إن شاء الله تكونوا في تمام الصحة والعافية
أكيد كما هو حال كل البيوت الجزائرية في الشتاء رايح يكثر الشفلور Chou-Fleur في ثلاجاتنا لهدا لازم طرق لتنزين طبخه باه مايتملش
البارح جاتني فكرة قمت بتطبيقها على الفور وصورة المراحل قلت نشارك بها عزيزاتي في المنتدى
في الحقيقة قسمت العمل الي 3 خطوات
1- الطبخة الاساسية
2- صلصة الجزر
3- السلطة
يعني استعملت الخدع البصرية 
باه يتغرموا ب Chou-Fleur
بسم الله
الطبخة الاساسية
راس شيفلور صغير و حبة أو ثنين بطاطا صغيرة
نقيهم وقطعيهم وحطيهم يفوروا
كي فور ارحيهم زيدلهم فلفل اسود و كمون و ملعقة هريسه للتحب الحرور . فرماج حشاوش وملح و إدا عندك بقائ دجاج او لحم مرحي حطيهم ايضا وشويه ماغرين وخلطيهم جيدا
حضري في غرفية البيض فلفل اسود ملح . ملعقة فرينة ملعقة حليب بودرة و ملعقة صغيرة خميرة القاطوا وخلطي مليح و زيدهم للخليط الاول
جيبي قوالب السيلوم ادهنيهم بالزيت وضعي فيهم الوصفة
مبااااشرة الي الفرن الساخن
النتيجة
2 – صلصة الجزر
جيبي الجزر نقي و فوريه مليييح و أثناء دلك حضري اللصوص
هرسي ثوم واقليه مع الماغارين او الزيت
ضيفيلهم طماطم طبيعية مكرفشه , ملعقة طماطم مصبرة , هريسة , فلفل اسود , والكموووووون يثقل الصوص
بهدا الشكل
زيدها كاس ماء وحطيها على جنب حتى يتفور ا لجزر خلطيهم مع بعض يسخنه شويه مع بعض باه يتجانس الخليط
كيما هاك
يتبع
3- السلطة
كيما كاين الشفلور اكيد كاين خون الكروم هههه لهدا حبية السلطة تكون بيه اليوم
جيبي كمية من الكرم قطعيها بسكين حاااد اي قطع رقيقة زيديلها الحشاوش والزيتون وعصير الليمون وزيت الزيتون والملح
عجبتني فكرة السيليكون يعطيك الصحة
التقديم
لأنه العين تاكل قبل المعده لازم تقديم مليح ان شاء الله يعجبكم 
بارك الله فيك
|
المشاركة الأصلية كتبت بواسطة oum hanin
 عجبتني فكرة السيليكون يعطيك الصحة
|
عجبتك فكرة السيلكون فقط ومعجبتكش طبختي 
نورتيني نزعق عليك
|
المشاركة الأصلية كتبت بواسطة ام عبيدة
بارك الله فيك
|
وفيك بركة ام عبيدة
اممممممممممممممممممممممممممممم يسلموووووووووووووووكلشي هايل
مممممممممممممممممممممممممممممممم
فكرة شابة يعطيك الصحة
روووووووووووووووووووووووووووووووووعة
روعة بصحتكم ويعطيك الصحة
بارك الله فيك يا اختي على الفكرة الرائعة وجزاك الله خيرا
بارك الله فيك