مساء النور
واش راكم حباباتي نشاله تكونو بخير
انا حبيت ندير شاورما لكن نحوس على وصفة مليحة.نقصد الخبز تاعها حابة وصفة تاع مطلوع نقدر نستعملو للشاورما.لاني كنت نشريها من لبرا و نموت عليها والي كنت نشريها من عندو كان يديرها بالمطلوع بصح ماهوش كيما المطلوع العادي تاع الطاجين.و عجينته فيه بنة تعجبني بزاف و يجي طري و خفيف.
من فضلكم الي عندها وصفة المطلوع هاذا تعطيهالي و اذا موجود رابط تحطهولي.
نتمنى تكونو فهمتو قصدي و تساعدوني لاني حابة نجربها في الدار.سامحوني طولت عليكم.
وربي يجازيكم كل خير.
اختي انا نخدمها هكذا
2 كيسان كبار فرينة + ملعقة اكل خميرة الخبز + ملعقة اكل سكر + ملح وتبلي بالماء الدافيء
تخليها تخمر والبقية تعرفيهها وباش تجيك طرية وماتيبسش كي تبرد لازم تخليها تخمر بعدما تقرصيها خليها تخمر حتىل20 دقيقة
وهاهي الشاورما نتاعي
ديري مطلوع ام ابراهيم يهبل يقتل دوك نحوسلك على الرابط
شكرا حبوباتي ربي يحفظكم. و المطلوع تاع ام ابراهيم راني جربتو اليوم و جاني هايل و خفيف.و رايحة ندير بيه الشاورما اليوم للعشا ان شاء الله.
ممكن تقوليلي كيفاه ديري شوارما
|
المشاركة الأصلية كتبت بواسطة لينة المتفائلة
 ممكن تقوليلي كيفاه ديري شوارما
|
سلام اختي.
شوفي الخبز تاع الشاورما استعملت مطلوع الكوشة لام ابراهيم راهو كاين في المنتدى و يجي خفيف و بنين الصراحة هايل.
اما الحشو استعملت كمية من الداند قصيتها مكعبات صغيرة و درتلها التتبيلة و هي: ترابي الثوم (ديري بزيادة الثوم) و حطيلو الملح و الفلفل لكحل و شوية راس الحانوت و عصير القارص و لهريسة و شوية زيت و تخلطيها مليح و مبعد تحطيها على مكعبات الداند الي قصيتيهم قبل و تحاولي دخليها فيها مليح و من الاحسن تخدميها قبل بساعتين او ثلاثة.كيما انا البارح بعد ما خلطتها درتها في بورت مونجي و حطيتها في الثلاجة حوالي ساعتين و نص باه تتشرب التتبيلة مليح.مبعد كي تخرجيها حطي في مرميطة ولا مقلة شوية زيت ماتكثريش و حطي الشاورما تاعك فيها و خليها على نار قليلة و غطيها و خليها تطيب في عقلها.و كي تنشف احشي المطلوع تاعك بالبطاطا المقلية و الشاورما و ديريلو لهريسة و المايونيز.
نتمنى تجربيها راهي تجي بنينة بزاف خاصة اذا كثرتي من لحم الداند لخاطر هو الي يعطيها البنة مع هاذيك التتبيلة. و تقدري تعوضي الداند بصدر الدجاج.
و سامحيني كثرت من لكتيبة حبيت نفهمك مليح .و اي سؤال راني هنا حبيبتي.
طريقة سهلة
بارك الله فيك
شكرا على السؤال وشكرا على الافادة