سلام يالحراير
راني جربت عدة انواع من خبز البانيني و لكن الأكثر نجاح هو تاع حورية المطبخ
والله راااااائع و نصيحة مني تقيدو ا بالوصفة كما هي
راني وضعت الوصفة في الأسفل
شكرًا أختي هل ممكن تمدينا الوصفة
اعطيلنا الوصفة من فضلك شكرا
شكرا لك
ممكن تعطيلنا الوصفة من فضلك
افيدينا بالوصفة لو سمحتي
بارك الله فيك
تكرم عيونكم يا بنات
500 غ قرينة + 4م ك زيت زيتون+ 1م ك سكر و حركي شوية حتى يمتزجوا ثم +1 ونص م ك خميرة الخبز و 300الى 320 ملل ماء دافئ و ملح 1م متوسطة
أعجني مدة ربع ساعة و ثم خليها تخمر بعدها كسري العجينة شوية و قسميها
أنا قسمتها على 12 كرة و أبسطي كل كرة بيدك الى مستطيل صغير ثم روليها و حطيها في صينية تخمر مرة ثانية
دخلتها الى الفرن مدة 15دقيقة ولونها راح يكون تقريب ابيض الى بيج و خليها تبرد الخبزة ثم استعمليها
يجي روعة ربي يبارك فيك