عندنا عرس خويا وحصلنا في قاطوات شابين جدد بلا لوز ولاجوز ولا مصاريف كبار لانه عامل عادي وزيد قاطوات لابات اموند ييبسو مع الوقت و مكلفين فهل من مساعدة بالصور باه نعرف اذا كان القاطو درناه من قبل ولا لالا وشكرا
ادخلي لموضوع العضوات الكريمات بنت اولاد نايل و ميميشة تلقاي انا ما نعرفش انزل الصور اسفة
مساعدة مني : أولا بالصحة و العافية لأخوك ،أما الفوطو نتاع القاطو نتاعي منقدررش نصورهالك : المهم المقاديرر نتاعها ولله بنين بزاف و مسمياتو المخبز نتاع عائشة إليك المقادير : 250 غ زبدة من الأحسن بلاط +كاس قازوز من العاديين سكر قلاسي + 3 بيض + 2 خمارة نوارة+لأفاني حسب الذوق + كأس قازوز مايزينة + كأس و نصف نواتكوكو + فرينة حتى تتلم العجينة ، المهم خلطي الزبدة مع السكر قلاسي مليح و من بعد ضيفيلو البيض لتكوني ضربتيه مع الخمارة و لافاني و خلطي الكل جيدا ثم ضيفي المايزينة و النواتكوكو و من بعدها الفررينة حتى تتلم العجينة و تحسيها مازالت طرية ، خذي كمية منها وحليها بالرولو حساب 1سم إرتفاع و قطعيهم مربعات متساوية هذه العبرة تقطعلك 50 حبة و ديريهم في الكوشة يطيبوا بالخف , كي يبردوا تكوني مذوبة الشيكولة من الأحسن تكون الشيكولة الزرقاء نتاع البقرة ، ذوبيها عادي على نار خفيفة أو بال ماري و من بعد قطسسي كل حبة في الشيكولة وزينها من فوق بالشيكولة البيضاء حسب ذوقك ,
أنا هذا القاطو نخدمو في الأعراس نتوعنا و الله يهبل و كامل عجبهم أقرايه مليح وشوفي واش يخرجك .
أما بالنسبة للقلاساج نعطيك نصيحة أخدميه بهذه الطريقة :
سكر قلاسي نونوس أو مرجان أو نحول هذه النوعية يجي بيه مليح .
خلطي قيمة كأس شاي حليب خاثر من الأحسن بدل الماء ديرري ماء الزهر باه يبقى معطر زيديلو الملون إذا حبيتي أو خليه أبيض ومن بعد زيديلو قيمة نصف الباكي نتاع السكر قلاسي و خلطي مليح وأبقاي زيدي غير بالمغرف حتى يثقال كي تحسيه ثقال زيدي قيمة 2 ملاعق كبار زيت و البريون الرطب على حساب اللون لي أنتي أخترتيه و خلطي مليح ومن بعد أطلي بيه لي حبيتيها و هذا القلاساج راه مايبسش .
نصيحة : إذا شفتي الطبقة الأولى خفيفة كي ينشف القاطو نتاعك شوية عاوديلو الكوش 2 أي الطبقة الثانية
الله يحفظكم ويبارك فيكم شكرا على المساعدة وان شاء الله نجرب القلاصاج انتاعك لاني كنت نديرو ببياض البيض ماشي بالحليب
مشوك معسل
250 غ مارغارين طرية
نص كاس سكر
كاس كاوكاو مرحي ركب تسمى رطل ارحيه و غربليه النصف في العجينة الي هو الرطب و النصف الاخر تغلفيه بيه
ملعقة صغيرة فاني
ملعقة صغيرة خمارة الحلوة 2 صفار البيض
الفرينة
للتزيين 2بياض البيض
كاوكو مرحي خشين
سغيز اي حب الملوك لكونفي
العسل
التحضير
المارغارين+السكر+الصفار الاول و التاني+الفاني+الكاوكاو+الفرينة نحصل على عجينة متماسكة
نشكل كويرات نخفق بياض البيض نغطسها فيه و نغلفها بالكاوكاو الخشين
نحفر شوية من الفوق بالموس و نحط ثلث حبة السوغيز
نضعه تطيب كتطيب اغطسيها في العسل تقدم في الكيسات
بلا جميل حنونتي ، و إذا حبيتي نعطيك العبرة نتاع العرايش و الله هايلين و تقدري من داخل تعمريهم بالكاوكاو و النواتكوكو و تجي بنتو كيما اللوز لي ذاقوه قالولي خادماتو باللوز و متخميش رانا خواتات
الف مبروك عليه
ممكن تخدمى نوع اول وثاني
وحلوى صدفة
ساهلين ومايكلفوش ياسر https://www.djelfa.info/vb/showthread.php?t=382419
https://www.djelfa.info/vb/showthread…21#post4092621
واذا مازال عندك الوقت نجيب لك صور اخرى
لاننا نحضر حلويات للحجاج لما يرجعو ان شاء الله
غير نكملوهم نصورهم ونجيب لك
قوليلي وقت]
نقدر نستناك يابنت الاجواد لانه العرس في اخر ديسمبر شكرا لكي ولنريمان ربي يحققلكم ما تتمناو
هدي هي لي قلتلك عليهم و هناك ايضا حلويات رائعة للاخت جواهر بالتوفيق و الف مبروك
|
المشاركة الأصلية كتبت بواسطة ام ظافر
 نقدر نستناك يابنت الاجواد لانه العرس في اخر ديسمبر شكرا لكي ولنريمان ربي يحققلكم ما تتمناو
|
خلاص ان شاء الله غير نخلصوهم نصورهم
بنت اولاد نايل وشراك تصنعي للحجاج قوليلي انا تاني حابة نصنع لخالي كيجي من الحج بلاك نبدا غدوة اعذريني ارجو الا اكون متطفلة
او دبري علي واش اندير خممت في التشاراك العريان و حابة نوع اخر من فضلك
|
المشاركة الأصلية كتبت بواسطة chahzed
بنت اولاد نايل وشراك تصنعي للحجاج قوليلي انا تاني حابة نصنع لخالي كيجي من الحج بلاك نبدا غدوة اعذريني ارجو الا اكون متطفلة
|
لا عادي احنا اخواتات
خدمنا ياسمينة وحلوة بالقلاساج وحلوة بالشيكولا
ومشوك وحلوة وردة وحلوة بيمو صابيلي باللوز
وصدفة نوعين واحدة بالمعجون واخرى بالشيكولا
وباقى جلجلانية واذا باقى لينا وقت نزيدو كاش نوع
اخر من صابلي
|
المشاركة الأصلية كتبت بواسطة chahzed
او دبري علي واش اندير خممت في التشاراك العريان و حابة نوع اخر من فضلك
|
غدوة ان شاء الله نحاول نزل صور
وشوفي واش يعجبك
الجوزة بحلوة الترك
المقادير
250 غ أو مرغرين
4 بيضات
ملعقة كبيرة سكر
ملعقة صغيرة فانيلا
كاس نشاء
4ملاعق صغيرة خميرة (بيكنج باودر)
طحين (فرينة)
عسل او عسيلة
250حلوة الترك
نصف باكيت بسكوت مطحون
نصف كاس مرغرين
كاس عسيلة
قبضة او مول على شكل نصف جوزة
في اناء ضعي 250 غ مرغرين و ملعقة كبيرة سكرو ملعقة صغيرة فانيلا
واخلطي جيدا براحة اليد ثم اكسري البيض الواحدة تلو الاخرى مع الخلط المستمر
واضيفي النشاء والخميرة ثم الطحين شيئا فشيئا حتى تتحصلي
على عجينة طرية
وشكلي كريات بحجم حبة الجوزة وضعيها في القبضة او القالب المدهون ب**دة واضغطي برفق واطبخيها على نار متوسطة في الفرن مدة 15 دقيقة
اما الحشو فاخلطي كل المكونات حتى تتحصلي على حشو متجانس
وبعد النضج انزعيهم برفق وألصقي كل جزئين بالحشو ثم عسليهم بالعسل أوالعسيلة
ملاحضة
يمكنك ان تحشيها
1………….بالشكولاطة
2……………المربى مشمش او فراز ايكون جمد شوي
3……….الكاوكاو واللوز و البسكويت
واتمنى كي الديرو القاطو تصورين الاشكال
وشكرا
