السلام عليكم يا الفحلات
انشاء الله بخير
شوفو هطا الكوفرلي هبلني حبيت ندير كيفو
ويبانلي البياسة اللي فيها السموكس تتخدم وحدها ومبعد تتخيط
انا حبيت تعطولي القياس نتاع القماشة اللي نديسر فيها السموكس باش تخرجلي كيفو
وثاني نتاع المخاد
يعني بالمختصر المفيد شحال ميترا نحتاج للكوفر وللمخاد
ارجوووووو الافاددة في اقرب وقت
اختكم زوزو
شوفي حنونة
اولا تخيطي كوفرولي نتاع سرير عادي
طولو مترين وعرضو متر ونص
عرض القماش عادي
وتختاري القماش ساتان روايال
وبالنسبة للكشكشة
للمخاد الزوج مستطيلين لازمك
متر قماش
هذا العمل بلا مانبدجا نحسبلك قطعة السموكس
ضك بالنسبة لقطعة السموكس نتاع وسط السرير
جيبي قطعة قماش ابعادها متر ونص على متر ونص
انقلي عليها الباترون
بمربعات نتاع خمسة سنتيمتر ماتنسايش تخلي خمسة سنتيمتر من كل جانب حق الخياطة
واخدمي الغرزة عادي
او اي غرزة انت حابتها
مبعد راح يتقلص القماش للنصف
وتتحصلي على قطعة سموكس بلاصيها مليح فوق الكوفرولي وخيطيها وزيني مكان الخياطة بالدونتال
اما عن قطعتي السموكس نتاع المخاد جيبي نص متر قماش
قصي زوج مربعات ابعاد كل واحد نص متر على نص متر
واخدميهم سموكس نورمال من نفس نوع الغرزة لي اخترتيها للكوفرولي
راح تتقلص قطعة القماش للنص
وماتنسايش لما تخدمي السموكس تخلي خمسة سنتيمتر على الجوانب حق الخياطة
والباترون تعملي مربعات نتاع اربعة سنتيمتر
وهكا لازمك تشري
ثمانية امتار للكوفرولي وزوج مخاد مستطيلة
هذا الكوفرولي خدمتو وحدة معنا في دورة انجاز تروسو سموكس على ماظن شراز رايحة نحوسلك في الصفحات ونحطلك الرابط ادعيلي ربي خليك اختي
okheti noha_ali31 ana haba nedire le kovereli kamele be semokese w me3ah 2 mekhad tani kameline be semokese beseh mache 3arefa gedah metera nehetaje lele kovereli wahedo w le mekhade wahadeheme w chokrane
اهلا حبيبتي لكن رغم انو مكتوب انك دكر الكوفرولي انا خدمتو مع اختي لاختنا رايحة عروسة راني حطيتو في الدورة غدوا بربي نعاود نحطلك القياسات وشكرا لحبيبتي صحراوية على التدخل المفيد
|
المشاركة الأصلية كتبت بواسطة chiraz16
 اهلا حبيبتي لكن رغم انو مكتوب انك دكر الكوفرولي انا خدمتو مع اختي لاختنا رايحة عروسة راني حطيتو في الدورة غدوا بربي نعاود نحطلك القياسات وشكرا لحبيبتي صحراوية على التدخل المفيد
|
معرفتش الصفحة بالظبط ولا شكر على واجب رانا هنا باش نتعاونو ان شاء الله على الخير ربي يقدرنا اجمعين
يعطيكم الصحة ربي يخليكم يحفظكم ويحقكلكم كل امانيكم
وبالمناسبة مكتوبة دكر لانها عضوية الوالد
المهم مرسي كثيييييييييييييييييييييييييييير ونوعدكم غير نخدمو نحطولكم
ربي يخليكم خاصة الاخت نهى
راح نهبل عييت نتعلم
اخت سوسو كوفرولي يجي فيه 4متر طول و 3متر عرض بغرزة الياسمينة المقلوبة +30سم للتشرشيفة على الجانبين لانه بعد عمل السموكس يصبح 2متر طول و 1,5عرض والمخدة 1متر للمخدة كوفرولي فيه 11متر اسفة طولت برد عليك خليت حتان نكملت الكوفرلي نتاعي باه نعطيك القياسات صحيحة بالتوفيق
انا خدمت واحد يشبهلو .اللي في الوسط عرض القماش ديري مربع -2.5 على 2.5 اما المخدة 1م على 1م
بالتوفيييييييييييييييييق
رووووووووووعة ربي بالتوفيق