السلام عليكم و رحمة الله تعالى و بركاته
النت هبلني كتبت الموضوع و خلصت فرحت ولما اضفته راح كلشي 
والان راني نعاود فيه مي معليهش ماشي خسارة المهم صح كيما قلت في العنوان الموضوع ناقص والحمد لله شفت الأخوات في هذا المنتدى يعاونوا بعضهم بارك الله فيهن و يعطيهم الصحة
لما رجعت من العمل في وقت الغداء جاتي جارتي قاتلي تخدميلي صدر فقلتلها عندي ناس بزاف راني نخدملهم و مرانيش لاحقة قاتلي نصبر شهر و الا شهرين قلتلها أوك ولما قلتلها وريلي الصدر عجبني و طلبت منها نصورا باش نوريهلكم رفضت المهم فكرته انه مخدوم بالكريستال الموضح في الصورة و يتخدم ب دي أم سي 22 وطريقته لما تكوني تنسجي تركبي الكريستال أوك كيما في الصورة أنا حبيت نوريلكم
أما الشيء الثاني اللي جبتهولكم فهو بياسة ساهلة و شابة تقدروا تخدموا بيها صدر و هي فكرتي ولازم تكون الألوان تناسقة أنا خدمتها اللون الذهبي حتى تبانلكم مليح و الصور
نتمنى يكون موضوعي أفادكم ورد منكم يكفيني و يشجعني
اختي يعطيك صحة
عجبتني لبياسة لي درتيها هذاك المربع احجار ولا واش ؟
الله يبارك تهبل هاديك البياسة 4444444444444444444
و اول مرة نشوف هاد المودال
يعطيك الضحة و ربي ياخرك في تعبك معانا دنيا و اخرة
|
المشاركة الأصلية كتبت بواسطة kakpop
 اختي يعطيك صحة
عجبتني لبياسة لي درتيها هذاك المربع احجار ولا واش ؟ |
الله يسلمك نعم هذاك المربع من الأحجار اللي نستعملوهم في تزيين الفساتين
|
المشاركة الأصلية كتبت بواسطة حمدا لله كثير
الله يبارك تهبل هاديك البياسة 4444444444444444444
و اول مرة نشوف هاد المودال يعطيك الضحة و ربي ياخرك في تعبك معانا دنيا و اخرة |
ربي يعيشك أختي هذي البياسة راني أنا اللي اكتشفتها هههه 
والله قلت نجرب و كي درتها عجبتني قلت نفيد الأخوات و يعطيك الصحة على الرد
انتي مبدعة ننتظر ابداعات جديدة
لي في وسط المربع واش هيا و كيفاه لصقتيها
مشكورة يعطيك الصحة
والبياسة روعة
مشكورة يعطيك الصحة
والبياسة روعة
يعطيك الصحة بياسة تهبل بصح مفهمتش كيفاه خدمتها ياريت من فضلك شرح اكثر
شكرا لردودكن العطرة الأخت kakpop هذي الحجر هي اللي خدمت بيها قلت نحطها باش نوضح كثر راني هبلت مع النت 
وهذي صورته من الخلف ولونه فضي أكيد أنك شفتيه
|
المشاركة الأصلية كتبت بواسطة fifiarch
مشكورة يعطيك الصحة
والبياسة روعة |
العفو أختي وشكرا للرد الرائع
|
المشاركة الأصلية كتبت بواسطة نهال13
يعطيك الصحة بياسة تهبل بصح مفهمتش كيفاه خدمتها ياريت من فضلك شرح اكثر
|
الله يسلمك أختي طريقة البياسة أنا خدمت بالحجر اللي حطيت صورته أولا خدمتها كيما نخدمو لي زانو أي لفيت عليها الخيط باستعمال الكروشي و لكني تعمدت نخلي الزوايا مغطيتهمش وكنت نخلي سلسلة من ثلاث غرز فوق الزاوية حتى يبان لون الحجر السطر الثاني عملت صدفة في السلسلة اللي فوق الزاوية مكونة من ستة أعمدة بينهم غرزة و من بعد سلسلة من أربع غرز ونلصقها ومن بعد سلسلة من أربع غرز تكون في الوسط و من بعد سلسلة من أربع غرز و من بعد الصدفة اللي في الزاوية الثانية و هكذا حتى نكمل المربع و نجي الان الى السطر الثالث و الأخير اللي هو عبارة عن صدفة فوق الصدفة في مكان الغرزة نعمل غرزة البيكو وفوق السلاسل سلاسل من أربعة غرز العمل نتاع هذي البياسة بسيط و سهل جدا
يااااا عيني على الابتكار يا البرايجيه بارك الله فيك
ما شاء الله روووووووووووووووووعة يا أختي هكذا اتحفينا بالجديد بارك الله فيك