ممكن تعملولي ورشة لهذا الموديل من فضلكن حبيباتي
اختي فصلي هاديك لافورم تاع الرقبة و امبعد اتراسي بالقالون و هادوك لخطوط بالبيي تجيك سااااااهلة كاين الي يفصلو كل طرف وحدو تدي لوقت و ساعات مايتيحوش الطراف مع بعضاهم انا نكره خياطة الترقاع
فهمتيني?
لكان تحوسي على الباترون ساهله اما الورشه ماظنيتش هيا واش قلتي
هيه قابلة يا حبيتي سطايفية هاتي الباترون بزايد
ربي يبارك فيك أختي تقوى أنا حابة نتعلم برك زكارة في وحدة ما حبتش توريلي
مايكون غير خاطرك حبيبتي خدمتها ساااهله. نتي فصلي روبتك عادي و فبل ما تفوتي القالون فرشي جرنان فوالجنب لي فيه لبيي و اطراسي الاقواس و ركبي البيي ابداي من اسفل و اطلعي باش يجي مستف مليح و ماتشبحيش كي تخيطي من بعد قصي الزوائد و فوتي القالون و ركبي لكتاف و لي مونش
وهاوليك الباترون
ربي يبارك فيك ربي يخليك و يعطيك ما تتمناي راني فهمتها مليح شكرا جزيلا
الحمد لله ادعيلي لابي بالرحمه برك خيتي
ربي يرحمه و يرزقه الفردوس الأعلى إن شاء الله
