أهل شريكة الحياة 2

يا أخي أليس لها أخت متزوجة؟ ان كان لها فابحث عن زوجها و اسأله فلن يتفهمك غيره .يا اخي هاذو رايحين يكونو خوال اولادك يلا كتب ربي و ما تنساش انو من الصفات اللتي ذكرها الرسول صلى الله عليه و سلم ان النسب. .و كلما كانت المرأة من نسب شريف كان اهنأ لك.و مالزمش الواحد يظلم البنت تاني.جيرانا بناتهم قع بالجلباب و الذكور قع سراقين و تع مخدرات و كذا..لكنهم تزوجو و راهم مهنيين.اسأل انسابهم احسن هذا رأيي وفقك الله

يا اخى قبل ما تساءل البشر اساءل الله يعنى استخير الله ادا كان اب هده الفتاة عصبي قليلا فليس سيء بطبيعة الحال كلنا فكلنا نتشاجر معا انفسنا حتى ولم نظهر هدا لناس لكن العشرة فتاشة كيما يقول المثل
تاكد اخى جيدا قبل ان تاخد قرارك
والله ينور دربك اخى

شوف يا اخي انت لي يهمك درك الطفلة هدي مادامت بنت فاميليا ومتربية متخافش راح تديها عندك ماشي انت لي تروح ليها وزيد بالاك راح تنقدها من الاسرة هدي خاصة ادا كان الاهل ماهمش من النوع لي يدخل في حياتك بزاف زيد اسئل ملييييييييييييييييييييييييح وسقسي الناس لي تنصح في الخير مهما كان حتى هدي البنت حابة تكون اسرة وصلي صلاة الاستخارة وربي يسهل ان شاء الله

يااخي صلي الاستخارة وربي يسهل لك امورك ويكتب لك الصلاح اين ما كان.

شوف خويا….اخوها سراق والا سوكارجي…ماش رايح يدير مشاكل لاختو…تاكد…ابوها مقلق ماراكش رايح تعيش معاه او تعاشرو…لما تتلاقى بيه سلم على راسو والسلام بحري…والمهم في كل ذلك البنت ذات اخلاق…افونسي بلاما تخمم بزاف….وما تنساش الاستخارة…

السلام عليكم

وعليكم السلام

راك تقول الطفلة مربية هي مسكينة واش رايحة دير كي خاوتها هكاك و لا باباه مقلق نورمال ربي يوفق ان شاء الله

صللاة الاستخارة هي الحل

يا اخي انت سقسيت عليها ولقيتها انسانة صالحة حتى ولو كانو والديها ناس مهمش ملاح لا احد يختار والديه
وانت راك راح تتزوج بيها اذا كنت مليح معاها هاني اكيد ماراحش يظلموك
دير في بالك الناس التي تفسد اكثر من الي تعدل
هادا الي قالك اخطيك منهم انسان اناي واكيد كاش ما دارلو.كيفاه واحد يجي يخطب ويسقسي ويقولولو الطفلة ما شاء الله بصح اخطيك من النساب هادوك.
ما دام نويت المراة توكل على ربي سبحانو ومتخافش.
هادو هو الناس راهم مثل الشيطان اكرمكم الله اذا دخل كلامهم للاذن راح يسموها ويفسدو النية.
بالاك يغرك كلام الناس

ya khouya nta rah tazawaj biha wala bfamiltha sama koun ntab3o klam nas had tafla tab9a hak li yji ygadam ykhaf man familatha , ana bantli normal sama ana sa7 tafla mais koun yji wahad youkhtabni wfamilto s3iba w houwa nas mlah na9bal manich rah n3ich m3a familto mais m3ah, + nas ta3 dor fihom lhadra bzf yakarho man wahad ywalou yhato fih hwayaj li mich mlah kol, el mohim rabi ykamalak khouya m3aha wala m3a ghirha, hhhh wana madabiya m3aha

أنصحك بصلاة الاستخارة أخي ، و الذي تراه بعد ذلك اعقد العزم على تطبيقه و هذا طبعا بعد الكم الهائل الذي جمعته من أراء من استشرهم في أمر هذه البنت ،