الحريرة 2024.

سلام

بنات تعيشو اللي تعرف تطيب لحريرة تعطيني الوصفة بصح تكون مجربة

بلييييييييييييييييييييز اللي تعرف ما تبخلش عليا

و شكرا مسبقا.

لحم تقليه مليح +شويه ملح+بصلة+3 حبات زرودية+1 حبة لفت +طماطم الحبة و تسقيهم كي يطيبو طحنيهم و رمي تشيشة.
كي طيب تشيشة وجدي القدة ثوم مرابي+راس الحانوت+قصبر مقطع+كروية +سكين جبير+طماطم القوطي+زعفران زيديه للحريرة و خليه يغلي 10 دقائق و شهية طيبة و دوقي حريرة سعيدة بصحة عليك

اقتباس:

المشاركة الأصلية كتبت بواسطة فيفي ماستر لحم تقليه مليح +شويه ملح+بصلة+3 حبات زرودية+1 حبة لفت +طماطم الحبة و تسقيهم كي يطيبو طحنيهم و رمي تشيشة. كي طيب تشيشة وجدي القدة ثوم مرابي+راس الحانوت+قصبر مقطع+كروية +سكين جبير+طماطم القوطي+زعفران زيديه للحريرة و خليه يغلي 10 دقائق و شهية طيبة و دوقي حريرة سعيدة بصحة عليك

سلام

يعطيك الصحة يا حنونة الله يجازيك و يعطيك ما تتمناي

بصح عندي سؤال الدشيشة ما عرفتهاش تقصدي لفريك اللي نديروه فالشربة ولا لا

واسمحيلي يا حنونة ادا قلقتك

و ميرسي بزاف و معرفة خير انشاء الله.

نجربها بادن الله و نردلك لخبر .

سلام.

واه اختي انا شخصيا ندير الفريك و الارز ومن بعد ترحي كلشي في الروبو

اقتباس:

المشاركة الأصلية كتبت بواسطة ait2 واه اختي انا شخصيا ندير الفريك و الارز ومن بعد ترحي كلشي في الروبو

سلام

بارك الله فيك يا ختي .

شكرا

اختي كاين طريقة اخرى تاني

المقادير

1-اللحم طراف صغار
2- شوية لحم مرحي كمشة
3- بصلة كبيرة
4- طماطم العلب حوالي 2 مغارف
حبتين من طماطم
زعفران
حبة قرعة
2 حبات جزر
حبة بطاطا فقط صغيرة نوعا ما
حبة لفت ان وجد
ربطة كرافس
ربطة قصبر
نصف غرفية نتاع حريرة فريك غسلها قبل الرمي طبعا
نحتاج الى المعدنوس شوية فقط مقطع لكن يرمى في الاخير
زيت
فلفل الاسود
شوية حرور اذا رغبتي
التحضير
نضع اللحم نقليه امليحححححح في الزيت
البصل الثوم على نار هادية
ثم نظيف الطمام المرحية الي كنت خلطتيها مع طماطم العلب 2 مغارف والزعفران
و نخلط مليح
ثم نظيف اللحم المرحي والخضر ولما يغلي الغلية الاولى
نرمي القصبر والكرافس و تشيشة الفريك
و نترك كل شيء ينضج على نار متوسطة
بعد ذلك
ننزع اطراف اللحم
و نترك الخليط يبرد شوية
و نرحي كل شي باميكسور نرجع لها اطراف اللحم و
رجعيها فوق النار تغلي غلية وحدة او اتنين

تكوني وجدتي درسة
3 فصوص الى اربعة ثوم مرحيين
حبات القصبر الخضراء
شوية معدنوس
زعتر مرحي مغرفة قهوة فقط
الفليو شوية بين اصباعتيك
وراس الحانوت
و الكمون المرحي قيس مغرفة صغيرة
و مغرفة صغيرة عصير الليمون
خلطيهم قاع مع بعضاهم مليح
ثم ضيفهم على الحريرة
و انزعي القدر من فوق النار
و هزي القدر بيديك شوية حتى تتداخل الدرسة في الحريرة و شهية طيبة

مشكورة اختى على الوصفة الرائعة

خرجت لي رايعة.

حبيبتي نعطيك حريرة مكاش لي مايحبش حريرتي
اولا في القدر ضعي اللحم غير شوية مادا بيك الغنمي +الزيت+البصل كتري 2 حبات كبار السر هو البصل خالتي علمتهالي + 2 او 3حبات طماطم+ 3 سنات توم+ الزرودية غير زوج باش ماتجيكش خاترة بزاف+ الحشيش او القصبر كيما يسميه البعض بصح ربطة كاملة+ كرافس غير شوية + كمشة حمص +ورقة رند +الملح+الحرور+سكنجبير+عود قرفة+مغرف قرفة مطحونة+زعفران +حبات كبابة +2 مغارف فلفلة حمرة +كركب +راس الحانوت قولي للعطار راس الحانوت تاع الحريرة+مغرف كبيرة طماطم مصبرة قلي الكل غير شوي تم اضيفي الماء الساخن واغلقي القدر انصحك ما تستعمليش لاكوكوت الحريرة تجي بنينة كي تطيب على نهار هادئة ثم من جهة خذي غرفية ضعي فيها 2 مغارف تشيشة +2 مفارف فرينة + الماء + قطرات من الخل من الافضل تحضيرها في الاول حتى تتخمر وكي تغلى القدر اضيفي التشيشة المخمرة وخلي الكل ينضج على نار هادئة كي يطيبو انزعي اللحم وعود القرفة والكبابة واطحني الكل ثم ضعيه على النار تكوني موجدة درسة التوم والحشيش غير شوية ضعيها على القدر +مغرف كبيرة زريعة البسباس +نصف مغرف كروية ودوقي يلا خاص الملح زيدي جومبو وكين لي يزيدو الحشاوش المهم كي تضيفي الكروية ماتخليهاش تغلى بزاف باش ماتمرارش انا عادة نديرها غير شوية جاج كيما الجناح وفي الخير نضيف جومبو الدجاج تجي هايلة الكل يحبوها وبالصحة والهنا

يعطيك الصحة سهيلة باينة بلى الحريرة هائلة شهيتينى

يعطيك الصحة يا حبيبتي باينة بنينة

بصح تعيشي ما فهمتش لكبابة ما عرفتهاش

شكرا مرة اخرى و اسفة عاى الازعاج.

يا اختي الدشيشة في الغرب ماهياش الفريك تاع الشرق راهي مطحون الشعير الي كانو زمان يديرو بيها كسرة الرغدة وراهي تتباع بكثرة في الغرب الجزائري وكاين الي يحب ينوع في الحريرة يخلطو الفريك مع الدشيشة وكاين الي يخلط المرمز مع الدشيشة وكاين الي يخلط الارز معاها كل واحد وذوقه
اما الكبابة فشكلها يشبه لشكل الفلفل الاسود حب قبل ما تطحنيه لكنها كبيرة عليه وطعمها مختلف يشبه لطعم جوزة الطيب

يعطيكم صحة علي الوصفات

اقتباس:

المشاركة الأصلية كتبت بواسطة sissi123 المقادير ملاحظة نحضر ماء مغلي قبل البدئ نستخدم ملعقة أكل كبيرة لمقادير التوابل بالنسبة للتوابل ملح ،راس الحانوت ، كروية ، كبابة ، فلفل أسود ، فلفل أحمر ، كمون ، سكنجبير،عود قرفة (ج1) بالنسبة للخضر مقدار من الحمص ، جزر ، كابوية ، حبة بطاطا ، بصل ، حبة طماطم كبيرة . و نحتاج ربطتين قصبر + معدونس ، واحدة كبيرة و أخرى صغيرة . بالنسبة للعكر 3ملاعق كبيرة طماطم مصبرة (نتاع القوطي) نضيف اليه التوابل التالية فلفل أسود ، فلفل أحمر راس الحانوت ، كبابة ، كروية + بشرة من جوزة الطيب +قليل من ماء(ج2) و لتكثيف الحريرة مقدرا فرينة + ماء حتى نشكل سائل (متوسط السيولة ) (ج3) التحضير نأتي بطنجرة الضغط نضع القليل من الشحم أو الزيت أو الزبدة ثم الحمص ( نكون قد نقعناه في الماء ليلة كاملة ) ، نقطع قطع كبيرة كلا من البصل ( وضعت 5 بصلات يجب أن يكون البصل كثير) ، حبة الطماطم حبة البطاطا ، الجزر ، الكابويا ، و عود القرفة ، و في الأخير نضيف ربطة القصبر + معدنوس (الكبيرة) الآن نضيف كل التوابل التي ذكرتها في الجزء (1) من كل واحدة ملعقة أكل كبيرة ماعادا الكمون الذي يكون نصف ملعقة ، هنا صورت بعض التوابل الآن نضع طنجرة الضغط على النار و نضيف لها كأس كبير ماء و ننتظر حتى يغلي هذا الماء و نملؤها بالماء المغلى سابقا و نحرك بالطبع ، نغلق الطنجرة و نتركها تطبخ لمدة ساعة كاملة بعد أن تطبخ المقادير نقوم بطحنها في طاحنة الخضروات وهي ساخنة ( بدون عود القرفة و ربطة الحشيش) ما نتحصل عليه نأخذ نصفه فقط ( إذا وضعتي الكثير من الخضر ) الآن ذلك النصف من الخضر المطحونة نضعقه في قدر و نملؤه بالماء المُغلى و نضعه على النار( وضعته قبلا في طنجرة الضغط حتى تعرفوا مقدار الماء اللازم ثم نقلته للقدر) ، نضيف له ربطة قصبر + معدنوس الصغيرة ( الصغيرة) و ملعقة كبيرة أكل من الأرز ، ثم العكر الجزء (2) و نحرك جيدا جيدا عندما تغلي يحين الوقت لتكثيفها فنضيف عليها سائل التكثيف الجزء (3) نضيفه بالتديرج و بالتحريك المستمر حتى لا يتشكل عندنا كتل و نتركها تطبخ لمدة 20 دقيقة مع التحريك المستمر الآن بعد بعد فترة الطبخ نضيف لها ملعقة كبيرة شربة و نضيف لها 5 دقائق على النار و نطفئها و هاهي الحريرة جاهزة للتقديم ساخنة و معها عصرة ليمون و لا الذ

سلام
بارك الله فيك يا اختي و جعله في ميزان حسناتك.

merci henona