السلام عليكم يا أهل المنتدى الحبيب على قلبي اللي كيما نسميه سلاك الحاصلين هههه
المهم راني حابتكم تمدولي رايكم و ادا حبيتو 
تعيشو عندي عرضة اليوم لصحاب راجلي ، وهو يحب ديما نحمرلو وجهو، المهم حبيت نديرلهم شربة و المتوم والسلاطة وبقالي برك gratin و المقبلة معلاباليش واش ندير
الله يعيشكم عاونوني راااااااااني حاصلة راني نستنى فيكم
سيلام اختي انصحك المقبلة البوراك التركي للاخت فلة
وقراتان تاع الجريوات للاخت ام ماجد موفقة
بالنسبة للمقبلة ديري البوراك التركي تاع فلة راو حطة
بالنسبة للقراتان شفي هذاhttps://www.djelfa.info/vb/showthread.php?t=1358522
حبيبتي كتكون عرضة همة ديري جاري و حميص وبوراك بدجاج وبشاميل والطبق الرئيسي مشوي _أنا ندير خروف مشوي و إلا نصف المهم حسب طاقتك وندير معاها خضر مشكلة محمرة مع لاصوص نتاع المشوي و ندير سلاطة متنوعة و في الاخير سفة بلعسل و دهان و المكسرات نزين بيها و في الاخير الفواكه و الشاي و حلويات معسلة صراحتن حنا في عاداتنا نديرو كيما هاك لضيف لعزيز ولاية الجلفة