السلام عليكم اليوم قلت نطبق لاكرام والجينواز بالصح ماكانش عندي فلن للكرام كان عندي كرام ديسار (فانواز بطعم الفراز) قلت نجربها عملت 50 غ غبرة شانتي وعلبتين انتاع 40غ كرام ديسار جاء الطعم انتاع لاكرام المشري بالصح جاء باين فيها نشاء صافي لازم تكون بالفلان
غلطتي الثانية في الجينواز نسيت ماعملتش لافاني والشي الثاني راني ضربت ابيض البيض في الاول وماحطيتوش في الثلاجة والجو كان حر وضربت بعدها الاصفر والسكر ربع ساعة برك( جتني اختي تجري ازربي روحي سكري على الباتور اعلاش يتحرق يزيه ههه) كيجيت نزيد في البياض القيت كمية منو برجعت سائلة بالصح صبيتو وفي الاخير جاء الذوق واضح فيه البيض افي لازم نخدمو الاصفر الاول والا نحطو الابيض في الثلاجة ( هكا جتني الفكرة ومانعرف) ماتخافوش سرقت من لاكرام وقسمت الجينواز وسقيتها الشربات وحطيتلها من الكرام
https://www.djelfa.info/vb/showthread.php?t=1305218
www.djelfa.info:8080/vb/showthread.php?t=893928
شكرااا لك خيتي ورانا نغلطو ونتعلمو
وما يتعلم الا اللى يغلط مرة ومرتين
يعطيك الصحة
اعجبني موضوعك لو كل واحدة تحط الاخطاء اكيد نتعلمو جميعا ونستفادو 
عزيزتي في الجنواز لازم دائما تخفقي الصفار أولا و تحطيه بجيه ثم أخفقي البياض و أضيفيه للصفار مباشرة يعني دائما خلي البياض هو الأخير باشش تخفقيه و تستعمليه مباشرة هذه قاعدة حطيها في بالك
الله ايسلمكم ويبارك فيكم ان شاء الله على النصائح والتشجيعات
ماعليش ان شاء الله المرة الجاية تجيبيها
اممكن البياض ما خفقتيهش مليح على بيها ساحلك
انا دايما ندير جينواز تاع ام رامي
نخفق البياض ونزيدلو نصف كمية السكر وتخفقي مليح حتى كي تقلبي الاناء ما يسيحش ذ
ومبعد الصفار تخفقيه مليح وتضيفيلو السكر وتخفقي ومبعد الزيت وتخفقي حتى يبياض
ومبعد تخلطي الصفار مع البياص غير بلاعقل بمغرف من الاحسن لوح او سباتيلا
ومبعد تغربلي الفرينة والنشاء والخيرة وديريهم على دفعات وتخلطي بلا عقل
الفرن طبعا مسخن مسبقا على درجة 180 وما تحليهش 10دقايق الاولين
عاودي جربيها ما تياسيش
يعطيك الصحة
|
المشاركة الأصلية كتبت بواسطة ام سارة ورقية
 ماعليش ان شاء الله المرة الجاية تجيبيها
اممكن البياض ما خفقتيهش مليح على بيها ساحلك انا دايما ندير جينواز تاع ام رامي نخفق البياض ونزيدلو نصف كمية السكر وتخفقي مليح حتى كي تقلبي الاناء ما يسيحش ذ ومبعد الصفار تخفقيه مليح وتضيفيلو السكر وتخفقي ومبعد الزيت وتخفقي حتى يبياض ومبعد تخلطي الصفار مع البياص غير بلاعقل بمغرف من الاحسن لوح او سباتيلا ومبعد تغربلي الفرينة والنشاء والخيرة وديريهم على دفعات وتخلطي بلا عقل الفرن طبعا مسخن مسبقا على درجة 180 وما تحليهش 10دقايق الاولين عاودي جربيها ما تياسيش |
الله يبارك فيك حبيبتي ان شاء الله نعاودها ونردلك الخبر
انا نخدم بالبيضة كاملة و تجيني مليحة
الله ايسلمك يارب ان شاء الله نتجحلي المرة الجاية