السلام عليكم و رحمة الله تعالى وبركاته
كيفكم الاخوات
بما انو بدا موسم الشخشوخة في دارنا ( حكمتنا ماما قبل ما نهربولها للجامعة 
) نتعاونو في 4 ايام ولا 5 نديرو شكارة تاع 25 كلغ 
قلت ما خساراش فيكم نصورلكم الطريقة وان شاء الله تستفادو 
هي شخشوخة السيار و خاصة بناس الشرق وبالخصوص ناس ميلة نديروها للدار وفي المناسبات 
للعجينة نحتاجو سميد + ملح + ماء
نعجنوها مليح
هنا ماما عجنتها فالليل و خلاتها لغدوا باش كي تنوض صباح تلقاها واجدة
ما يبقالها غير تقرصها
وتطرحها
ملاحظة هنا الشخشوخة لازم تكون رقيقة و الماشينة ما تصلحش فيها جربناها و ماجاتش مليحة جات خشينة ومش مريشة الوغ ماما تطرحها رقيقة خلاص وتحطها فوق درا نظيف وتغطيها باش ما تشيحش (ما تنشفش )
نجو للطياب
هذا هو الطاجين لي نطيبوه فوقها شوفوه كيفاش
نحاولو نحطوها قدقد مش مطبقة
وشوفو كيفااش تتنفخ وهادا هو سرها باش تجي خفيفة ومريشة
كي تطيب ومالازمش تحمار نحطوها فوق هذا السيار
نخرجو منها الهوا وحداري يكون سخون
نفتتوها بيدينا شوية
ونجوزوا فالسيار
وهاي ليكم كيفاه تخرج
من بعد نحطوها تنشف نوزعوها هكدا في مكان مهوي وتضرب فيه الشمس
ونخبوها
وكي نسحقوها نجبدوها ونطيبوها حنا مازال ما درناهاش كي نديروها ان شاء الله نحطلكم موضوع
هي ساهلة كيما نديرو البربوشة ما نجمروهاش حنا نسقيوها نورمال
تعبت بزاف في تنسيق هذا الموضوع
فكلمة شكر ودعوة خير ليا ولعائلتي تكفي
الله يبارك يعطيك الصحة اختي وربي يخليلك ماماك
حنا منديروهاش هكذ بصح هاذي عجبتني
رب يحفظك ويحفظ الوالدة الكريمة نحن في انتظار المرق
شكرا عزيزتي ، قوليلنا برك كيفاه تخرجيها من السيار … تحكيها مثلا ؟؟؟؟
بارك الله فيك
كي نخدمها جديدة كم من مرة تفوريها ويعطيك الصحة رائعة
يعطيك الصحة اختي دائما نسمع بيها و اكيد من ايدين الوالدة تكون احلى ربي يخليهالكم
تستاهلي احلى تقييم واحلى رد ربي يحفظ الوالدة
يعطيك الصحة 44444444
بسم الله ما شاء الله
رووووووووووووووووعة
يعطيك الصحة
ربي يبارك
تاكلوها بالصحة والعافية ويعطيك الصحة
الله يبارك كيما الشخشوخة تاعنا بالضبببببببط هذي هي لي ما فيهاش الفرينة تجي غيييييير بالسميد وتجي فيها بنة عظيييييييمة بارك الله فيك أختي وفي عائلتك وإن شاء الله يثبتولك الموضوع
نطلبوا من الأخت أم كوثر تثبيت الموضوع
| الله يبارك يعطيك الصحة اختي وربي يخليلك ماماك حنا منديروهاش هكذ بصح هاذي عجبتني |
يبارك فيك اختي
ان شاء الله تجربيها راهي بنينة بزاف وخفيفة
مشكورة على المرور العطر
| رب يحفظك ويحفظ الوالدة الكريمة نحن في انتظار المرق |
اميييين و جميع امهات المسلمين
ان شاء الله نقول لامي ديرها ونحطهالكم
مشكورة على المرور نورت
|
شكرا عزيزتي ، قوليلنا برك كيفاه تخرجيها من السيار … تحكيها مثلا ؟؟؟؟
بارك الله فيك |
وفيك بارك
ايه نحكها فسيار بصح بشوية برك نحك شوية ونضرب السيار تهبط وحدها يزيدوا يبقاو لكبار نحكهم ونضرب السيار وهكا كي تكون سخونة تهبط بسرعة وتجي مريشة كي تيبس تولي تتكسر مش مليحة بزاف
| كي نخدمها جديدة كم من مرة تفوريها ويعطيك الصحة رائعة |
ان شاء الله تجربيه واكيد راح تعجبك
قاتلك ماما كي تعود جديدة حطي الزيت وفوريها مرة كي تفور نحيها حطي الما (خضريها ) ولا حنا ماما تخضرها بالمرقة باش تدي البنة
وكي تعود ناشفة تفويرة من بعد نحطو الماء نزيدو نفوروها مرة والمرة الاخيرة نخضرها بالمرقة (بدل ما نشمخها بالماء نحط مرقة ) وشوية زبدة كي تنشف نزيدو نرجعوها تفور وهادي لخرة تحبي زيدي شوية زبدة وتتسقى نورمال كيما الكسكسي
ورديلي لخبر
| يعطيك الصحة اختي دائما نسمع بيها و اكيد من ايدين الوالدة تكون احلى ربي يخليهالكم |
اكيييييييييييييد احلى
امييين وجميع امهات المسلمين
مشكورة على المرور
| تستاهلي احلى تقييم واحلى رد ربي يحفظ الوالدة |
مشكوووووورة على الرد الرائع نورت الصفحة
امين يا رب
| يعطيك الصحة 44444444 |
انت لي ديما 44444
نورت الصفحة
مشكورة على المرور
|
بسم الله ما شاء الله
رووووووووووووووووعة يعطيك الصحة ربي يبارك
|
يبارك فيك انت الروووعة
ان شاء الله تجربيها وتعجبك
نورت الصفحة
| تاكلوها بالصحة والعافية ويعطيك الصحة |
الله يسلمك
مشكورة على المرور
| الله يبارك كيما الشخشوخة تاعنا بالضبببببببط هذي هي لي ما فيهاش الفرينة تجي غيييييير بالسميد وتجي فيها بنة عظيييييييمة بارك الله فيك أختي وفي عائلتك وإن شاء الله يثبتولك الموضوع نطلبوا من الأخت أم كوثر تثبيت الموضوع |
وفيك بارك مشكورة اختي
ان شاء الله يتثبث الموضوع حتى يستفيد الجميع
نورت بردك العطر
الله يبارك يعطيك الصحة اختي وربي يخليلك ماماك