شوفوا الواقع وفهموني. للشباب العازب المتزوج حديثا !!! 2024.

في الوقت الراهن الزواج ليس صعيب ماديا بقدر ماهو صعيب اختيار الزوجة لي مامزال ما اختارش الزوجة المستقبلية
لكن المشكل اللي حيرني وخلاني واقف في المنتصف انوا لكل فتاة نظرة للزوج المستقبلي وذلك بعد علاقات تربطهم لسنوات وهذا خلاني اقتنع ان شرط تكسب الطفلة وتقنعها بالزواج لازم المصاحبة او لا داعي للتقدم للخطبة فأنت سترفض لا محال !!!! نعم هذا هو الواقع الحالي !!!

هل هذا الاعتقاد السائد في نفسي صحيح ام انا احتاج لتصحيح النظرة في الواقع ؟؟؟؟؟

السلام عليكم ورحمة الله

والله ياأخي كلّنا في حاجة لتصحيح مفاهيم كثيرة في حياتنا ومن بينها هذه
لا داعي أبدا لإقامة علا قة قبل العقد الشرعيّ والله راح يبارك في هذا الزواج
وتوجد بنات الأصل كثيرات من لا تؤمنّ بهذه العلاقات قبل الزواج رب يلاقيك بهنّ وبارك في زواجك وما دمت عفيفا إن شاء الله ستجد العفيفة فقط أكثر من الدّعاء والسلام عليكم

نعم أخي كلامك صحيح فلا داعي لتصحيح النظرة.
ضرك بنات اليوم تقلك ما نقبلش بالراجل حتى نمشي معاه مدة باه نعرف العقلية نتاعو مليح .
و بعد ما تعرف العقلية نتاعك مليح تقلك أرواح أخطبني و كي تروح تخطبها و تقبل بك أخيرا تقلك لازم تكون هناك فترة خطوبة مفتوحة حتى نفهموا العقلية مليح .
و للأسف الكثير من هذه الزيجات أو الخطوبات تنتهي بالافتراق لأنه خلاص عرفوا بعضهم و عرفوا كل نقاط الضعف و السلبيات لكل طرف .
يعني باختصار اليوم باه تزوج يلزملك عام و باه تصيب طفلة و كي تصيب طفلة يلزملك عام و أنت تمشي و تهدر معاها و كي تعيا من المشي و تخلاص الهدرة يلزملك عام و أنت خاطب ."يعني ثلاث سنوات باه تزوج انشاء الله".
لفت انتباهي مرة موضوع مشكلة تقول فيه صاحبتها أن خطيبها خطبها و لكنه لا يحدثها كثيرا و كانت بعض الردود من بعض الأخوات (و الله صدمت لهذه الردود) اذ أن الكثيرات نصحنها بفسخ الخطبة و ترك الخطيب و البعض منهن اتهمنه بأنه مريض أو معقد ووو… الخ من الردود السلبية.
للأسف يا أخي هذه هي العقلية اليوم ادي و لا خلي.
أعتذر عن الكتابة بالعامية و لكن موضوع مثل هذا يتطلب ذلك.

سلام عليكم

شوفوا الواقع وفهموني. للشباب العازب المتزوج حديثا !!!
في الوقت الراهن الزواج ليس صعيب ماديا……نعم الحمد لله مازال مناطق يسرو في زواج ولا يطلبون الا ان يكون رجلا بمعنى كلمة للبنت

بقدر ماهو صعيب اختيار الزوجة لي مامزال ما اختارش الزوجة المستقبلية……..لا اذا عزمت وتوكلت ونويت ربي يسهلك في زوجة صالحة ولا تنسى نظرية كما تدين تدان

لكن المشكل اللي حيرني وخلاني واقف في المنتصف انوا لكل فتاة نظرة للزوج المستقبلي وذلك بعد علاقات تربطهم لسنوات وهذا خلاني اقتنع ان شرط تكسب الطفلة وتقنعها بالزواج لازم المصاحبة او لا داعي للتقدم للخطبة فأنت سترفض لا محال…….مستحيل لانها علاقة محرمة علاقة بين رجل وامرأة الا تلمس يدها الا تنظر اليها بتمعن واعجاب واخترقت نظرية كما تدين تدان

نعم هذا هو الواقع الحالي…….. الجامعة ومسلسلات مدبلجة

هل هذا الاعتقاد السائد في نفسي صحيح ام انا احتاج لتصحيح النظرة في الواقع ؟؟؟؟؟…….انت جامعي وبعد التخرج وتقدم في سن نظرة تختلف

اقتباس:

المشاركة الأصلية كتبت بواسطة فارس مع جواد نعم أخي كلامك صحيح فلا داعي لتصحيح النظرة. ضرك بنات اليوم تقلك ما نقبلش بالراجل حتى نمشي معاه مدة باه نعرف العقلية نتاعو مليح .

الله يلعنها ….. الله يلعنها …. الله يلعنها …اللي تقبل تمشي مع راجل (الا كان راجل) فالزنقة.
خلاص ساهلة ولقيناها نمشي مع شاب ….ونجيب اخته تمشي مع شاب …ياك يتعارفو باش يزوجو.
الحب بعد الزواج … والعقلية تنعرف بالعشرة….واش من عقلية ياك الجزائريين قاع عقلية واحدة
الله يرحمك يا بابا ….موتك اهون مما اسمعه
استغفر الله

شكـرا على المرور والافادة .ربي يوفق الجميع الى مايحب ويرضى

اقتباس:

المشاركة الأصلية كتبت بواسطة ساندبال الله يلعنها ….. الله يلعنها …. الله يلعنها …اللي تقبل تمشي مع راجل (الا كان راجل) فالزنقة. خلاص ساهلة ولقيناها نمشي مع شاب ….ونجيب اخته تمشي مع شاب …ياك يتعارفو باش يزوجو. الحب بعد الزواج … والعقلية تنعرف بالعشرة….واش من عقلية ياك الجزائريين قاع عقلية واحدة الله يرحمك يا بابا ….موتك اهون مما اسمعه استغفر الله

يا استاذتي:

خامسا:رحم الله اباك لا خاطر عيشي تسمعي.

ايه امشي معاها وحوس معاها واضربها وابصق في وجهها وسبها ومن بعد كي تروح لدارهم تخطبها وانت لاتملك عملا ولامسكنا ولاتصلي وتتعاطى المخدرات يرحبو بيك ويعطوهالك وتتزوج بيها وتسمع من بعيد ومن قريب ""والله راجل ماكنش يلعب بيها وخرج صادق ""
يروح رجل اخر لنفس البنت يخطبها (من عائلة محترمة وخدام على روحو ومصلي وله مبادئ واخلاق)وجاب اهلو وهي لاتعرفه واهلها لايعرفونه فيقولون له روحو نسقسو عليك وبنتنا نشاوروها بعد شهر او اكثر يقولولك انت ماعجبتناش وخدمتك ماهيش ستابل وماكش محافظ على الصلاة في الجامع وبنتنا جامعية وقارية ومدينة ومازالها تقرى وزيد هي ماتعرفكش وخايفة منك ووووو………….حتى المخلوق يحسب روحو تقدم لصحابية جليلة ورفضته فهو ليس في المستوى

هذا الواقع وهذا اللي شفناه

اقتباس:

المشاركة الأصلية كتبت بواسطة فارس مع جواد يا استاذتي: اولا:" لَيْسَ الْمُؤْمِنُ بِالطَّعَّانِ وَلا اللَّعَّانِ وَلا الْفَاحِشِ وَلا الْبَذِيءِ " . اظنك انت استاذي في هذاالمقام….وهل تكلمت عن فتاة بعينها..الم يلعن ربنا بعض العصاة….حديثك عندما تخص احدهم…وانا اتحدث عمن تخالف دينها وتدنس شرفها. ثانيا:انا لما قلت هذا الكلام قلته عن واقع معاش و خير دليل صاحب الموضوع….لم انكر انه الواقع وكم كثر الزناة في الواقع فهل نحذو حذوهم؟؟؟؟ ثالثا:كأنك تعيشين في عالم آخر او أنك لا تسمعين و لا ترين..اعيش معكم لكن اخلاقي وديني وشرفي هو شرف عائلتي وكل ذلك يمنعني…لست حيوانا تتحكم فيه شهوته بل انا المتحكمة بعون الله رابعا:هناك العديد من العقليات و قد نجد انسان بعقليتين او اكثر….لم افهمها خامسا:رحم الله اباك لا خاطر عيشي تسمعي….امين.

والان اقول لك اخي
اعلم انك ذكرت صنفا منهن وهو حقا موجود وحري بنا الا نشجعه
اكن لك كل الاحترام والتقدير
شكرا

الله يرزق بنات و شباب المسلمين ازواجا
و زوجات صالحين طيبين ان شاء الله

المجتمع عندو انفصام فالشخصية … ولكن لا تكل ولا تمل ابحث وابحث الى ان يتم قبولك وكي تلقى الجواب و تتزوج أرواح قولهولنا لأنو كامل رانا نسقوسو في نفس السؤال عل وعسى نلقو دواء لهدا الانفصام ..

بنات العائلة موجودات
ابحث جيدا