احكولنا شوية على طوايش الاولاد الصغار 2024.

السلام عليكم ورحمة الله وبركاته
حياكم الله
حبيت ندير موضوع في منتدى احباب الله
واللي هو تحكولنا شوية على طوايش اولادكم ولا خاوتكم ولا ولاد الجوارين المهم اطفال
او تجيبولنا واش يديرو مثل رسومات رسموهم مضحكين ولا اكلات داروهم
ان شاء الله تتفاعلو مع الموضوع

ههه موضوع جميل عن البراءة
بنتي ذاك النهار كلات دورو صغير وربي سترها فات من بعد خرج
ثان كانت تلعب بالكرسي تاعها صغير ودخلت الطرف تاع اليد فيه كما الشباك في فمها ولصق بين فكها السفلي والعلوي
جات تجري والكرسي لاصق في فمها ومفتوووح ع الاخر وبالسيف نحاهلها ابوها
اختي مرة لما كانت صغير راحت تلعب بالعصا تاع ليزيقوي الي ينسجو بيه الصوف وطاحت عليه ودخللها في اللهاث تاعها اي الجهة العلوية من الفم من الداخل جات تعيط
والليزيقوي لاصق في فهما والدم يسيل ربي ستها ماثقبلهاش الجهة الي فوق وتبدا تهدر عقونة لا قدر الله
ومرة كنت نلعب انا وخويا واختي الصغير راح خويا رفد الصغيرة وهو راقد وحطها على راسو قاتلو نزلني راني رايحة للتوالات مي هو عندبالو تحوس برك تهرب
ماعيات فيه ماخلاهاش حتى بالت على راسو هههه
هذا واش تفكرت

ههههههههههههــــــ التالية تقتل بالضحك
قدر الله وماشاء الله فعل
بارك الله فيك خيتو

اقتباس:

المشاركة الأصلية كتبت بواسطة ام رحوقة ههه موضوع جميل عن البراءة بنتي ذاك النهار كلات دورو صغير وربي سترها فات من بعد خرج ثان كانت تلعب بالكرسي تاعها صغير ودخلت الطرف تاع اليد فيه كما الشباك في فمها ولصق بين فكها السفلي والعلوي جات تجري والكرسي لاصق في فمها ومفتوووح ع الاخر وبالسيف نحاهلها ابوها اختي مرة لما كانت صغير راحت تلعب بالعصا تاع ليزيقوي الي ينسجو بيه الصوف وطاحت عليه ودخللها في اللهاث تاعها اي الجهة العلوية من الفم من الداخل جات تعيط والليزيقوي لاصق في فهما والدم يسيل ربي ستها ماثقبلهاش الجهة الي فوق وتبدا تهدر عقونة لا قدر الله ومرة كنت نلعب انا وخويا واختي الصغير راح خويا رفد الصغيرة وهو راقد وحطها على راسو قاتلو نزلني راني رايحة للتوالات مي هو عندبالو تحوس برك تهرب ماعيات فيه ماخلاهاش حتى بالت على راسو هههه هذا واش تفكرت

السلام عليكم ورحمة الله وبركاته
نحكيلكم على الصغيرة نتاعنا في الدار
المهم مرة اسرينا على بابا باش يخرجنا نشرو ملابس قالنا نديكم ان شاء الله بشرط حاجة ماتبانش منكم وحتى اختكم الصغيرة لبسولها جلباب
اختى الصغيرة عندها 4 سنين
لبسنا ورحنا
هبطنا بابا في الحانوت كانو صحابو رحنا حنا نشوفو واش ندو وبابا راح عند صحابو مجمه معاهم
واختى الصغيرة قاعدة الناس ايسلمو عليها
غيرتهم كي كانت بالجلباب
والحانوت كان معمر ماشاء الله بالغاشي
ايوه حوسنا على اختى القيناها في وسط مجموعة من النساء وصحاب بابا يخزرو فيها قاعدة تشطح زعما كيما صحاب الراب
وتغنى في هادي الغنية
احنا صحاب الراب ناكلو التراب
الفيستا محلولة
السروال مثقوب مكان والو في الجيب الخدمة ربي يجيب
بابا ماصاب حشم واحد الحشمة من صحبو ماصاب وين يدخل
زعما هو باللحية واحنا الكل بالجلباب وحتى اختى الصغيرة كانت لابسة جلباب
وتغنى وتشطح
دارو قاع بيها اللي في الحانوت وقعدو يضحكو
وكي سقساها بابا وين جبتى هادي وشكون علمك هاكدا
قاتلو من برى
الحمد لله اللي ماقتلهاش بابا

انا بن خالي صغير عمرو 3 سنوات واعر تاع الصح حكمو خالي في رمضان عطالو طريحة تاع الصح بدا يبكي نصف ساعة وهو يبكي خالي قالنا قلت من هاذي يعقال ………………كي بقات ربع ساعة على اذان المغرب رفع فردة تاع حذاء ورماها في القدرة تاع الشربة هههه………………وخالي مستحيييييييييييل يفطر بلا شربة ……………….قتلنا بالضحك ذاك النهار ولى الطفل هارب وطاير عقابو خالي وامه تفك عليه لان خالي فقد اعصابه ……………..جانا خالي هند الفطور قالنا نفطر معاكم وحكانا الحكاية انا تقطعت بالضحك ماقدرتش نضحك ههههه

نحيلكم على روحي كي دخلت الابتدائي دخلت للقسم لقيت معلمة تقري فينا بدات الانسة تطرح في الاسئلة والاولاد يشاركو يقولو انسة انسة انييييييييسة ……….انا نحسبهم يقولو عانسة عانسة عنييييييييييسة ………هوما كي سكتو انا نضت كي الشاطر وحدي في القسم عانسة عانسة عنييييييييسة ضربتني بكف وخرجتني من القسم مافهمت والو هي دارت عليا وانا عمري 5 سنوات لانها كانت عانسة لم تتزوج بعد ……….انا فهمتها كي دخلت الاكمالية فقط …………….المهم ولات تكرهني ومبعد ولات تحبني وانا ثاني وكنت نروح للمنزل تاعها نرسمو عندها رسومات هههه وهي تموت من الضحك من رسوماتنا

اقتباس:

المشاركة الأصلية كتبت بواسطة الواثق نحيلكم على روحي كي دخلت الابتدائي دخلت للقسم لقيت معلمة تقري فينا بدات الانسة تطرح في الاسئلة والاولاد يشاركو يقولو انسة انسة انييييييييسة ……….انا نحسبهم يقولو عانسة عانسة عنييييييييييسة ………هوما كي سكتو انا نضت كي الشاطر وحدي في القسم عانسة عانسة عنييييييييسة ضربتني بكف وخرجتني من القسم مافهمت والو هي دارت عليا وانا عمري 5 سنوات لانها كانت عانسة لم تتزوج بعد ……….انا فهمتها كي دخلت الاكمالية فقط …………….المهم ولات تكرهني ومبعد ولات تحبني وانا ثاني وكنت نروح للمنزل تاعها نرسمو عندها رسومات هههه وهي تموت من الضحك من رسوماتنا

اضحك الله سنك اخى
طروشتها ممسكينة فكرتنى في جداتى
اتقول للاومو
عومو
واسلام اتقولو
عيسلام
بوبية اتقوللها boubiya
هههه راك كيما هي

اضحك الله سنكي اختي فعلا الكبار في السن يقلبون الهمزة عينا ………..لكن انا لم اقصد قلبها حينئذ لاني فهمت انها تنطق بالعين وليست بالالف وقلبتها المهم احرجتها في تلك اللحظة وراهي مازالها تقري وديما نفوت عليها لكنها لاتعرفني

ادعولي ربي يعتيني درية صالحة ونحكيلكم على طوايشهم

اقتباس:

المشاركة الأصلية كتبت بواسطة أم البراء السلفية السلام عليكم ورحمة الله وبركاته نحكيلكم على الصغيرة نتاعنا في الدار المهم مرة اسرينا على بابا باش يخرجنا نشرو ملابس قالنا نديكم ان شاء الله بشرط حاجة ماتبانش منكم وحتى اختكم الصغيرة لبسولها جلباب اختى الصغيرة عندها 4 سنين لبسنا ورحنا هبطنا بابا في الحانوت كانو صحابو رحنا حنا نشوفو واش ندو وبابا راح عند صحابو مجمه معاهم واختى الصغيرة قاعدة الناس ايسلمو عليها غيرتهم كي كانت بالجلباب والحانوت كان معمر ماشاء الله بالغاشي ايوه حوسنا على اختى القيناها في وسط مجموعة من النساء وصحاب بابا يخزرو فيها قاعدة تشطح زعما كيما صحاب الراب وتغنى في هادي الغنية احنا صحاب الراب ناكلو التراب الفيستا محلولة السروال مثقوب مكان والو في الجيب الخدمة ربي يجيب بابا ماصاب حشم واحد الحشمة من صحبو ماصاب وين يدخل زعما هو باللحية واحنا الكل بالجلباب وحتى اختى الصغيرة كانت لابسة جلباب وتغنى وتشطح دارو قاع بيها اللي في الحانوت وقعدو يضحكو وكي سقساها بابا وين جبتى هادي وشكون علمك هاكدا قاتلو من برى الحمد لله اللي ماقتلهاش بابا

هايلة هادى روعة يا اختى وين صابت الغنية هاذى هههههه
جامى سمعت بيها
ربى يخليهالكم

اقتباس:

المشاركة الأصلية كتبت بواسطة الواثق اضحك الله سنكي اختي فعلا الكبار في السن يقلبون الهمزة عينا ………..لكن انا لم اقصد قلبها حينئذ لاني فهمت انها تنطق بالعين وليست بالالف وقلبتها المهم احرجتها في تلك اللحظة وراهي مازالها تقري وديما نفوت عليها لكنها لاتعرفني

هههههــ
فعلا موقف محرج
بارك الله فيك اخى

اقتباس:

المشاركة الأصلية كتبت بواسطة sarah3113 ادعولي ربي يعتيني درية صالحة ونحكيلكم على طوايشهم

ان شاء الله اختى
ربي يرزقك الذرية الصالحة
اكثرى من الدعاء

اقتباس:

المشاركة الأصلية كتبت بواسطة elkamar السلام عليكم نحكيلكم على خويا كي كان صغير كان يدير المنكر في يما مرة كان يلعب بالباكي تاع الأومو و يفرغ فيه فالأرض كي شافتو يما راحت تجري ليه قبل ما يكملو و هو كي شافها ولا يخف باه يفرغو قبل ماتوصل ليه

وعليكم السلام ورحمة الله وبركاته
اضحك الله سنك اخى
ماشاء الله ربي يحفضولكم ان شاء الله

اقتباس:

المشاركة الأصلية كتبت بواسطة النجمة القطبية هايلة هادى روعة يا اختى وين صابت الغنية هاذى هههههه جامى سمعت بيها ربى يخليهالكم

هههههههههـــــ قالوهالها اولاد الشارع نتاعنا كل يوم بالجديد
ااامين ربي يحفضك اختى