السلام عليكم اخواتي اود ان اسال عن كيفية طبخ بوزلوف في الكوشة يقال انه بنين بزاف .
لمن لديها الوصفة ان تقدمها لي اليوم من فضلكن لانه اريد تحظيره اليوم ان شاء الله.
السلام عليكم ورحمة الله وبركاته
حبيبتي شوفي بالنسبة للبوزلوف طيبيه اولا في الماء والملح اوفوريه كيما تحبي انا نحب نفورة باش ليدام تاعو كامل يهبط في القدر اللي فورت فيه ومبعد حطيه خليه يبرد شوية ونحيله العظام كامل بعدها حطي اناء ودوزني فيه الصلصة تاع البوزلوف اللي هي ثوم مدقوق+فلفل حار+فلفل اكحل +كروية +مقدار من الزيت+ملعقة طماطم مصبرة وشوية ماء خلطي كلش مع بعض ورمدي البوزلوف في الخلطة وحطي في اناء المطهى بعدها فرغي لاصوص اللي قعدت فوقه وقطعي المعدنوس من فوق ودخليه للفور
بقى التزيين مبعد من اختصاصك وشهية طيبة
كاين طريقة ديريها كيما لحم فلكوشة تجي هايلة انا نطيبو غي هاك سيرتو فلعيد مياكلوهش مرقة طيبي بوزلوف حتى يطيب مليح فصيه ملعظام مبعد وجدي التتبيلة ملح وفلفل اكحل وكمون ورند ادهني البوزلوف ورشيه بقطرات من الزيت لان يجي ميدم بزاف ودخليه للكوشة يتحمر يجي روعة
وكاين وصفة اخرى فلكوشةبوزلوف طيبيه فلكوكوطمع ملح وثوم ثم لما يطيب صفيه وقطعيه قطع صغيرة
ثم ديري بصل رقيق+ زبدة + ملح وفلفل اكحل + حبة طماطم مسكرفجةتقليهم + كاس ونص ماء + البوزلوف وتخلطي الكل وديريها في صينية تاع كوشة ودخليها حتى تنشف ثم نضرب 3 بيضات مع المخ والمعدنوس ونسقي الابوزلوف ودخليهم للكوشة حتى ينشف البيض وشهية طيبة نشا الله يعجبوك
انا نطيبو عادي في لكوكوط ومن ثم كي ينشف شوية من لصوص نديرو في الفرن يجي بزاف بنين
شكرا لكن اخواتي على هده الوصفات راني طيبتو وجا هايل
بالصحة والعافية
الكريم
على المرور
بارك الله فيكم
بارك الله فيك و جزاك الخير
طبعا تشوطي راس الخروف على النار تغسليه مليح بالصابن و ماء جافيل حكي مليح حتى لا تبقى ولا نقطة سوداء باش ماجيش فيه بنة المرورية
قطعيه انزعي المخ خليه بجيه
شليه بالماء وقطريه
حضري الدرسة فقط ملح و ثوم و كمون مرحي دقيهم مع بعض حكي كامل القطع بالدرسة حطيه في لاكوكوط اغلقيها بالصفارة مليح حطيه على النار بدون اضافة الماء نقصي النار بزاف و خليه حتى يطيب
في هذه الاثناء حضري صوص تومات بطماطم الحبة و سنة ثوم كيطيب اما يقدم هكذا يؤكل فقط مالح او ضعيه في طبق خاص بالفرن سقي عليه لاصوص تومات و دخليه للكوشة شوية برك تنشف قدميه مزين بالمعدنوس و نقطات من الخل
شهية طيبة يجي بنين
بارك الله فيكم
السلام عليكم ورحمة الله وبركاته
الطريقة نفسها في تحضير البوزلوف
فقط كي يكون مسلوخ اذاتحبي ادريه كامل يعني بلا ماتقسميه ةتبليه وتلمديه بالالمنيوم ودريه في السني انتاع الكوشة وتطيبيه
واذا تحبي تقسميه الى اثنين وتنحي المخ وتبلي البزلوف ونفس الطريقة
اما المخ ادريله شوية زيت زائد ملح زائد كمون زائد حرور وتتطيبيه ومن بعد اتزيديله البيض وبالصحة والهنا
كيفية تحضير بوزلوف
بالصحة والعافية