السلام عليكم حبيت نعرف منكم يا فحلات المنتدى كيفاه نعمل القلاصاج و نتمنى تعطيوني الحل للشيكولا البيضاء جربتها 100 مرة محبتش تصلحلي
ارجوكم انا في انتظار الردود
اختي انا لقلاساج نعمل كيلا حليب وكيلا زيت وكيلا ماء الزهر وقليل من عصير الليمون وبعدى ذالك نبدى انحط السكر الناعم لمغربل حتى يتقال وجرب حبة انتاع الحلوة وعينك ميزانك اختي وملون كيما انحبي انتي
اما بالنسبة لشكولا البيضاء دوبها على حمام مائ بدون اي اضفات وكيدوب حطلها ملعقة كبيرة زيت وحرك امليح انا هك نعمللها ربي يوفقك اختي
بارك الله فيك
أختي الشوك ولا البيضاء تذوب على حمام مائي بلا إضافات حذاري يقيسها الماء ولا قطرة ولا راني تخسر لك
سلام عليكم
هذا القلاصاج انا نخدم ولي يذوقة يطلب الوصف نتاعو
1بياض بيضة + عصير حبة ليمون+كاس و نصف قازوز حمود بوعلا لازم حمود ليمون او لوز +سكر قلاص انا نستخدم المرجان 3شكاير ال 3.5 و الملون حسب الرغبة نتمنى يعجبك وتجربيه هذي الكمية تقطعلك 100حبة
واش من قلاساج نتاع الشكولا ولا نتاع التشاراك والعرايش وووووو
وضحي باش نقدرو نساعدوك
اختي بالنسبة للشكولا البيضاء دوبيها في حمام مائي بدون اي اضافات و لو قطرة ماء تفسده……اما بخصوص القلاصاج فالوصفة المعتمدة عندي و التي لا اغيرها ابدا بادن الله…..فهو كالتالي:نطيب السيرو كاس ماء مع كاس سكر في كاسرول و لما يبرد مليح اضعه في اناء و نضيف سكر قلاصي (المرجان او نونورس) حتى اتحصل على خليط عاقد و ثقيل نضيف له قطرات من الزيت للتلميع و قطرات ماء زهر للنكهة و بالتالي فهدا افضل قلاصاج جربته و لن استغني عنه يجف بسرعة و يبقى طري و شباب ………اثناء الطلي كلما ينشف القلاصاج زيدي شوية سيرو.