لقد حجزت في حمامات ياسمين لكن اول مرة ا=هب لتونس ارجو منكم ان تدلوني على الطريق من قسنطينة الى حمامات ياسمين بكل تفصيل ؟؟؟
اتجه الى تبسة حيث يوجد 3 مراكز حدودية
ان اخترت المركز الحدودي بوشبكة ، بعد عبور الحدود اسلك طريق القصرين القيروان سوسة الحمامات .
ان اخترت المركز الحدودي راس العيون أو المريج ، بعد عبور الحدود اتجه الى الكاف تونس العاصمة ثم الحمامات
هل النقل مضمون من تبسة الى سوسة للعائلات ؟
تستطيع الدهاب بسيارتك و استعمال المرشدين يعني بدون مشكل
اخي من قسنطينة روح مع الطريق السيار احسن يبدا من الحروش يوصلك لحتى الذرعان يخلاص ثم البسباس ثم زريزر ثم الطارف ثم ام الطبول تدخل لتونس عبر ملولة ثم طبرقة ثم باجة من ثمة يبدأ الطريق السيار تاعهم حتى لحمامات الياسمين انت تبع باجة تونس سوسة معناها تونس الجنوبية تلقى الحمامات قبل سوسة
شوف في تونس ما تحتاج تسأل حتى واحد تبع البلايك
ونصيحة روح مع ام الطبول احسن من مركز العيون لأن مركز العيون يمر منه السلع والجمارك ثمة خاصة التوانسة يسماطو معاك في التفركيت يحبو كاش ما ياكلو
راني نتكلم من تجربة راه عندي يومين من جيت من تونس و دخلنا لتونس عبر العيون قالو لراجلي حل الفاليزا و قالولنا وسألونا على الاورو والدينار التونسي والجزائري ورينالهم شحال عندنا قالنا هاتوهم نشوفهم وحسبهم ورجعهم لنا ما دارو والو ولكن صماطة وتعطال باطل من قبل كنا نفوتو مع ام الطبول عادي كي خرجنا رجعنا مع ام الطبول عادي ما تعطلناش خلاص
ربي يسهلك و طريق السلامة
زادا كاين بزاف من قسنطينة وسطيف شفناهم داخلين لتونس كي كنا حنا خارجين راك كي تكون رايح تلقى بزاف لي رايحين خاصة في هذا الوقت