أين يقام العرس 2024.

السلام عليكم

مار ايكم في شخص ما اهله يسكنون في تلمسان و يعمل في منطقة بعيدة جدا العاصمة و مستقر فيها بسكنه لوحده اراد الزواج بفتاة من العاصمة لو كنتو في مكانه تقيموا الحفل في العاصمة ام تلمسان علما ان الفتاة مصرة تعمله في العاصمة لان تلمسان بعيدة جدا و السفر بالنسبة للعروس سيكون متعب جدا ارجو منكم ان تعطونو رايكم في الموضوع لا تقولو لي اساليه انا جيت هنا باش تعطوني رايكم نتوما

من المفروض العرس يكون في تلمسان وجيبك بالطبع و الشان

اقتباس:

المشاركة الأصلية كتبت بواسطة مشكلتي السلام عليكم ……………علما ان الفتاة مصرة تعمله في العاصمة لان تلمسان بعيدة جدا و السفر بالنسبة للعروس سيكون متعب جدا ……………

رأيي بسيط جدا
العروسة فكرت في نفسها و مشقة تنقلها من العاصمة الى تلمسان و لم تفكر في مشقة تنقل كل عائلة العريس علما أن الشيوخ و العجائز و من يملك أطفال كثيرون قد لا يحظرون العرس …
الحل
تضرب وحدة رادبول تنسيها في مشقة الطريق خاصة أن اليوم هناك الطريق السيار شرق غرب و في ثلاث ساعات تكون في عين المكان .. لكن عائلة العريس لا يمكن أن نوفر لهم سيارة تليق بالرحلة و منهم من لا يملك حتى سيارة .

شخصيا لو كنت مكانه و سمعت مثل هذا الكلام فوالله ما أتممت هذه الزيجة .. فالبنت تفكر في مصلحتها الضيقة و ماذا ستفعل حين يطلب منها زوجها أخذها لزيارة أهله في تلمسان .. هل ستقول له اذهب وحدك اني ها هنا قاعدة أم ستقول له ادعوا أهلك ليزورونا بدل التنقل إليهم …

اذا كانت البنت أحد اقارب فمن المستعجل نصحها بأن تفكر بوعي .. و اذا كان العريس هو الاقرب فيجب نصحه بأن يفكر بجدية في هذه الزيجة .. فهي لا تبشر بخير

هذا رايي الشخصي و الله تعالى أعلم

في تلمســــــــــــــــــــــــــان

نورمالمون….انت الراجل إدا مانيش غالط.
الا نجحت في إقامة العرس في العاصمة فابشر
بأيام سوداء معها
مانقلكش خالف من اجل المعارضة
ولكنها تصر …كاين بزاف اللي خير منها
وربي معاك.

الاحسن انت تجبها وليس هي تديك
فيما بعد السكن تشبع العاصمة

تفاهمو و ديرو نهار في تلمسان و نهار في العاصمة و عااااادي في بلااااااادي

الامر بسيط حاول ان توفر سكنا لاهل العروس قبل شهر او اقل في تلمسان وتقيم عرسا في تلمسان وكانك تزوجت من تلمسان والزوجة تكون مرتاحة وانتهى الامر

في سكيكدة العروس تحتفل بعرسها مع اهلها في بيتها و العريس يحتفل بعرسه مع اهله
ديرو كيما السكيكدية تحتفل العروس بعرسها مع اهلها و ثاني يوم او بعد اسبوع كما تتفاهمان تنتقل معك الى تلمسان و احتفل بعرسك هناك
و اسمحلي نقولك المراة الي تدي راجل و الا الراجل الي يدي المراة؟
وهذه المراة التي لا تحتمل السفر الى بيت اهلك كيف ستعيش معك هل ستقاطع اهلك ؟؟
اذا كانت لا تحب السفر لم قبلت بك ؟؟

العرس في تلمسان نورمالمون

عند اهل الراجل و ناسو

و ممبعد يرجع للعاصمة لخدمتو و دارو

كيفاش انتي ماتقدريش تروحي؟

و هو يجيب اهله ليك؟ هنا ماكانش مشقة؟ولا باغية يحضر واحد و 10 لا

فكري بعقلك و اتقي ربي

و شوية لوجيك اختي

بلبركة عليكم

و ربي يهنيكم

فتلمسان هدي ما فيها حتى نقاش العرس دايما يندار في دار الراجل و العروس تروح لدار اهلو سير و مبعد يديها لدارو فالعاصمة

اقتباس:

المشاركة الأصلية كتبت بواسطة ناصرالدين الجزائري تضرب وحدة رادبول

اضرار مشروب الطاقه ريد بول

https://www.djelfa.info/watch?v=Y-8y3i6KlB8

علاه راكم تكبرو في الحالة ….صرات بزاف يديرو على مرتين مرة يجو اهل الزوج surtout كي يلقاو دار وين ينحو تعب الطريق مثلا يوصلو الصباح يتغدوا ومن بعد لعشية يديروا الخاتم وغدوة يروحو ….وعلى الاسبوع الثاني تكون لعروسة وجدت حوايجها نحاو التعب تاع العرس في دارهم تتفرز وتتنظم من بعد يدو بنتهم …ويلاقيوهم بيت الزوج في اقرب مكان يكملو معاهم الطريق ويجيبوها ….هكذا مايغضب حتى واحد
المهم يروحوا الاقربون فقط 4او5 فقط من جهتكم او من جهتهم