اريد الطلاق

السلام عليكم
عني سنة ونصف زواج ولست مقتنعة بزوجي هو طيب ويحاول وفير كل احتياجاتي ولكنه فقير
كلما ارى اخوته اغر منهم واح مدير بنك والاخر يكمل راسته في المانيا والثالث مهندس معماري
صحيح طيب ولكن عندما اقارنه باخوته اندم على الزواج به اشعر انه اقل منهم في المستوى
اريده اكمال تعليمه مثلهم لكن هو يرى نفسه كبير 34 سنة
اظل ابكي وندمانة اني زوجتو واغار من اخوته كلهم اغنياء الا هو لا يملك شيء لا بيت لا سيارة لا رصيد في البنك والله ماعندو والو
نفكر في الطلاق بجدية ولكن معامللته لي جيدة يعاملني كملكة ويعمل المستحيل لاسعادي
لكن اكيفاقتنع به اريده ذو مستوى وذو دخل عالي اريد العيش مثل زوجات اخوته اخجل بمستواه فهو مستواه اولى ثانوي
والله سوف اجن
هل انفصل منه لانني اكتشفت انني اخطات في الاختيار ليس هو الرجل الذي كنت احلم به
كنت احلم برجل غني ذو مستوى علمي طيب لا اعرف ماذا افعل
حملت واجهضت الحمدلله اشعر ان الله اراد الاجهاض كي ننفصل بسلام
والله سخفت ندي الدار تكون عندي داري وحدي والله رايحة نهبل

هو لي لازم يندم كي تزوج بانسانة مادية ماهيش راضية بقسمتها وكون تزوجتي بواحد غني ما يقدركش ويضربك ولا أخلاقو ماشي مليحة يعجبك الحال المهم غني نقلك اطلقي اطلقي كشما تدي شايب غني ولا ارجعي لدار باباك واحد ميزوج بيك ولا طامعة تعاودي تزوجي بفارس الاحلام جون وغني ياخي عباد ياخي نسيتي ربي الفقير يرجعو غني وفي دقيقة الغني يرجع فقير بصح مافيكش الخير كون جا عندو وطاحة بيه انتي اول وحدة تتخلاي عليه قلي اعوذ بالله من نفس طماعة

والله راح تندمي يا مادية وربي ماراح يباركلك خلاص
حسبنا الله ونعما الوكيل

الله يهديك اكتري من الا ستغفار ولي العقلك الزوج الصالح افضل الارزاق .

و الله ربي يهديك يا اختي …واش بغيتي اكتر كن هكا …الراجل يعاملك باحسن معاملة و طيب ..و.و.و.و.و. راكي محظوظة بيه …حتى تمنبت نكون في بلاصتك .
حسبيا الله و نعم الوكيل ..نقول متلا راح تطلبي الطلاق و طلقت ..واش راح تستفيدي ..زعمه تعاودي تزوجي ..ما شكيتش ..و تجيبي واحد عندو الدراهم ..سبحان الله ..مئة واحدة تتمنى تكون في بلاصتك و انت ما قتنعتبش واش عطاك ربي ….نصيحة روحي عاودي حساباتك الراجل بدينو و اخلاقو ماشي بدراهمو …ولي شبعانة في دار باباها ……….

والله ضحكتيني علاش انت كنت عايشة في قصر المرادية ولا في البيت لاابيض وهو لي خلاك فقيرة؟ انت اصلا شكون باين فقيرة وزوالية ومع ذلك تحلمي برجل غني ومتعلم شكون لي قبل بوحدة فقيرة واصلا انت واش هو مستواك؟
فوق لروحك واحمدي ربي لي عطاك راجل متهلي فيك ودايرلك قيمة وسقصي لي تزوجو الاغنياء واش راه صاير فيهم اصلا الاغلبية مش متزوجات راجلها ما عندوش وقت ليها..اذا حبيتي تطلقي تقدري لكن الاكيد ربي يوسع عليه ويتزوج وحدة اجمل منك واصغر منك واغنى منك لان الظاهر ان الله تعالى اراد به خيرا انك تطلقي

الدراهم يجو ورحو انت معندكش القناعة حتى لو تولي غنية دائما تبقاي تخزري في يد غير وتعجبك الي عند غيرك نورمالمو هو يندم ويطلب الطلاق انتي الي لازم تخمي ديري صنعة في يدك لهي بيها روحك وتستفادي وتفيدي بيتك وراجل وتلهي عقلك

يا اختي اسمحيلي راكي غلطانة مليون بالمئة في البدايه عارفة مستواه علاه وافقتي ياك ما خباوش عليك زيد علاه تقارني في روحك بسلفاتك واخوان زوجك الي يقارن عمرو لا يريح اليوم نقارن بسلفتي غدوة باختي وراجلها وبعدها بصاحبتي هاك عمرك لا تريحي المهم المراة تدي راجل يقدرها ويعرف قيمتها هداك الاساس وما يبخلش عليها باللي عندو السعادة عمرها لا كانت في دراهم حنونة السعادة راحة بال زيد كيما قالت صاحبتي ندي راجل على قدو يعود طول يشوف فيا فوق مستواه ويحاول يسعدني ومانديش واحد بدراهمو يلعبها عليا ويعفس عليا ورانا قع لا سكنة لا سيارة لا تحواس ونورمال المهم العشرة الزينة وخلاص وزوجك يخاف فيك ربي يااختي النسا راها خلات لرجالهم الجمل بما حمل قاعلى المعاملة السيئة ولا الخيانة فكرررررررررري مليح

لا حول و لا قوة إلا بالله

واش بيك يا ختي رايحة تكفري ؟؟؟

ماشي انت لي تزوجت ربي سبحانو هو لي كتبلك هذا الزواج

و علاواش نادمة ؟ كي تزوجتي رجل فقير ؟ و علاش كنت قادرة تتزوجي راجل غني بإرادتك و لا بإرادة رب العالمين ؟!!!!!!!

سبحان الله

يقول الله تعالى :"و أَنكِحُوا الْأَيَامَىٰ مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ ۚ إِن يَكُونُوا فُقَرَاءَ يُغْنِهِمُ اللَّهُ مِن فَضْلِهِ ۗ وَاللَّهُ وَاسِعٌ عَلِيمٌ"

يا بنتي شوفي لروحك برك و ما تشوفيش للناس و اقنعي بواش عندك خير ما يروحلك كلش

ألعني الشيطان راه هو لي معشش في مخك و يعمرلك في راسك و انت درتيه صديقك الصدوق و هو الكاذب الكذاب

الوسواس الخناس .

توبي لرب العالمين و استغفري و ربي يهديك إن شاء الله

و شدي في راجلك الطيب و اصبري و الفقر ماشي عيب

و يا ختي رانا كامل عايشين قدنا قد حالنا و حامدين ربي و شاكرينو

الدراهم ماشي هوما كلش يا اختي مهم اهنا و اوكان تدي واحد عنده دراهم اكيييييييييد يتزوج بالثانية الله يهدييييييك و يثقل موازينك

الكلمة الطيبة صدقة
والنصيحة تؤخد بالكلام الطيب …وترد بقسوته
مررت بالردود ….استغربت من التعليقات القاسية ..التي تهدف لنصح صاحبة المشكلة التي تعاني بصدق
نحن هنا لنآزرها وننصحها ونقدم لها ما يريح نفسيتها المتعبة …وما دامت بيننا فأكيد أنها لم تجد في الخارج من ينصت إليها ويحس بها ويقنعها بالعدول عن فكرتها
لذا إخواني فلنعالج المشكلة بروية وحكمة دون تهجم على المشتكية ليكون لنا أجرا وثوابا في إصلاح النفوس وتهدئتها
ارجعوا إلى موضوع الأخ عمر : ترفقوا من فضلكم

هده كلمتي ولي عودة بإذن الله لصاحبة المشكلة

والله لحظة صدق واحد لن تشتريها بأموال الدنيا لا أحد ينكر أن الاجواء و المقارنة والغيرة بين ا زوجات الأخوة قد تخلق ضغط لكن مشكلتك المطروحة مادية ولن تضمني مطلقا بالزوج من غني إن كان غني هل سيكون ذو أخلاق ،بصرحة زوجك مسكين لأنه مرتبط بك لكن في الاخير كل واحد مسؤول عن اختياراته لعل الله يريد به خير عند فرقك له حاولي أن تغير الوضع من خلال تحفيز زوجك من كل الجوانب التي تظني أن فيها نقص أو أقل من طموحك

اقتباس:

المشاركة الأصلية كتبت بواسطة أمل الحياه& الكلمة الطيبة صدقة والنصيحة تؤخد بالكلام الطيب …وترد بقسوته مررت بالردود ….استغربت من التعليقات القاسية ..التي تهدف لنصح صاحبة المشكلة التي تعاني بصدق نحن هنا لنآزرها وننصحها ونقدم لها ما يريح نفسيتها المتعبة …وما دامت بيننا فأكيد أنها لم تجد في الخارج من ينصت إليها ويحس بها ويقنعها بالعدول عن فكرتها لذا إخواني فلنعالج المشكلة بروية وحكمة دون تهجم على المشتكية ليكون لنا أجرا وثوابا في إصلاح النفوس وتهدئتها ارجعوا إلى موضوع الأخ عمر : ترفقوا من فضلكم هده كلمتي ولي عودة بإذن الله لصاحبة المشكلة

بارك الله فيك على الرد الجميل هذه من أكثر المشلكة الموجودة في هذا القسم لأسف شكرا أخي على النصيحة لناصحين