بنات نتمنا تكونو بخير و عافية راني اليوم قاصدتكم في خدمة
نتمنى من كل واحدة الكروكي نتاعها يجي خفيف ومليح انها تعطيني الوصفة لان زوجي يحبو بزاف لكن كل ما نديرهولو ميعجبوش
وبصراحة حاولت وسييت كل الوصفاتى الي لقيتها السر ما عرفتوش
12 بيض ضربيهم مع 4 كيسان سكر زيدي الفاني 2 م ص و مبشور الليمون ادا تبغي + 3 كيسان زيت … حبسي بالخلاط وزيدي الفارينة مع
7 خميرة كيمائية حتى تتلم العجينة و تحسيها قابلة للتشكيل
وجدي حرابيش وحطيهم في سينية مدهونة بالززيت ومرشوشة بالفرينة و دهنيهم بالبيض + كاكاو او نيسكافي باش يجوك بلون مليح من فوق و فوتي بالشوكة … ديري خطوط مموجين
دخليهم يطيبو من تحت كي تشوفيهم حكمو لرواحم خرجيهم وقطعيهم و هما في السينية و عاودي دخليهم يكملو الطياب اشعلي عليهم من فوق وطفي من تحت كي يطيبو رايحا تنحيهم بسهولة وحبة ماتتكسرلك ان شاء الله
هادي الطريقة خير ما طيبيهم وتخرجيهم وتقطعي
رايحين كاما يتفتو
تحبي تنحي مبشور الليمون وديري كوكاو او حتى زبيب
نورمال …..
ان شاء الله تجربيه لاني حقا معتمدة هادي الوصفة وان شاء الله ما نبدلهاش
انتي ديري نصف الكمية بزاف باش تجربي وتشوفي و من بعد يرحمها ربي
سلام حبيبتي
salam hanouna ana nkayal b bolle ta3 chorba
diri nfss lkila ta3 les oeux w sucre w zit w zest w khmira wahda w la farine hata ttlem w diri harabich w la suite ta3arfiha
ykhroj hayek wlah
السلام عليكم
أنا ندير 4 بيض – كاس زيت – كاس سكر عادي – قشور الليمون – 2 خميرة حلوة
لميه بالفرينة حتى تتحصلي على عجينة متماسكة ما تكونش يابسة
و ممكن تقسمي الكمية على 2
و يجيني هايل خفيف و بنين
https://www.djelfa.info/vb/showthread.php?t=1290258
شوفي هذا لكروكي يجي خفيف وتقدري تميزي نصف الكمية
|
المشاركة الأصلية كتبت بواسطة تسنيم مسلمة
 السلام عليكم
أنا ندير 4 بيض – كاس زيت – كاس سكر عادي – قشور الليمون – 2 خميرة حلوة لميه بالفرينة حتى تتحصلي على عجينة متماسكة ما تكونش يابسة و ممكن تقسمي الكمية على 2 و يجيني هايل خفيف و بنين |
كيمانديرو يجي روووووووعة ولاتحبي ديريلو شويه مايزينة