ضرك كي دخلتو راكم دايرين في بالكم راح تلقاو لي فوطو تاع التطبيق
الله غالب يا رماضنة les éclaires تاعك فسدولي
انا كنت نديرهم بالزبدة نورمال ويصلحو و لبارح جربت تاع الزيت علابالك كي لحتهم فالكوشة رجعو يطلقو للزيت وماتنفخوش قعدو هكداك بهدلتني ماما هههههه والمقادير درتهم كيما قلتي والبكاس تاع الانوكس وزدت كيلتهم فالكاس تاع الكيل
قوليلي وين راهي الغلطة
درتهم مرتين بالزيت و جاو صالحين و حتى الأخوات في المنتدى خديجة و اظن ام كوثر صلحت لهم
قولي العجينة جاتك كيما تاعي اللي في الصورة و لا جارية؟
العجينة جاتك كيما مالفة ديريها بالزبدة قبل الطهي؟
انا كيف كيف كي الزبدة كي الزيت نفس العجينة تجيني نحب ندير الزيت لأنه خفيف
بعدما تخلطي فوق النار و تعود العجينة ملمومة انزعي من النار لكي تضيفي البيض
لازم بين كل بيضة و بيضة تخلطي 4- 5 دقائق
لا تضعي البيض في مرة واحدة
|
المشاركة الأصلية كتبت بواسطة becha bolbol
 ضرك كي دخلتو راكم دايرين في بالكم راح تلقاو لي فوطو تاع التطبيق
الله غالب يا رماضنة les éclaires تاعك فسدولي انا كنت نديرهم بالزبدة نورمال ويصلحو و لبارح جربت تاع الزيت علابالك كي لحتهم فالكوشة رجعو يطلقو للزيت وماتنفخوش قعدو هكداك بهدلتني ماما هههههه والمقادير درتهم كيما قلتي والبكاس تاع الانوكس وزدت كيلتهم فالكاس تاع الكيل قوليلي وين راهي الغلطة |
اختي الله الغالب الي خاف مطيحات مايركبش لازم تفزدي وباه تتعلمي في دار باباك خير منعند الناس اما عن الاخت رماضنة فدائما تعطي من قلبها والله المهم مكانش الي زاد متعلم اكل نعملو اخطاء
خيرها فغيرها صح فطورك
| درتهم مرتين بالزيت و جاو صالحين و حتى الأخوات في المنتدى خديجة و اظن ام كوثر صلحت لهم قولي العجينة جاتك كيما تاعي اللي في الصورة و لا جارية؟ العجينة جاتك كيما مالفة ديريها بالزبدة قبل الطهي؟ انا كيف كيف كي الزبدة كي الزيت نفس العجينة تجيني نحب ندير الزيت لأنه خفيف بعدما تخلطي فوق النار و تعود العجينة ملمومة انزعي من النار لكي تضيفي البيض لازم بين كل بيضة و بيضة تخلطي 4- 5 دقائق لا تضعي البيض في مرة واحدة |
العجينة درتها كيما مالفة نديرها وماجيش جارية بزاف مليحة برك و العجينة نشفتها مليح على النار اومبعد نحيتها باش ضفتلها البيض وبين كل بيضة نخلط مليح كيما قلتي
ضرك انا نسقسيك
الكوشة كيفاش تكون زايدة ولا ناقصة
على هادي ضرك نعرف علاه فسدولي
واسمحيلي تعبتك معايا
| اختي الله الغالب الي خاف مطيحات مايركبش لازم تفزدي وباه تتعلمي في دار باباك خير منعند الناس اما عن الاخت رماضنة فدائما تعطي من قلبها والله المهم مكانش الي زاد متعلم اكل نعملو اخطاء خيرها فغيرها صح فطورك |
ميرسي ختي
خيرها فغيرها كيما قلتي
أختي العزيزة أنت ضيفة في خيمتنا الرمضانية نتمنى دخولك
|
المشاركة الأصلية كتبت بواسطة becha bolbol
العجينة درتها كيما مالفة نديرها وماجيش جارية بزاف مليحة برك و العجينة نشفتها مليح على النار اومبعد نحيتها باش ضفتلها البيض وبين كل بيضة نخلط مليح كيما قلتي
ضرك انا نسقسيك الكوشة كيفاش تكون زايدة ولا ناقصة على هادي ضرك نعرف علاه فسدولي واسمحيلي تعبتك معايا |
النار تكون متوسطة مدة 20 دقيقة و عندما تخرجيها خليها تبرد باه تقسميها
| النار تكون متوسطة مدة 20 دقيقة و عندما تخرجيها خليها تبرد باه تقسميها |
اااااه هادا هو المشكل الكوشة تاعنا فزدت انا نزيدلها نرجع نلقاها نقصت قريب تطفى بالاك كي طولو بزاف فالكوشة فزدو
شكراا
|
المشاركة الأصلية كتبت بواسطة becha bolbol
اااااه هادا هو المشكل الكوشة تاعنا فزدت انا نزيدلها نرجع نلقاها نقصت قريب تطفى بالاك كي طولو بزاف فالكوشة فزدو
شكراا |
ربما صح و ربما لا
واش درتي لها بعدما فسدت؟
كون جيت في بلاصتك راني عاودت رحيتها و لا درت كاش عفسة باه ما نرميش
| ربما صح و ربما لا واش درتي لها بعدما فسدت؟ كون جيت في بلاصتك راني عاودت رحيتها و لا درت كاش عفسة باه ما نرميش |
والله غير خممت كشما ندير بيها بصح لداخل بقاتلي عجين خلاص ماتصلح لوالو وزيد ماعندي حتى حاجة فالدار باش نرحيها ونخلطها معاها خفت نرحيها وحدها برك جي ماشي مليحة ونزيد ندي تبهديلة اخرى بصح ماعليش خيرها فغيرها
|
المشاركة الأصلية كتبت بواسطة becha bolbol
والله غير خممت كشما ندير بيها بصح لداخل بقاتلي عجين خلاص ماتصلح لوالو وزيد ماعندي حتى حاجة فالدار باش نرحيها ونخلطها معاها خفت نرحيها وحدها برك جي ماشي مليحة ونزيد ندي تبهديلة اخرى بصح ماعليش خيرها فغيرها
|
نقولك حاجة أختي
انا عندما بدات القاطو كنت صغيرة كل وصفاتي كانت خاسرة و ماشي ناجحة نعاود احيانا الوصفة 4 مرات
لكن هاذي الوصفات اللي علمتني كيفاه نخرج من المشكل كنت كل ما تخسر وصفة نلقى لها الحل و نقول في قلبي (لازم هذه النعمة من عند الله لا ترمى) و الحمد لله
ياما ديت التبهديل من إخوتي اللي اقل مني يقولو " وش راكي تخلطي ……هههههههههه" لكن كنت نغلق أذني حتى ماما كانت احيانا تبهدلني لكن كي شافتني ما نرمي والو عادت تسكت المهم التبذير لالالالالالا
علابيها راني نخترع الآن في الوصفات تعلمت نلقى الخطأ تاع القاطو (لأنني أخطأت كثيرا في الصغر)
الميرانغ جبت فيها سنواااااااات باه صلحت معايا
كنت دائما الميرانغ نخبيها في الفريز و نعمل بها قاطو آخر
كنت قادرة ترجعي العجينة في الفرن حتى تحمر و تعود تتقرمش و من بعد تهرسيها في المهراس و تزيدي شوية عسل و كاوكاو و الا حلو الترك اذا كاين و تكعبري كعابر
كانت جدتي الله يرحمها دير اللحم في المهراس (ماكانش عندهم الميكسور في 1970) و هذا كل باه تعمل به طاجين بونارين
و تجي انت الصغيرة و ما تلقايش حل للعجينة تاعك؟ في الحق لازم تكون عندك افكار خير من جدتي الله يرحمها:
| نقولك حاجة أختي انا عندما بدات القاطو كنت صغيرة كل وصفاتي كانت خاسرة و ماشي ناجحة نعاود احيانا الوصفة 4 مرات لكن هاذي الوصفات اللي علمتني كيفاه نخرج من المشكل كنت كل ما تخسر وصفة نلقى لها الحل و نقول في قلبي (لازم هذه النعمة من عند الله لا ترمى) و الحمد لله ياما ديت التبهديل من إخوتي اللي اقل مني يقولو " وش راكي تخلطي ……هههههههههه" لكن كنت نغلق أذني حتى ماما كانت احيانا تبهدلني لكن كي شافتني ما نرمي والو عادت تسكت المهم التبذير لالالالالالا علابيها راني نخترع الآن في الوصفات تعلمت نلقى الخطأ تاع القاطو (لأنني أخطأت كثيرا في الصغر) الميرانغ جبت فيها سنواااااااات باه صلحت معايا كنت دائما الميرانغ نخبيها في الفريز و نعمل بها قاطو آخر كنت قادرة ترجعي العجينة في الفرن حتى تحمر و تعود تتقرمش و من بعد تهرسيها في المهراس و تزيدي شوية عسل و كاوكاو و الا حلو الترك اذا كاين و تكعبري كعابر |
والله غير عندك الحق انا ساعات نفيق مع روحي نلقا روحي مانخممش خلاص كل ما تفسدلي حاجة يهبطلي المورال ونقول خلاص من هاد المرة مانزيدش نعاودلها ونروح نطيشها
شوفي نقولك الصح قبل كانت ماما ماتقولي والو كي نفسد وضرك بابا راهو في فرنسا مريض راه يداوي وتقريب ماراهوش يبعثلنا المصروف بزاف حتى الكسوة تاع العيد ماشريناش صافي ضرك ماما رجعت ديرلي لحساب غير نفسد حاجة تقولي ماتزيديش ديري تخلصيلنا فالمصروف
انا قلتلها مالا بقاتلي غير نروح نتعلم الطبخ في مدرسة خاصة هاكدا نخلط كيما بغيت
علاخاطر في دارنا ياكلوني يديا مانقدرش نقعد يوم واحد بلا ماندير حاجة لالااازم نخلط شوي وماما مسكينة الله غالب عليها رجعت دير حساب للدورو بزاف
وقيلة كسرتلك راسك استحمليني مالقيتش لمن نحكي
|
المشاركة الأصلية كتبت بواسطة becha bolbol
والله غير عندك الحق انا ساعات نفيق مع روحي نلقا روحي مانخممش خلاص كل ما تفسدلي حاجة يهبطلي المورال ونقول خلاص من هاد المرة مانزيدش نعاودلها ونروح نطيشها
شوفي نقولك الصح قبل كانت ماما ماتقولي والو كي نفسد وضرك بابا راهو في فرنسا مريض راه يداوي وتقريب ماراهوش يبعثلنا المصروف بزاف حتى الكسوة تاع العيد ماشريناش صافي ضرك ماما رجعت ديرلي لحساب غير نفسد حاجة تقولي ماتزيديش ديري تخلصيلنا فالمصروف انا قلتلها مالا بقاتلي غير نروح نتعلم الطبخ في مدرسة خاصة هاكدا نخلط كيما بغيت علاخاطر في دارنا ياكلوني يديا مانقدرش نقعد يوم واحد بلا ماندير حاجة لالااازم نخلط شوي وماما مسكينة الله غالب عليها رجعت دير حساب للدورو بزاف وقيلة كسرتلك راسك استحمليني مالقيتش لمن نحكي |
في رأي انا المدرسة الخاصة ما تعلمكش على قد يديك
كي عادو يديك ياكلوك لازم تخلطي في الدار على روحك و ما ترمي والو القاي حل لكل مشكل
الدراهم تاع المدرسة الخاصة اشري بهم مستلزمات الطهي خير لك
انا تعلمت من الفشل تاعي و كل من يذوق القاطو تاعي يبقى حاير في البنة و كله تقريب من راسي
الله يجيب الشفاء العاجل لوالدك العزيز
و اذا حبيتي تحكي راني هنا ما فيها والو
اذا حبيتي تحكي معليش
ايه مادابيك اعطيهولك ضرك نضيفك وامحيه