هل مازلتم تستعملونه في البيت ؟؟ 2024.

السلام عليكم …

نحن نسمين بالشاوية =فان

[COLOR="Teal"]وهو ثلاثة انواع في منطقتنا …

الاول وهو خاص بالكسرة =بالشاوية نقولو آغروم …[/ COLOR]

الثاني وهو يشبه الاول الا ان سطحه املس تماما..ويستخدم عندنا لصنع لغرايف او كما يقول ناس الغرب ..البغرير

اما الثالث والاخير فهو املس ايضا ومصنوع من الالمنيوم ويستخدم عندنا لصناعة لمسمن او كما يقول اخواننا في الغرب الجزائري الرقاق…نحن نسميها بالشاوية ثيرقاقين … وايضا لمحاجب وغيرها

ترى هل مازلتم تستعملونه ؟؟

في دارنا ما كانش بصح كامل راهم مزالو يستعملوهم تع الطين وتع الحديد حنا في دارنا عندنا غير تع لحديد وان شاء الله راح نرجعو لتاع الطين

السلام عليك طبعا الطاجين مازال حاضرا في بيتي اما الخاص بالمطلوع او الكسرة ولا يمكن تعويضهخ بالقطعة الحديدية

و عليكم السلآم و رحمة الله و بركاته
أنا نسكن في عنابة و مازلنا نستعملوهم في الدار
الأول نسميوه الطاجين .. و فيه أنواع – الإختلآف في الزخارف فقط – نطيبو فيه الكسرة
و الأخير ( الحديدي) نسميوه لملآ ( وينطق بسكون كل من اللآم و الميم) نطيبو فيه الكسرة تاع الشخشوخة و الغرايف و المحجوبة ..

مازال نستعملوه لكن الاكثر استعاملا نتاع المحاجب

السلام عليكم بالنسبة لي فانا استعمله ولا يزال موجودا
كل سنه اشتري واحدا

حنا انعيطولو المادون

أكيد مانقدروش نستغناو عليه

و هو موجود عندنا تاع الطين و الحديد

لا حياة لمن لا طاجين له
بيت بلا طاجين جزائري لا يعرف العربية

السلام عليكم

لازالت كل هذه الأدوات موجودة لدينا ونحن نستعملها باستمرار غير أننا نفضل استخدام الأدوات المصنوعة من الحديد لأن الطينية سهلة

الكسر ولكننا نستعملها من حين لآخر

هذا نسموه الطاجين المسيَّح كاين تاع الحديد ( بحجمين الكبير و الصغير) وتاع الطين نسموه تاع الحجرة ( ماهوش قدامي باش نصورو)

نستعملوه في تحضير المطلوع والفطير والمبسس والبغرير ونحمرو فيه السميد باش نوجدو المقنتة أي الطمينة ولتحميص الزرع والقمح

لصنع التشيشة والروينة بعد طحن الحبوب

….يتبع

أما هذا فهو الطاجين الخاص بالخبز تاع الحجر فقط (يعني منقوش) و هو مصنوع من الحديد والذي يليه في الصورة مصنوع من الطين

وهذا الطاجين خاص بالمسمن و الرقّاق فقط

وعليكم السلام ورحمة الله تعالى وبركاته …..كنا في ما مضا نستعمل النوع الاول اما الان فقد توفنا عن ذلك………..واقول لك لن مذاق الخبز الناضج عليه يختلف كثيرا عن الانواع الاخرى

اقتباس:

المشاركة الأصلية كتبت بواسطة جسور المحبة في دارنا ما كانش بصح كامل راهم مزالو يستعملوهم تع الطين وتع الحديد حنا في دارنا عندنا غير تع لحديد وان شاء الله راح نرجعو لتاع الطين

كسرة طاجين الطين بنينة بزاف…خاصة المطهوة على الحطب ..

اقتباس:

المشاركة الأصلية كتبت بواسطة غَريبَة الأَطْوَآر ~ وَ عَلَيْكُم السَّلَآمـ ،، مَشْكُور أَخِي الكَرِيمـ عَلى المَوْضُوع .. تَذَكَّرْتُ أَيَّآم كُنْت أقصِد الجَدَّه لأَتَنَىـآوَل رَغِيفِهَآ المَطْهُو عَلى "الطَّىـآجِين" ! بالنِّسْبَة لَنىــــآ : فَلَآ ! لَكن الجَدَّه حَفِظَهَىــآ اللَّه وأَدَآمَهىـآ مَآزَآلت تَسْتَعْمل هَىــآتِه الأَوَآنِي التَّقْلِيديَّه و لَآ تَزآل مُتشبِّثَه بِهَــــآ ! جَزَآكـــ اللَّه خَيْرًآ ~ * النَّوْع الأُخِير نُسًمِّيــه فِي مَنْطقتِنَـآ "الطَّآوَآ"

مشكورة اختي الكريمة ..وربي يحفظ الجدة انشاء الله