واشراكم احبتي ان شاء الله بخير
جبتلكم عملي المتواضع لليوم كيكة الشطرنج بالشرح ويارب تعجبكم تصلح لعيد ميلاد أزواجكم او أولادكم الذكور راح تعجبهم حبيت نشارككم ونفيدكم بيها
التحضير :
بالنسبة للجينواز استعملي أي جينواز تعتمدي عليها وتساعدك
جينواز لي نعتمد عليها شخصيا :
2 بيضتات كاملة
فاني ، رشة ملح
4 م ك سكر
4 م ك زيت
5 م ك فرينة
اخفقي عادي مع اضافة الفرينة في الاخير
الصينية لي عملت فيها قطرها 28 سم درت 2 بيضات فيها
نحتاجو طبقتين من الكيكة البيضاء وكل طبقة فيها بيضتان وطيب وحدها كيما في الصورة
حطيهم يطيبوا في بدرحة 180° ماياخدوش وقت بزاف
هنا كي طابوا
كي يبردوا شربيهم بشوي عصير بالبانسو بالخف
بالنسبة للكيكة السوداء نفس الشيء نحتاج 2 كيكات ونفس المقادير فقط كي ندير كاكاو نبدل كمية الفرينة (( 2 م ك فرينة + 2م ك كاكاو اسود ))
كي يبردا خذي صحن يكون صغير شوي من دائرة الكيكة البيضاء والسوداء واقسمي بالسكين اليك الصور تشرح ماتحتاجيش الصحون بزاف وتكتري الفوضى لالا لاحظي طريقة التقطيع
وبين كل دائرة ندير شوي كريم شانتي باش يلصقو
الطبقة الاولى خلصت من تحضيرها هنا ونفس الطريقة بالنسبة للطبقات الثلاثة الباقية
راح يكون عندنا 4 طبقات وبين كل طبقة وطبقة ندير كريم شانتيي أو أي كريمة الزبدة
على جواني الكيكة ديري الكريمة طبعا ، انا اخترت ندير عليها بيسكوي بيمو راح يلصق بالكريمة
ومن فوق عملت كريمة الزبدة ورشي السكر الناعم مليييح بالمصفاة
وقصي اوراق بشكل مربع وحطي فوق الكيكة كيما في الصورة لكن بالراحة وانا يدي كانت ترجف ههههههههه تقول كنت نلعب صح
كي تحطي الاوراق زيدي رشي الكاكاو الاسود
ونحاول ننزع الاوراق بالشوووووي من غير مانحرك يدينا وراح تكون عندنا مربعات بيضاء وسوداء مثل الشطرنج
خليها تبرد ملييح وتتماسك وقدميها
انا خدمت من قبل بعجينة السكر أشكال هاذ اللعبة لكن فسدوهملي الاولاد 
فقدمتها بهاذوا نتاع البلاستيك نتاع الاولاد
من داخل لاحظي 4 طبقات
نتمنى تكون عجبتكم وتجربوها 
الله يبارك عليك ايمان ماشاء الله ابداع ربي يحفظك
روعة بكل ما تحمله الكلمة من معني
شكرا جزيلا على الشرح
مفهمتش كيفاش حطيتيهم في وسط بعض
اديني على قد عقلي و تشرحيلي دبري راسك مقتلكش حطي حاجة فور كيما هادي 
top tooooooooooooooooooooooooooooooooooooooooooooooooo oooooooooooop
رااااائع جدا اختي ليدي ماشاء الله عليك ومتقنة جداااااااا روعة
يعطيك الصحة رائعة شكرا
يعطيك الصحة ايمان رووووووعة تحفة فنية هاذي ماتنتكلش نبقى غير نشوف فيها ههههه سلامي لطومة نتيجتي
ايييييييييييييييييييمان قتلتك علاه ماحطيتيهاش من قبل و الله كنتبحاجة الى كعكة من هاداالقبيل
شكرا حنوووووووووووووووووووووونة
الله يبارك حاجة هايلة بزاف هاذي سلمت يداك اختي
روعةفقط يا ريت تصغري الصور يعطيك الصحة
يعطيك الصحة حنونة كل ماتقدميه لنا ابداع
دمت متالقة
يعطيك الصحة روعة 
هايلة
ما شاء الله روعة بوركتى بنيتى