ومن بعد انا كل عام يغيضونى ال10 الاواخر ونقول رمضان الجاى ان شاء الله ما نخليهمش…..ويجى شهر رمضان ونفس الحكاية
واش رايكم خواتاتى لكان نديرو ورشات كيما نتاع الكروشى راهم ناشطات الله يبارك وانتقلت العدوى تان لجماعة الخياطة راهم بداو يوجدو للصيف
عمبالى تقولو مازال العيد لكن هداك هو الوقت باه نحطو الوصفات ونخيرو والى جربت القاطو من قبل تحطنا الكيفية والتطبيق واحنا علينا نطبقو فى وقت محدد. هكدا ما نودروش الوقت فى التحواس والتجارب ونعاندو على بعضانا
نتمنى تعجبكم الفكرة ونلقاو تفاعل فى امان الله
مشكورة على الفكرة حتى أنا سبقلي و طرحت نفس المشكل و يشرفني نكون اول واحدة ترد عليك
تعرفي مع السخانة و الوقت يلحق بسرعة في رمضان نحب دايما على الاقل نحدد نوعين او ثلاثة نكون مجربتهم من حيث الوقت و الكمية اللي تقطع و حتى التعب خاصة راني خدامة و منشورش من الخدمة حتى الرابعة مساءا ما نلحقش حتى للفطور
راه في بالي بعض الحلويات منها جديدة عليا و منها متعود كل عام نعملها و راني حتى نوجد في الليمول تاع سيلكون و غيرها اذا لقيتها نعمل الحلوى اللي في بالي و اذا مالقيتهاش نغير القائمة
اقتراحي نبداو بالبقلاوة تعرفي بلي تحتاج خدمة بزاف و كل وحدة ممكن تزينها بشكل اللي تحبه
مابقالي غير نقولك مشكورة مرة أخرى على المبادرة الطيبة و ان شاء الله نتفنو في تحضير حلويات العيد
وان شاء الله كيما قلت اختى نتفننو فى حلويات العيد ويكون عيد مميز ومايتنساش
أختكم الملتزمة بإذن الله,,السلام عليكم أخواتي الطيبات ,,شكر الله جهودك الطيبة أختنا الكريمة ام مهدي و فكرة جيدة بانسبة لإقتراح القاطو ان شاءالله يكون رمضان مبارك و حلوياتنا ولا أطيب و شعارنا التميـــــــز ,,صدقيني أختي ـ عن نفسي ـ كل رمضان نبدا نعمل الحلويات من يوم 12رمضان و دائما نعمل تقريبا تسع أو عشر أنواع ,أكثر وقت عملي الصباح الباكر و صدقيني يكفيني الوقت نختم القرآن أكثر من مرة و نشفع ف الليل في بيتي و نقيم الليل,,رب يوفقنا لطاعته اجمعين,,مثلا نبدا نخدم الحلويات اللي تصبر "القنيدلات بدون حشوـ و اللوزة والفراشة اللي قوالبهم حديد ـ والصابلي بدون تزيين,,,," وفي الأسبوع الثالث من رمضان نبدأ نحشي و نزين و نحضر أنواعي الباقية أللي ما تصبرش,,وبالنسبة لهذا العيد إذا كنا من الأحياء فكرت نعمل البقلاوة و قاطو لمدلل لأخت كريمة نسيت اسمها و قاطو قلوب الماس لأختنا باتيلا رب يحفضهم و قاطو le pain d’epices لسليمة يعلى و مقروظ النقاش و نزيدو نشوفو مع جديد الأخوات في المنتدى ,,ورب يوفق الجميع
اللهم بلغنا رمضان،وكل عام ونحن من الله أقرب،الفكرة رائعة وسوف يتفاعل معها الجميع بإذن الله.
قلوب الالماس عجبني بززززززززززززززززززززاف و معولة نديرو
لكن انت وش قصدتي نبداو الدورة من درك و نخبو الحلويات للعيد و اللا كيفاه ؟؟
الملتزمة بإذن الله,,أختي موحدة سلم الله عليك أظن أختنا أم مهدي تقصد نتبادلو الأفكار وأنواع الحلويات باه ندّو فكرة مسبقة قبل العيد و أيضا نحاولو ما نخلوش تحضير الحلوى حتى الأيام العشرة الاخيرة ـ نحاولو نستغلوها كتر في الطاعات و رب يتقبل منا جميعا ـ
|
المشاركة الأصلية كتبت بواسطة ** موحدة 02 **
 قلوب الالماس عجبني بززززززززززززززززززززاف و معولة نديرو
لكن انت وش قصدتي نبداو الدورة من درك و نخبو الحلويات للعيد و اللا كيفاه ؟؟ |
انا قلت ما نقعدوش روتار مى ما شى معناتو نبداو ذرك
نبداو نحطو الافكار ومع يلحق رمضان نكونو خيرنا واش حبينا ومن بعد نبداو التطبيق
|
المشاركة الأصلية كتبت بواسطة tamimkougi
أختكم الملتزمة بإذن الله,,السلام عليكم أخواتي الطيبات ,,شكر الله جهودك الطيبة أختنا الكريمة ام مهدي و فكرة جيدة بانسبة لإقتراح القاطو ان شاءالله يكون رمضان مبارك و حلوياتنا ولا أطيب و شعارنا التميـــــــز ,,صدقيني أختي ـ عن نفسي ـ كل رمضان نبدا نعمل الحلويات من يوم 12رمضان و دائما نعمل تقريبا تسع أو عشر أنواع ,أكثر وقت عملي الصباح الباكر و صدقيني يكفيني الوقت نختم القرآن أكثر من مرة و نشفع ف الليل في بيتي و نقيم الليل,,رب يوفقنا لطاعته اجمعين,,مثلا نبدا نخدم الحلويات اللي تصبر "القنيدلات بدون حشوـ و اللوزة والفراشة اللي قوالبهم حديد ـ والصابلي بدون تزيين,,,," وفي الأسبوع الثالث من رمضان نبدأ نحشي و نزين و نحضر أنواعي الباقية أللي ما تصبرش,,وبالنسبة لهذا العيد إذا كنا من الأحياء فكرت نعمل البقلاوة و قاطو لمدلل لأخت كريمة نسيت اسمها و قاطو قلوب الماس لأختنا باتيلا رب يحفضهم و قاطو le pain d’epices لسليمة يعلى و مقروظ النقاش و نزيدو نشوفو مع جديد الأخوات في المنتدى ,,ورب يوفق الجميع
|
عجبتنى بزاف شعارنا التميز
الملتزمة بإذن الله,,رب يجازيك كل خير ختي ام مهدي و رب يوفقنا للتميز في الــطـــاعات والـحلويــات.,اللهم آميـــــن
… très bonne idée … mes nous les femmes …. comme vous le s’avez toutes … hata ykoulou ghadwa laid nahabssou mandirouch
et defois hata ykoul alah akbar
merci encore
|
المشاركة الأصلية كتبت بواسطة fatimazahra09
… Très bonne idée … Mes nous les femmes …. Comme vous le s’avez toutes … Hata ykoulou ghadwa laid nahabssou mandirouch
et defois hata ykoul alah akbar merci encore |
تعرفى العمل فى جماعة يعلم الانضباط
ربى يوفقنا فى تحقيق الفكرة
يعطيك الصحة
ربي يقدرنا ويبلغنا رمضان متخافوش نصوموه ونطيبو القاطو كيما كل عام
مشكلتك هي نفس مشكلتي يا اختي ام مهدي ، كل عام نقول العشر الأواخر نتعبد فيهم كما ينبغي لكن نلقى روحي الوقت سرقني و زيد اولادي صغار نتعب معاهم
نتمنى هذا العام يكون أحسن بتشجيع منكم و بتكاثف الجهود مع بعض ان شاء الله
و عجبتني افكار الاخت الملتزمة بادن الله راح نسرق شوية منهم بعد اذنك
و راني متابعة الموضوع معكن
اللهم بلغنا رمضان