السلام عليكم و رحمة الله و بركاته
ما يخفاش عليكم ايام الاختبارات كيفاش دايرة و الضغط اللي يكون على الام من كل الجهات باش تقدر توفق بين دراسة الاولاد و راحتهم النفسية و غذاءهم في هاذ الفترة
ربي ينجح كل وليداتكم ان شاء الله
نبدا بفطور الصباح …تختلف الاذواق و كل واحد واش يبغي يفطر
عملت لاولادي خبز القمح مغذي و مفيد للذاكرة و يبغوه مع زيت الزيتون
و مرات نغير و ندير خبز الزيتون لذيذ و صحي
و جهزت ليهم من قبل لامونة و بريوش ام رامي
و صنعت مربى البرتقال
و الكعك
و الخبز نتاع فلة يبغوه محمص
وجبة الغداء دايما تكون دسمة لانهم يرجعو من المدرسة تعبانين و بردانين
اول يوم امتحان عملتليهم قصعة مردود (بركوكس) طلبو عليه
يوم اخر طاجين الزيتون و حساء الجبن
المحجوبة
السردين مغذي جدا
هذا طاجين الجلبان و البطاطا كروكات و المرقاز
طاجين التفاح و الزبيب
و الكبسة باللوز و الزبيب
و المحاشي
و السلطات
و الياوورت المنزلي صنعت كمية كبيرة
و عصير البرتقال تاني صنعت كمية كبيرة باش كل وقت يلقوه
وجبة المساء….المطبخ الجزائري غني …..نوعت ليهم بين التقليدي و العصري
كنت مركزة على وجبة المساء لانو يجيبو اصدقاءهم و يراجعو في مجموعات
وجبة العشاء عندي الاولاد يبغو بزاف السوندوشات لكن انا و الاب تقريبا ما نتعشوش
نهار يخدمو مليح نعمليهم بيتزا او معجنات بعجينة البيتزا
و تاني الهمبورغر
و الهدية الحقيقية الشاورما و الخبز العربي
و نهار يقولو شوي شوي نعمليهم غراتان
او بروشات سكالوب مع الروز
او مقبلات خفيفة
بلا ما ننسى الفواكه و التمر و الحليب
و التحليات مرة على مرة
خسارة مابانوليش قع التصاور
مي اللولين روعة ويشهو اممممممممممممممممممممممممممممممممم ابعثيلي شوية
يعطيك الصحة موضوع رائع ما شاء الله عليك
الله يبارك ربي يعطيك صحتك و يحفظك لوليداتك و ربي ينجحهم و يحفظهملك امين
اول مرة نحب ايامات الامتحانات اهااه بصحتهم وربي ينجحهم
وراء كل طفل نجيب ام عظيمة ووجبة لديدة بالمناسبة شكرا لامي وكل امهات الجزاءر
ماشاء الله عزيزتي انتي مثال للام الصالحة لي تهتم بكل ما يخص اطفالها من كل النواحي تحية فخر مني إليك سيدتي وإن شاء الله تشوفي ثمرة تعبك وسهرك بنجاح أطفالك و بأعلى الرتب بإذن الله
ماشاء الله اطبااق راائعه وان شاء الله بتوفيق لابناءك
ربي ينجحهم اختي كيفاش درتي الكبسة ويعطيك الصحة لازم كل ام تتهلى في اولادها
روعة ……….اطباق في القمة
ممكن طلب اختي………و صفة خبز الزيتون و الكبسة
بالتوفيق لاولادك ان شاء الله يجيبوا علامات ممتازة
السلام عليكم، اعجبني ما قدمت لأولادك، ولكن اعلمي أن" البطنة تذهب الفطنة" ‘ بصراحة لو نتغدى على هذا الغذاء راح نروح نرقد ههههههههههههه، اتمنى النجاح و التوفيق للاولاد، و بارك الله فيك اخية.
الله الله عليك صليحة موضوع روعة فعلا يستحق التثبيت