من تصرف جاي من عند واحد جامعي زعما و مثقف
|
المشاركة الأصلية كتبت بواسطة alnasma
واعلاش يا الخنشلي منين ما طارتلكش الخدمة راك تحرض في اولاد الناس على الاساتذة والله حرام عليك وعيب و عار من تصرف جاي من عند واحد جامعي زعما و مثقف
|
انا اقول الحقيقة ومارايته بام عيني ، التدريس في التكوين المهني اصعب من التدريس في المدارس والثانويات
يعني قالو لك تخصص سيارات قلت انت ارى وهل فيه مدخول
ان اردت المدخول يمكنك ان تبيع البرتقال
لكن احذر اهتم بشيء تهواه نفسك وترتاح فيه
وحتى تعمل سكانير سيارات يجب ان تتباع برامح من autodata vivid workshop الخ
وتعمل بسكانير ومبرمج ايبروم autocom vcds carprog الخ
ويجب ان تكون لك درايه كبيره في الميكانيك حتى تصلح خطأ الناتج للناس
للانه ليس هناك من يريد عمل سكانير ب 500دج يذهب يصلحه لوحده
وليس هناك من يعطي سياره مرسيدس ب 800 مليون لشخص جديد بدأ اليوم
احذر وفكر انا امارس هذا النشاط لكن لوحدي حر مرات على مرات لكن ليس بمحل او دبلوم
احذر فالعمل ليس مدخول لان المدخول يأتي حتى لو تبيع الجوارب او الشبس
بالتوفيق