لسلام عليكم
أنا فتاة في عمر العشرين ارجوكم اريد ان اتعلم الطبخ من ابسط الأشياء من كسرة الخميرة و الرخساس شربة فريك و كباب و مرقة بيضاء و مرقة حمراء و طواجن ارجوكم ساعدوني بالصور خطوة بخطوة
او حتى تقديم الرابط فقط و انا سأبحث ربي يخليكم و يستركم
أسهل وأروع حاجة هي الطبخ
نصلي ونرجع نعاونك
نشالله ترجع لالاتهم في الطبخ
|
المشاركة الأصلية كتبت بواسطة فاطمة الزهراء.
 أسهل وأروع حاجة هي الطبخ
نصلي ونرجع نعاونك نشالله ترجع لالاتهم في الطبخ |
الحمد لله اني لقيت مساعدة اسرع من البرق الله يبارك من فاطمة ربي يعيشك
ربي يقبل منك يا لحبيبة
انا في الانتظار تعلميني حتى حويجة برك نديرها في حياتي من عندكم تدو فيها لاجر دايمن ان شاء الله
اني رجعت حنونة
نشالله برك نعرف نشرحلك مليح
أول حاجة ديري في بالك انه الطبخ ساهل برك حاولي تطبقي الوصفات
المرة الاولى ماتنجحش الزاوجة تنجح شوية برك
المرة الثالثة تنجح ملييييييييييييح
يعني ماتكرهيش كي ماتنجحلكش الوصفة من أول مرة
ثاني حاجة
حاولي تستعملي عينك هي ميزانك هكا تولفي روحك وتولي تخدمي بتلقائية
………………………………………….. ……..
نبداو بالحاجة الساهلة ونشالله كل مانوريك حاجة تروحي دييييييييييرراكت تطبقيها هكا ترسخ في راسك وتجيك ساهلة
لأنه الطبخ تعود وممارسة
|
المشاركة الأصلية كتبت بواسطة فاطمة الزهراء.
اني رجعت حنونة
نشالله برك نعرف نشرحلك مليح أول حاجة ديري في بالك انه الطبخ ساهل برك حاولي تطبقي الوصفات ………………………………………….. …….. |
اول حاجة حابة نتعلم كسرة خميرة المطلوع و الله يا اختي راني مدمرة
|
المشاركة الأصلية كتبت بواسطة قبسات تائبة
و الله يا فاطمة راني جربت شوي حوايج يجو صامطين هذي الحقيقة وليت ما نحبش ندخل للمطبخ في رمضان ندير حوايج ما يتكلوش و نطيشوهم حتى لكسرة تاعي تاع لخميرة دجي تقولي تاع رخساس ما تتنفخش حابتها دجي كي لبونج ما صلحت يا فاطمة و الله نحس بروحي مانيش طفلة كيما لبنات
اول حاجة حابة نتعلم كسرة خميرة المطلوع و الله يا اختي راني مدمرة |
اووووووووووووووووك
دوكا نوريك انا كيفاه تنجحلك ودوكا تروحي تعجني الخبز وغير يطيب وريلي كيفاه خرجلك
أولا حبيت نسقسيك يخي انتم كيما حنا تطيبو الخبز في الطاجين مش في الكوشة؟؟؟
باسكو شفت بزاف نسا يطيبو الخبز في الكوشة وهنا العجين مش كيفكيف
جاوبيني باش دوكا نحطلك الطريقة وبالمقادير والله يجيك كيما البونج
|
المشاركة الأصلية كتبت بواسطة فاطمة الزهراء.
اووووووووووووووووك
دوكا نوريك انا كيفاه تنجحلك ودوكا تروحي تعجني الخبز وغير يطيب وريلي كيفاه خرجلك أولا حبيت نسقسيك يخي انتم كيما حنا تطيبو الخبز في الطاجين مش في الكوشة؟؟؟ باسكو شفت بزاف نسا يطيبو الخبز في الكوشة وهنا العجين مش كيفكيف جاوبيني باش دوكا نحطلك الطريقة وبالمقادير والله يجيك كيما البونج |
لا لا نطيبوه في الطاجين رانا شاوية جماعة باتنة نطيبوه في الطاجين
اليوم راو معندناش السميد راح يجب الاب الخبز من البرا غدوة نجربها ان شاء الله و نحطليك صورتها صلحت و لا ما صلحتش تعرفي ايدي ماهيش شابة في الطياب
و فرحتيني كي قلتيلي دجيك كي لبونج راني نستنى بفارغ الصبر يا فاطمة
اول وحدة نعرفها هي انتي ربي يجعلها عشرة شابة
اممممممممممممممم اوك
لأنك في البداية وللتحايل ههههه ديري الفرينة مع السميد هكا باش تجيك الخبزة خفيفة
يعني المقدار اللي راح تعجنيه ديري نصفه فرينة ونصفه سميد(فهمتيني؟)
ديري الخميرة الفورية
وشوية سكر…ماتكتريش بزاف قيس مغرف تاع الاكل
والما يكون دافئ(ماهو بارد ماهو سخون)
الملح ماديريش في الاول باسكو هو اللي ييبس العجينة
خلطي السميد والفرينة مع الملح والخمارة والسكر وابداي ديري الماء…..ماتيبسيش العجينة حاولي ديريه طرية بزاف سيرتو في الاول لأنه اذا من البداية يبستي العجينة خلاص ماراحاش تتحكمي فيها ومن بعد تعييك
كتري الما من الاول ماتخافيش لميها برك ماتبقايش تعجني فيها بزاف وغطيها تخمر 10 دقائق
عاودي ارجعي ليها تلقايها ترخفت(يعني زادت ليانت اكتر..ماتخوفكش بعد ماتخمر تبانلك زايد فيها الماء
ديري الملح ومعاه قطرات ماء وأعجني راح تتلم العجينة وحدها لانه قلتلك الملح هو اللي ييبس العجينة
اعجني مليح حتى تصير ملساء
قطعيها قطع وكوريها
ولما تفردي العجينة ماديريهاش رقيقة بزاف وماتغلظيش بزاف
انا دوكا راني وحدي في الدار نروح ندير الفطور نعجن الخبز نصور كامل المراحل اللي راني حكيتلك عليهم ونحطهم هكا تعرفي العبر تاع العجينة والماء
ونشالله يصلحلك
برك ماتيبسيش العجينة في البداية وماديريهاش رقيقة كي تفرديها
السلام عليكم اختي
عادي راكي غير مبتدئة وحتى انا شحال من حاجة تخسرلي ههه مي مانحشمش نزيد نعاود ونطيب عادي وراني تعلمت بزاف حوايج في هدا الصيف المهم هدا الموضوع يعاوونك راهو 444
https://www.djelfa.info/vb/showthread.php?t=1618418
في امان الله
|
المشاركة الأصلية كتبت بواسطة فاطمة الزهراء.
اممممممممممممممم اوك
لأنك في البداية وللتحايل ههههه ديري الفرينة مع السميد هكا باش تجيك الخبزة خفيفة يعني المقدار اللي راح تعجنيه ديري نصفه فرينة ونصفه سميد(فهمتيني؟) ديري الخميرة الفورية وشوية سكر…ماتكتريش بزاف قيس مغرف تاع الاكل والما يكون دافئ(ماهو بارد ماهو سخون) الملح ماديريش في الاول باسكو هو اللي ييبس العجينة خلطي السميد والفرينة مع الملح والخمارة والسكر وابداي ديري الماء…..ماتيبسيش العجينة حاولي ديريه طرية بزاف سيرتو في الاول لأنه اذا من البداية يبستي العجينة خلاص ماراحاش تتحكمي فيها ومن بعد تعييك كتري الما من الاول ماتخافيش لميها برك ماتبقايش تعجني فيها بزاف وغطيها تخمر 10 دقائق عاودي ارجعي ليها تلقايها ترخفت(يعني زادت ليانت اكتر..ماتخوفكش بعد ماتخمر تبانلك زايد فيها الماء ديري الملح ومعاه قطرات ماء وأعجني راح تتلم العجينة وحدها لانه قلتلك الملح هو اللي ييبس العجينة اعجني مليح حتى تصير ملساء قطعيها قطع وكوريها ولما تفردي العجينة ماديريهاش رقيقة بزاف وماتغلظيش بزاف انا دوكا راني وحدي في الدار نروح ندير الفطور نعجن الخبز نصور كامل المراحل اللي راني حكيتلك عليهم ونحطهم هكا تعرفي العبر تاع العجينة والماء |
سؤال و نخليك تروحي طيبي ما نلهيكش بزالف
السميد ما تقدريش تكيليلي يعني مثلا كيلة و نص و لا زوج و الفرينة قداه بالكيلات خفت ما نعرفش القيش لخاطر انتي تخدمي بعينك ميزانك و انا مزال ما عنديش العينين لي يوزنو
و الله يا فاطمة غير ليوم ان شاء الله رام ليالي العشر الاواخر ندعيلك معايا
|
المشاركة الأصلية كتبت بواسطة {ٲُمّنيَــ㋡ ـــــةٌ}
السلام عليكم اختي
عادي راكي غير مبتدئة وحتى انا شحال من حاجة تخسرلي ههه مي مانحشمش نزيد نعاود ونطيب عادي وراني تعلمت بزاف حوايج في هدا الصيف المهم هدا الموضوع يعاوونك راهو 444 https://www.djelfa.info/vb/showthread.php?t=1618418 في امان الله |
ربي يخليك يا امنية و ربي يحقق ليك كل امانيك
نخليك في هذا الوقت تطبخي و يعطيك الصحة و يعيشك
بارك الله فيك و الله هذا واش عندي غير ندعيلك
السلام عليكم ورحمة الله
بالنسبة لكسرة الخميرة أو المطلوع
يجب أولا أختيار نوعية السميدجيدة باه يصلح
وأحسن دقيق أعتمده في مطبخي بن حمادي
وثانيا بالنسبة للتحضير
المقادير عينك ميزانك في حالة الخبرة
وللتعلم رايحة ديري مثلا ثلاث قرص كسرة
بحفنة يديك كيلي وحدة وزيدي شوي
با من بعد تقدري تتحكمي في الحجم وتقرصيها وتقلبيها في
الطاجين بكل سهولة
تحطي الملح ملعقة صغيرة وشوي لكل خبزة
والخميرة نتاع المطلوع الفورية تحطي كمشة بيدك أحسن أو
ملعقة ونصف متوسطة الحجم موش صغيرة وموش كبيرة لكل خبزة
والماء ثم الماء أحرصي أن يكون دافئ قدر المستطاع باه
باه مايروحش مفعول الخميرة
ضيفي حوالي ملعقة كبيرة سكر عادي
واعجني بالشوي في البداية حتى دخلي العجين في بعضو
ومن بعد العجين راه يشرب ضيفي الماء الدافئ بالشوي
حتى تتحكمي في العجين مايكونش جاري
مليح برك واقعدي تبلي يديك بالماء مع دلك العجين
بقوة وجهد والتقطيع
لاتوجد مدة محددة باه نقلك ياسر عليه العجن
أنا كي يعود يطرطق وعجينة طرية وسهلة التشكيل نحبس
نلمو ونغطيه بطرشون ونخليه يريح حوالي 5الى 10دقائق لاأكثر
رانا في الصيف والخميرة تزرب تطلع عكس الشتا
ومن بعد نلقاه خمر شوي نفشو
ونبلل يدي مرة وحدة ونعجن حوالي خمس دقائق
ونشكل القرص ونحطهم شوي ينشوفو ونقرص بسرعة
ونخليهم يخمرو وفي نفس الوقت نحط الطاجين
لانو مع حرارة المطبخ تلقايه خمر وطيبه عادي
امممم متنسايش السينوج في البداية يعطيه نكهة خاصة
هذي طريقتي في المطلوع جربي ورديلي الخبر
وان شاء الله نكون أفدتك وصحا فطورك
|
المشاركة الأصلية كتبت بواسطة قبسات تائبة
و الله طريقة تبان ساهلة و يا رب تصلحلي يا رب انا واثقة في كلامك يا فاطمة
سؤال و نخليك تروحي طيبي ما نلهيكش بزالف السميد ما تقدريش تكيليلي يعني مثلا كيلة و نص و لا زوج و الفرينة قداه بالكيلات خفت ما نعرفش القيش لخاطر انتي تخدمي بعينك ميزانك و انا مزال ما عنديش العينين لي يوزنو و الله يا فاطمة غير ليوم ان شاء الله رام ليالي العشر الاواخر ندعيلك معايا |
اولا جربي كمية قليلة باش اذا خسرت ماتكونش بزاف هههه ونشالله ماتخسرش
كيلي بحاجة صغير
ديري 2كيلات فرينة مع كيلة تاع سميد+ مغرف تاع الاكل سكر+2مغارف كبار ونص خمارة
أوك؟؟؟
كي نعجن ونصورلك المراحل راح تجيك ساهلة بزااااااااااااااااااااف
مالهيتيني ماواول حنونة
والله نتمنى نفيدك
تمنيت كون جيتي بحذايا ونقلك ديري هكا وماديريش هكا هههههه
عندي خواتاتي اصغر منهم ونعلمهم يقولولي العجوزة ههههه نهبلهم
راني في الكوزينة وكل مرة نضرب طلة للمنتدى
|
المشاركة الأصلية كتبت بواسطة قبسات تائبة
آسفة اسمحيلي يا فاطمة لهيتك على الطبخ كملي بغرضك و كي تلقي وقت عاونيني هادا واش نحوس
نخليك في هذا الوقت تطبخي و يعطيك الصحة و يعيشك بارك الله فيك و الله هذا واش عندي غير ندعيلك |
ماتزيديش تقوليلي اسمحيلي رانا خواتات نشالله برك ينجحلك
راني في الكوزينة ومرة على مرة نضرب طلة على المنتدى
اوك؟