إن شاء الله تكونوا بخير؟أنا راها فيا حمى المواضيع هادو ليام مالا غير ساعفوني وماديروش عليا
البارح جربت قاطو كانت عطاتني ختي الوصفة واللي جابتها من الفايسبوك ومولات الوصفة الأصلية إسمها "أم رامي" مالا ما عرفتش إلى هي نفسها الشاف تاع منتدانا ولا شخص آخر
للأمانة باش ماشي نسرقوا الوصفات ونزيدوا ننسبوهم لينا
المهم وبلا مانكثر الهدرة (بسلامتي نحب نحكي حياتي)راح نعطيكم الوصفة ونأكدلكم بلي نااااااااجحة وتحمر الوجه
المقادير:
400 غ فرينة،250 غ زبدة طرية،150غ جوز الهند،150غ سكر مسحوق ،2 بيض،كيس خمارة كيميائية ،فاني ومبشور ليمونة الطريقة:
تخلطي كامل المكونات مليح حتى تتحصلي على عجينة طرية بزاااااف وتلصق وهنااااا بكمن السر!لازم تكون طرية باش القاطو يجي هشوووووش وخفيف
بعد ما توجدي العجينة جيبي المول تاع السيليكون وبداي تعمري ولكن ماتعمريش بزاف لانو القاطو فيه الخمارة والبيض يعني ينتفخ،ونصيحتي لازم يكون عندك زوج مولات باش تربحي الوقت
وتاني لازم توسعي خاطرك لانو فالاول يعييييك على خاطر العجينة طرية بزاف وتغبن
بصح نووووورمال توالفي
وهادا شكل المول
بعد ماتوجدي القاطو إلى الفرن واللي يكون مسخن مسبقا على درجة 200 ومالازمش تبعدي عينيك عليه لانو ما يفوتش عشر دقايق طياب
وهدا شكلو بعد ماطاب
كي طيبي كامل القاطو وجدي الشوكولاطة واللي تكوني دوبتيها على حمام مائي ،أنا استعملت شكولا الوجدان راااااائعة وهادي الصورة تاعها
في هاد المرحلة تبقاي تحطي فالمول بالمغيرفة صغيرة وكي شغل تدهني المول بصبعك باش توصل الشكولا لكامل الأطراف ومن بعد تحطي الحبة تاع القاطو فوقها وإلى الثلاجة باش يجمد (أنا كنت كل 5دقايق نجبدو)
وهادا شكلو النهائي
نتمنى يعجبكم لاني والله غير عييت باش حطيت الموضوع وحملت الصورمن البارح وأنا معاه
وما تنساوش تعطيوني آرائكم والتقييييييم إلى نستاهل طبعااااااا
ملاحظة:ماقدرتش نديكوريه لانو ياحسرااااه على الوقت،والله غير رجل داخل ورجل برة
في أمان الله
يعطيك الصحة اختي بصح مخرجتش الصور عاودي حملي شوقتينا
|
المشاركة الأصلية كتبت بواسطة سماح 88
 يعطيك الصحة اختي بصح مخرجتش الصور عاودي حملي شوقتينا
|
الله يسلمك حبيبة
خلاص راني حملتهم تقدري تشوفيهم
يعطيك الصحة الله يبارك اختي هادي الحلوى جربتها شحال من مرة وكل الي داقوها غندي
عجبتهم نزيدك فكرة اخرى اختي تقدري تحطي نصف شكولة بيضة ونصف الثاني سوداء تخرجلك حبة القاطو تحفففة
Salam oukhti ^_^ yaatik saha baraka allahou fik wallah ghir présentable
رائع الله يعطيك الصحة
|
المشاركة الأصلية كتبت بواسطة **ام هدول**
يعطيك الصحة الله يبارك اختي هادي الحلوى جربتها شحال من مرة وكل الي داقوها غندي
عجبتهم نزيدك فكرة اخرى اختي تقدري تحطي نصف شكولة بيضة ونصف الثاني سوداء تخرجلك حبة القاطو تحفففة |
Lah ysselmek hbiba w Rabbi ykhallik
IH mm ana mwalfa nkhallat les deux couleurs f les gâteaux lokhrin w yjiw hbaaaaaaal
Merci hbiba
|
المشاركة الأصلية كتبت بواسطة oumayoub19
Salam oukhti ^_^ yaatik saha baraka allahou fik wallah ghir présentable
|
وعليكم السلام ورحمة الله تعالى وبركاته
شكرا حبيبة وربي يخليك،نتمنى تجربيه
أسعدني مرورك
|
المشاركة الأصلية كتبت بواسطة أم محمد تاج
رائع الله يعطيك الصحة
|
ومرورك أروع حبيبة
شكراااااااااااااا
ابان مليح نجربو و نحطلك تشوفي تطبيقي
جاري التجريب ان شاء الله ☺
يعطيك الصحة باين هايل نجربو ان شاء الله
يعطيك الصحة
الله يعطيك الصحة حبيبة
يعطيك الصحة اعجبني بزاف