وكل أسرة تحب تستعرض
فانك سبحان الله تستمتع وانت تشاهد أحدث صيحات المواكب
ايه
ونزيدك
يذيرو البارود بيما يقارب 20ولا50مليون
والله تقلي امي حرام عليهم تبذير لوكان يمدوها للفقراء تقلي الناس مراهيش لاقيه وش توكل
تقلي يشوفو لاهل سوريا مساكن
نحن مجتمعنا اليوم عاد ينظر غير للشكليات وعرس فلان خير من عرس علان
مع العلم انوا كامل ميصلحوش لانوا راحت النيه ومساطت لعراس حتى الجو معادش كيما قبل انك تروحي تزهي وووو
ربي يرحمنا برك ويموتنا في رخاه ويغفرلنا ما تقدم وتاخر من ذنب وخلاص
السلام عليكم
صح فعلا هذا واقعنا
صدقي لما قرأت العنوان إعتقدت أنها منافسة …ثقافية ….و الله العظيم …..قلت اجرب حظي …..لربما نربح هدية هههههه
فإدا به موضوع حول مواكب الزواج …………الذي سوف أفشل فيه أكيد
و لأني من النوع الدي لو قيل لها إركبي …في r4 نطلع نورمال ما كاش مشكل ……المهم بمن سوف أتزوج و كيف سوف أعيش و أربي أبنائي معه ……
عموما ربي يهدينا و ينور عقولنا يا رب
شكرا عزيزتي على الموضوع القيم
السلام عليكم اختي نيروز
الموضوع مهم يعني العرس اللي ليزم يكون جمع رأسين فالحلال وتكوين اسؤة رجع منافسة كما قلت يعني المفاخرة هي أساس العرس من اكل ووو إلى غيره إلى الموكب من دراجات نارية وأحصنة اجل من حق كل واحد يفرح بطريقتو لكن هذا كلو تبذير فتبذير ومظاهر لا اساس لها من الصحة مجرد مفاخرة وفقط ربي يهدينا شكرا لك
كيما قالوا ناس بكري مال الحرام راح في الظلام و خاصة [ المرقعات و الالعاب الناريه ،،،،]
الله ﻻ يبلينا بمثل ما ابتلاهم
السلام عليكم
نيروزتي
فعلا
هذا اسميه انا سباق مع الزمن
في ناس مساكين
لم يجدو حتى مسكن ياويهم
لكي يتزوجو
وفي ناس
الله يهديهم
عاملين
ولائم
بكل ما طاب
من اكل وشرب
واله صدقيني
نيروز
يا محلاهم الاعراس البسيطة
التي
تقام في البيوت
كلها بساطة
وفرح
كاينا ناس مساكنروسهم شابو وعندهمش حق الزواج راهم يستحقو الاعانة بدل التبذير
فعلا هناك مدن مشهورة كثيرا بتبذير فى الافراححضرت عرس فى مدينة باتنة مثل العرس الذى تتكلمين عليه
وتبقى مسالة قناعات وربما ليس لها علاقة بالغنى فهناك موضفين يجيبها 15 سنة وهو يدس فى نقوده وممبعد يفزدها فى ليلة ربى يثبت العقل هدا مانقدرو نقولوا
كثرواعليهم الدراهم ومالقاوش كيفاه يديرولهم "شر الطعام طعام الوليمة"
وعن تبذيرهم نترك العباد لرب العباد
لكن
ما يحيرك هم الذين يشتكون المهر ومصاريف الزواج
ومن بعد يدير عرس فقط من اجل ان يتحدث عليه الناس
؟؟؟؟
بارك الله فيك على الموضوع اختي نيروز
يجي يشوف يلقي رحوا صرف 200 مليون وهو لا دار ولا دوار كلش كردي
وفي اخير يطلق و موت بلكردي
ورابح جماعة لضربت لحم
ك شغل راهم يمشوا علئ قول
افتح جيبك يتقفل عيبك
السلام عليكم
هي صيحات الزواج والاعرااس في تزاايد
والعطلة على الابوااب وسنرى العجب العجاب
ربي يقدر القليل باه يتزوج ويهدي المرفه باه يقلل
المشكلة اننا نسمع قبل الزواج بانهم لايريدون ويريدون الهناء والكرم بالموجود وووووو……………لكن عندما يأتي الصح ينفصل النترون عن البروتون فيحدث انفجار نووي ؟؟؟؟………………………وعندما ينتهي العرس والرجل يطيحو ركابيه من الديون ………..ترجع البنت تقولك والله ماقلتلك جيبلي وجيبلي انا قانعة …………………………..وهكذا عندما تنتهي المعركة يكثرو الابطال
السلام عليكم ….
الأم …ابنتي يجب على زوجكي أن يشتري لكي عقد ذهب ثقيل مثل العقد اللذي اشتراه زوج جارتنا…..الخ…..كثير من الأولياء مع الأسف من يحثون أبنائهم الى مثل هذا التباهي…و هناك من يقرض مالا لكي يقيم عرس فخما…..هداهم الله أجمين….
أعاني مشكلة عدم وجود اللغة العربية في هذا الكمبيوتر…..
الزواج اصبح مشكلة في مجتمعنا
انا شخصيا منحبش الاعراس والحفلات وتلك المواكب المجنونة
لكن في مجتمعنا مستحيل بخلوك ترونكيل تجيك عجوزة من كبار العائلة وتقولك كييييفااااااش لازم التصديرة ولازم الاحتفال ولازم ولازم
وزيد الحنة عندهم مقدسة قوليلهم برك منحبش الحنة ياو تدي طريحة اوفيسيال هادي 
تديريها بسييف عليك سي نو راكي تقعدي شهر وانتى تسمعي في نفس الاسطوانة
العروسة والعريس مجرد واجهات رسمية فقط راهي الخدمة الكبيرة في الكوالييييس
تحسب سوبر ماريو ما يجي يربح اللعبة حتى يجوز على الف حاجة وحاجة هكاك العرسان مساكن يدوها للحفافة وممبعد يلبسوها وممبعد الموكب وممبعد لا ادري ماذا والراجل مسكين يضرب سبعين دوخة
والاعناق المشرئبة تخزر فيك من كل حدب وصوب :d:d
وبعد الزواج يا ريت الامر يخلاص تبدا الاعراس والحفلات الاجبارية عرس فلانة عرس علانة راكي معروضة ارواحي اتونسيو متجيش 
لهذا كاين بزاف ناس اختارو البطيخ