سلام عليكم 
حاب نطرح موضوع ، كل رمضان نلاحظوه لكن في رمضان هادا بزيادة ـ و هو ظاهرة امتلاء المساجد على آخرها و بمجرد يكمل رمضان ,,,,ترجع ريمة لعادتها القديمة ـ ما دفعني لكتابة الموضوع هو اني اسكن في مدينة صغيرة و المساجد دائما ممتلئة و الحمد لله هادي المدينة بمقارنتها مع المدن الكبيرة ناسها لاباس مازالوا محافظين و شوية لبسة البنات مازالت محترمة و الناس فيهم النية لهدا كاين شوية توازن ـ يعني صحيح المساجد ممتلئة و بالمقابل مازال شوية نية و خير و كاين نساء بلباس محترم ، إلى حد الساعة هادا شئ معقول نسبيا
في اواخر رمضان انتقلت لمدينة كبيرة و صليت التراويح لثما ، و المفاجأة انها نفس الظاهرة مسجد ممتلئ على آخره لكن في الجهة المقابلة نحكيلكم على المدينة هادي شوية : يا لطيف يا لطيف ، الحشمة تكاد نكون منعدمة في ناسها- اغلبية بناتهم و نساهم بعقلية مريكانية ( لبسة – تربية- افعال,,,,الخ) – حتى اغلبية رجالهم هم ذكور فقط ( نسبة كبيرة تاع مخنثين – انتهازيين و عندهم عقلية كي 4 تاع الصباح) ، بالطبع كاين في كل بلاصة الصالح و الطالح لكن نهدر على الاغلبية بالرغم اني نكره التعميم بصح باش نوصللكم الفكرة فقط ، المهم ـ انا هنا طرحت تساؤل : المساجد ما شاء الله ممتلئة اغلبية المصلين من الكهول و الشوارع ايضا ممتلئة بالنساء مريكانيات و شباب غارقين في المغريات ، هادو البنات و الشباب هم ابناء من ؟؟؟ و هل اصبحت الصلاة لا تنهى عن الفحشاء و المنكر ؟؟ اين هو الدور تاع الوعي للائمة ؟ (لانه صراحة حتى الائمة تأثيرهم اصبح لايتعدى المسجد ـ نحوسوا على أئمة يصلحوا المجتمع و يتصداو للغزو الثقافي هادا )
اااااااااااييييييييييه و زدت تفكرت حاجة صراتلي عندها يومين 
زادت حبستلي راسي و تأكيد لواش قلتو ، هادا واحد شاب جاري و عندو عشيقة 
ـ المهم ـ هادي الطفلة وقت التراويح تقول لدارهم رايحة نصلي و هو يغتنم الفرصة كي يروحو والديه للتراويح و تولي الدار فارغة و يتلاقا هادي الطفلة في الدار 
ـ و ,,,,,,,,,,,,,,,,,,,,, المهم، و هادا نفس الانسان شفتو البارح برك مروح من صلاة الصبح من المسجد 
، انا هنا راسي قدم استقالته
هو كون جا هادا في نفس عمارتي ـ لكان اني تصرفت و حاوزتو و لا نخسر عليه 30 الف برك، نشري 10 ليترات ايسانس و نلهبو بيه بيها ( نخرجهم شاورمة) بصح جاي يسكن شوي بعيد
انا ماش نحكم على هادو و ماش نقول ام كفار ـ بل نقول ربي يهديهم للتوبة النصوح لان الله يمهل و لا يهمل و لي يتبع الطريق هادي اي تكمل عليه بطاطا مرحية و الدنيا مليئة بالعبر و الدروس و لان احنا كل خطائين مش معصومين ربي يغفرلنا كل نشا الله ، لكن كاين ذنوب من ذنوب ـ حبيت نحط المثال هادا باش كشما نعرفو اسبابه و نلقاولو حلول
بصراحة هل تقصد مدينة قسنطينة؟
|
المشاركة الأصلية كتبت بواسطة الوليـــــد
 بصراحة هل تقصد مدينة قسنطينة؟
|
لا ماش قسنطينة بل في الموضوع نهدر على قالمة ـ لكن نفس الملاحظة على عنابة ـ و حتى قسنطينة في اواخر هاد السنوات اي ولات كيف كيف كل
|
المشاركة الأصلية كتبت بواسطة adnou eclypse
لا ماش قسنطينة بل في الموضوع نهدر على قالمة ـ لكن نفس الملاحظة على عنابة ـ و حتى قسنطينة في اواخر هاد السنوات اي ولات كيف كيف كل
|
شكرا اخي على صراحتك, من أفضل المدن الجزائرية المحافظة التي رأيتهاخلال تجوالي هما مدينتي جيجل, و بومرداس. كما أن اهلها طيبون جدا.
الله يهدينا ويعافينااااااااااا
الحمد لله مدينتي مازالت محافظة بالنسبة لما قرات
لا اقول كثيرااااا
ولكن تبقى بناتنااااا محجبات ساترات ويبقئ شبابنااا محترمااااا
والجيران تحترم بعضها وان كانت هناك فواحش فليست بمراى بمن العامة
كل الولايات اصبحت على هدا المنوال للاسف لم يعد لرمضان هيبته و قدره فهم يرتكبون الفواحش وكل انواع السيئات لا حول ولا قوة الا بالله دون خجل وخوف من الله اعتقد ان هده المظاهر التي تكلمت عليها هي في كل مكان واصبحت منتشرة في معظم ولايات الجزائر الا من رحم ربك اللهم اهديهم واهدينا
|
المشاركة الأصلية كتبت بواسطة الوليـــــد
شكرا اخي على صراحتك, من أفضل المدن الجزائرية المحافظة التي رأيتهاخلال تجوالي هما مدينتي جيجل, و بومرداس. كما أن اهلها طيبون جدا.
|
انا ما نحددش ولاية من ولاية لكن نهدر على الامة الاسلامية عامة و المجتمع الجزائري خاصة ـ لان هادا وش يهمنا ـ اي قضية قيم و مبادئ كاملة لي اصبحت منعدمة
|
المشاركة الأصلية كتبت بواسطة ايمان نور الجزائر
الله يهدينا ويعافينااااااااااا
الحمد لله مدينتي مازالت محافظة بالنسبة لما قرات لا اقول كثيرااااا ولكن تبقى بناتنااااا محجبات ساترات ويبقئ شبابنااا محترمااااا والجيران تحترم بعضها وان كانت هناك فواحش فليست بمراى بمن العامة |
بالطبع كاين مدن ما شاء الله و حتى انا مدينتي لاباس بيها مقارنة بالولايات الكبار ، بصح كيما قلت الموضوع او يتعلق بمبادئ و اخلاق السلام لي اصبحت منعدمة في مجتمعنا بصفة عامة
لوكان في مدينتك تحرقهم بليسانس؟ ….انت انسان عنيف ؟
ايييييييييييييييييييييه احنا في دارنا ما عدناش البنات يروحو للتراويح بصح فولايتنا كاينة ….
والكارثة لي نسسسسسسسسسسسسسسسسسسسسستغرببببببببببببها جدددددددددددددددددددددددددا هاذوك لي يروحو يقصرو ويخلو بناتهم وحدهم فالدار
|
المشاركة الأصلية كتبت بواسطة ناظر متوسطة
لوكان في مدينتك تحرقهم بليسانس؟ ….انت انسان عنيف ؟
|
خويا لكل مقام مقال ، كاين مواقف لازم تكون فيهم عنيف ـ كاين مواقف تكون لطيف و كاين مواقف نص نص ـ في الموضوع او كان تعبير مجازي فقط و كيما قلت ماش راح نحاسبهم أنا
|
المشاركة الأصلية كتبت بواسطة adnou eclypse
خويا لكل مقام مقال ، كاين مواقف لازم تكون فيهم عنيف ـ كاين مواقف تكون لطيف و كاين مواقف نص نص ـ في الموضوع او كان تعبير مجازي فقط و كيما قلت ماش راح نحاسبهم أنا :d |
اهتم بمستقبلك …تولي صاحب شكارة…..اخطيك من الناس ربي يسهل عليهم ….والنار علاه دارها ربي لمثل هؤلاء
|
المشاركة الأصلية كتبت بواسطة ناظر متوسطة
اهتم بمستقبلك …تولي صاحب شكارة…..اخطيك من الناس ربي يسهل عليهم ….والنار علاه دارها ربي لمثل هؤلاء
|
من الافضل منرًدش عليك
صح فطورك
لي عودة أخي
السلاام عليكم
والله نحن هنا نعيش الكاارثة بام عينيها
النهار اصبح ليل والليل اصبح نهار
الحمد لله المسااجد ممتلئة بالشيووخ والعجاائز والكهوول وبعض الشباب
اما البااقي من الشباب والنسااء يجوبون الشوااارع
اما محلاات الايس كريم فهي مكتظة بالنسااء حتى اخر مرة وصيت الوالد يشرينا كي يخرج من صلااة الترااويح قالي مكتووب في المحل للنسااء فقط 
حتى في حينا الكثير من الرجاال يتركوون صلاة الترااويح ويخرجوون مع نساائعم واولاادهم بحجة اشترااء كسوة العيد
اتساااءل لماذا في رمضاان بالضبط؟؟؟؟
بالمقاابل كااين نااس محاافظين مااشاء الله حتى ان اماام مسجدنا شاب متطوع يصلي الترااويح والتهجد وبدوون اجر
بارك الله فيك اخي