السلام عليكم ورحمة الله تعالى وبركاته
ابني عمره ست سنوات يعني يدرس السنة أولى هاذ اأسبوع ينهض في الليل مفزووووع ويصرخ بشدة حتان يخلع أخوه عنده الثلاث سنوات ونصف يقوللي خفت وسمعت أصوات وحاولت نهدا من روعه أنا ووالده بصح مافيش فايدة ساعات يجي يرقد معانا هو وأخوووه عمبالي بلي تصرف خاطىء قلت نصبر شوي برك ولا فائدة فهمتو بلي ماكان والووو يخلع في الدار بصح البارح زاد أكثر وراح نام معاه والده عدة مرات يرقد وينوض مفزوع وهكذا ويزيد يفزع خوه والله حاولت أعرف السبب بصح ماكانش سبب لخوفو واش رأيكم؟؟؟ ولي جربت مع ابنها مشكلة كيما هاذي تساعدني الله يخليها ويحفظها
اختي العزيزة ديريلو رقية لعلّ راو يشوف صح في حوايج في منامه تخوفه *
بارك الله فيك يالحبيبة
راقبي ما يشاهده في التلفاز والله معظم كوميكات هذا الوقت تروع
وزيدي ابحثي ممكن سبب خوفه عندو علاقة بالمدرسة لانو سنة اولى ممكن كاين الي يخوف فيه
ولما يحب ينام شعليلو قناة القران وخليه يرقد بيها يتعود يرقد بالقران وتهدى نفسو حتى يحفظ السور ويرجع يقراها لروحو وربي يهني قلبك عليه
ام
محمد تاج ممكن من المدرسة ربما ماهوش متعود على الضجيج
عجباته المدرسة ام لا ؟
كي ترقدوا معاه ينوض او لا ؟
هل خوفتوه من المعلمة ؟
حبيبتي ست الحبايب شكرا وألف شكر ليك وعلى العكس ابني مايتفرجش التلفاز بزاف من طبعو يحب لقراية والرسم وأنا من النوع الحريص يتفرج واش نشوف مناسب له وهو راض وسعيد
أم ماجد الغالية من لي كان عمره أربع سنوات دخلتو يقرا في المركز الاسلامي الثقافي على خاطر شفتو يحب لقراية يعني متعود عليها
وثانيا يحب معلمتو وهي تحبووو على خاطر بشوش دائما
وكي نرقدو معاه يبقى حال عينيه ويتخيل بسيف باه يرقد واااااااع ساعديني الله يخليك والله ماني مطمنة عليه خلالالالالالالالاص
شكرا يالحبيبة
بسيطة يا ام تاج ابنك بحاجة الى رقية وهذا يحدث كثيرا وهو مار طبيعي. وفي حال لم تأتي الرقية بنتيجة خذيه الى طبيب نفسي لانه ربما حدث معه امر جعله يفزع ولكنها مشكلة عارضة فلا تياسي وطهورا ان شاء الله
بارك الله فيك أخي وربي يعطيك ماتتمنى نشالله وراح نتبع واش قتلي شكرا جزيلا
نحكيلك على بنتي دخلت الجامع وكانت المعلمة تطلب منهم بربعو يديهم واكنت تتضرر من هذا بصح ماقالت لا لينا لا للمعلمة ووبدات تحوس تحيبس القراية بعد مدة طويلة باه قالتلي بالرغم ان المعلمة تحبها
كلامي مبني على اساس انه بدالو المشكل من دخل يقرا ولا تنسي الرقية
بسيطة ان شاء الله
أولا يغير مكان النوم في نفس الغرفة التي ينام فيها ووضعية نومه
ثانيا : قبل النوم تقرأي معه المودات الفاتحة وأول سورة البقرة وآية الكرسي وآخر سورة البقرة
مع أدعية النوم حتى ينام
بعد النوم : اقبضي يديك كأنك تتدفئين تقرآين فيهم الفاتحة المعودات الاخلاص مع الإكتار من الدعاء:بسم الله الرحمن الرحيم عدة مرات
بسم الله الدي لايضر مع اسمه شيئ في الارض ولافي السماء وهو السميع العليم عدة مرات
أعيدك بكلمات الله التامات من شر ما خلق
اعيدك بكلمات الله التامة من كل شيطان وهامة ومن شر مخلوقات الله عامة
واعية لرسول الله صلى الله عليه وسلم
ثم انفتي ثلات في يديك وامسحي على كامل جسمه
دون أن تنسي التصلية الابراهيمية
بإدن الله ينام بحفظ الرحمان
ان شاء الله خير
بارك الله فيك أخي والله كلماتك في الصميم وراح نجرب نشالله ربي يعطيك ما تتمنى
نعم الاراء اراء الاخوات تبعيها
اكيد عنده سبب
ديري الرقية وحاولي تتقربي منه هاذ الايام معليش ارقدي معاه انت وفي حضنك وشوفي
خليك من القاطو ههههههههههه
انا ولدي كان عمره 9سنوات كان ينوض مفزوع ويبقى يصرخ يحكمه باباه وميسكتش لكن مشي كل يوم المهم الان الحالة راحت عليه بصح ينوض للمرحاض احيانا ويبقى يمشي حتى نوريله الطريق ومرات يقولي منتش
شكرا لكن حبيباتي وبارك الله فيكن