رمضان مبارك أخواتي
كانت الأخت ابتسامة الامل طلبت مني وصفات بعض الشوربات ، ماقدرتش نرفضلها طلب مع اني علابالي بلي هذي الشوربات مشهورة و معروفة للجميع، لكن عسى و الا نفيد المبتدئات
بسم الله
شوربة بيضاء بالفارميسال
فخذ دجاج
كريات لحم مفروم
حبة بصل متوسطة مفرومة
ثلاث سنينات ثوم
ملعقة زيت
دبشة و معدنوس
فلفل اسود ، كسبر ، كركم ، ثوم بودرة ، ملح ، قرفة (القرفة و الفلف الأسود اختيار
ملعقة صفار بيضة
عصير نصف ليمونة
ملعقة صغيرة نشاء
نعناع مجفف
فلفل حار
5 ملاعق فارميسال
الطريقة
نحطو البصل ، الثوم ،الدجاج ، الزيت ، البهارات و الدبشة ، الفلفل مع ملعقتين ماء و نخلوهم يتقلاو على نار هادية ، بعدها نضيفو كريات اللحم تتقلى باه تشرب البنة تاع التقلية ، بعدها نضيفو لتر ماء و نخلوها نطيب على مهل
بعد ما يطيب اللحم و قبل التقديم مباشرة نظيفو 5ملاعق دويدة و نخليوها طيب ،
نحضرو خليط مكون من ملعقة صفار بيض و ملعقة صغيرة نشاء و عصير الليمون و المعدنوس المقطع و القليل من مرق الشربة ،
نضربرهم مليح
نطفيو النار على الشربة و نضيفو الخليط مع التحريك
تزينوها بالمعدنوس و النعناع المجفف
و بالصحة و الهناء ،
شربة حمراء لسان العصفور
لحم دجاج
لحم احمر خروف او عجل
نصف ملعقة طماطم مصبرة
ملعقتين طماطم حب مفرومة
حبة بصل متوسطة
ثلاث سنينات ثوم
نعناع اخضر او مجفف
دبشة او كسبر ورق
كسبر ، ثوم بودرة ، فلفل احمر حلو ، فلفل احمر حار اختياري ، فلفل اسود اختياري ، ملح
فلفل اخضر حار
ملعقة زيت
نصف كاس الا ملعقة لسان العصفور
نحطو كامل المكونات مع بعض في قدرة مع ملعقتين ماء و نخليوهم يتقلاو مليح مليح على نار هادية حتى يتشرب اللحم البنة
نمرقها بلتر ماء و نخلوها طيب على نار هادية ، بعد ما يطيب اللحم نضيفو كمية لسان العصفور ، اذا تحبو
نصفيو المرق من قبل بواسطة كسكاس ، انا مانحبش نصفيها نحبها بمكوناتها
بعد مدة قصيرة راح تخثار ، و البنة امممممممممم
تزينوها بالنعناع المجفف
بالصحة و الهناء
شربة الرشتة امممممممم
فخذ دجاج او نصف صدر
لحم احمر اختياري
كريات لحم مفروم
حبة بصل متوسطة مفرومة
ثلاث سنينات ثوم
ملعقة زيت
دبشة و معدنوس
فلفل اسود ، كسبر ، كركم ، ثوم بودرة ، ملح
حبة صغييييييييرة بطاطا
نعناع مجفف
فلفل حار
قبضة يد رشتة
الطريقة
نحطو البصل ، الثوم ،الدجاج ، الزيت ، البهارات و الدبشة ، الفلفل مع ملعقتين ماء و نخلوهم يتقلاو على نار هادية ، بعدها نضيفو كريات اللحم تتقلى باه تشرب البنة تاع التقلية ، بعدها نضيفو لتر ماء و نخلوها نطيب على مهل
بعد ما يطيب اللحم نميكسيو او نرحيو مكونات المرق و و نصفيوها و قبل التقديم مباشرة نظيفو كمية الرشتة و نخليوها طيب دقائق فقط ،
تزينوها بالمعدنوس
و بالصحة و الهناء ،
ملاحظة
هذه الكميات تكفي اربع أشخاص
من الافضل دايما نحيو فنجان مرق قبل ما نضيفو العجاين ، نحتاجوه اذا طولنا في التقديم
دايما الشربة نخليو فيها المرق لانو العجين ثم ثم يتشرب المرق
انا طيبت في لاكوكوت ، اذا قدرة عادية نزيدو فنجال ماء لماء المرق
من الافضل ماء المرق يكون ساخن
صح فطوركم
رمضان كريم بارك الله فيك اختي على الوصفات
|
المشاركة الأصلية كتبت بواسطة فايزة1207
 رمضان كريم بارك الله فيك اختي على الوصفات
|
رمضان مبارك حبيبتي ، شرفتيني بالزيارة و الرد بارك الله فيك
بارك الله فيك اختي على الوصفات
بارك الله فيك كنت نسنى في موضوعك تاع شوربات. انتضري تطبيقي
جزاك الله خيراااااااا
يعطيك الصحة دائما متألقة بمواضيعك الرائعة و الكثيرة الفائدة بارك الله فيك
رمضانك مبارك وبارك الله فيك و مواضيعك كلها رائعة وراقية شكرآ لك
جزاكي الله خيرا
|
المشاركة الأصلية كتبت بواسطة منال9
جزاكي الله خيرا
|
بارك الله فيك غاليتي
|
المشاركة الأصلية كتبت بواسطة ~اسيل ريحانتي~
بارك الله فيك في ميزان حسناتك حبيبتي
|
و فيك بارك الرحمن شكرًا على الزيارة
|
المشاركة الأصلية كتبت بواسطة الريفية
رمضانك مبارك وبارك الله فيك و مواضيعك كلها رائعة وراقية شكرآ لك
|
شكرًا غاليتي ، و الله انت الراقية بكلامك الجميل
دائما معطاءة اختي زينب
ربي يجازيك الجنة يا رب
|
المشاركة الأصلية كتبت بواسطة lamis.imen
بارك الله فيك كنت نسنى في موضوعك تاع شوربات. انتضري تطبيقي
جزاك الله خيراااااااا |
|
المشاركة الأصلية كتبت بواسطة ام طيري الجنة
يعطيك الصحة دائما متألقة بمواضيعك الرائعة و الكثيرة الفائدة بارك الله فيك
|
|
المشاركة الأصلية كتبت بواسطة idron0
بارك الله فيك اختي على الوصفات
|
شرفتيني بالزيارة حبيباتي شكرًا جزيلا
لميس بانتظار تطبيقك
الله يبارك اختي يسلمووووووووووووووو اليدين