مساء الخيرااااااااااااااااااااات
حبيت نسقسيكم خبز الكوشة كيفاه ديرولو باه يجي مليح
تعبت وانا نجرب دائما ميجنيش مليح الطريفة لي يقولولي عليها نجربها
وربي يجازيكم
شوفي جربي خبز أم أماني وهذي مايغلطك فيها حتى واحد شوفي أنا كي درتو خرج يهبببل إذا عجبك نعطيك الوصفة :
ازربي غير حطي رايط ولا الوصفة وهادي حتان تسقسيني
شكرااااااااااااا رلي يفرحك كيما فرحتيني
خمريه مليح برك هاهي الوصفة على لسان صاحبتها :
فنجال صغير زيت
مغر كبيرة خميرة
مغرف كبيرة سكر
ملح
نبلها بماء دافي ونعجنها مليح مليح
نرشها بماء ونطري ونعجن حتى نتحصل على عجينة طرية نخليها تخمر
من بعد نقسمها الى كرتين نرش دقيق ونقرصها ونخمرها مرة اخرى
انا المرة لولى خمرتها 45 د
المرة التانية خمرتها تقريبا ساعة
ونطيبها في فرن سخون ونحمرها من فوق
جربوها الأخوات كامل وصلحتلهم فووور يعني وصفة جد مضمونة
هيا وريلنا شطارتك
نسيت نقلك أنا زدت فيه السينوج وقرصيه في صينية مدهونة بالزيت
مفهمتش السيونج وش هو
وزيد نسقسيك
شحال الوقت وشحال القوة نتاه النار
أسمحيلي المنتدى مايفتحش هذو يومين هذا وين شفت أسئلتك
|
المشاركة الأصلية كتبت بواسطة اكرام13
 مفهمتش السيونج وش هو
|
هذيك البذور السوداء اللي نحطوها في المطلوع بالاك تقولول الحبة السوداء أو السانوج يشبه في الجلجلانية وحبتو سوداء شوفي الصورة راهي من فوق الخبز رشيتو من فوق
|
المشاركة الأصلية كتبت بواسطة اكرام13
وزيد نسقسيك
شحال الوقت وشحال القوة نتاه النار |
الوقت نتاع الطياب حتى يحمار من تحت شعليلو من فوق وماتحليش عليه حتى يقرب يطيب ( حوالي 20-30د ) على حساب الفور نتاعك
أما القة نتاع النار متوسطة
حوالي 180-200 درجة
أي أسئلة راني هنا