حلوياتي المتواضعة لعيد الفطر السعيد
كل عام و أنتم أحبتي بألف خير ينعاد علينا و عليكم بالصحة و لهنا
شاطرة و لا واش تقولو 
الأخوات اللي طلبو مني الوصفات رايحة نحطهم والله طلبكم على عيني و راسي رايحة نبدا بالتدريج على حساب وضعها في الصينية ههههه باش تفهمو
1- الكورني:
للعجينة: 4 كؤوس كبيرة فرينة – كأس سمن ذائب – كمشة جلجلان – رشة ملح – ماء و ماء الزهر
للحشوة: 250غ كاوكاو محمص ومرحي- عسل
التحضير: في إناء ضعي الفرينة و شكلي وسطها حفرة ضعي فيها الملح و الجلجلان و السمن ثم حكي جيدا و بعدها رشي بالماء المخلط مع ماء الزهر وإجمعيها للحصول على عجينة طرية أتركيها ترتاح نصف ساعة.
حللي العجينة إلى سمك 2 مم و قطعي مربعات بضلع 8 سم و لفيها حول مول الكورني ثم إقليها في الزيت و بعدها قطريها و أتركيها تبرد ثم عسليها.
من جهة أخرى حضري الحشوة: في كاسرونة ضعي الكاوكاو و العسل وإخلطي للحصول على خليط متجانس املئي به حبات الكورني.
2-حلوى الملفوف بجوز الهند:
للعجينة: 4بيض- كأس زبدة نصف ذائبة- كأس غبرة الحليب(لويا أو قلوريا)- كأس سكر ناعم – نصف كيس خميرة-1 ملعقة كبيرة كاكاو- فرينة
للتزيين: شاربات- شكلاطا ذائبة- جوز هند
التحضير: إضربي البيض مع الزبدة ثم أضيفي الحليب غبرة و السكر و الخميرة ثم اجمعي الكل بالفرينة للحصول على عجينة طرية قسميها إلى 2 و لوني أحدها بالكاكاو.
حللي العجينتين كل واحدة وحدها بنفس الحجم ثم ضعي العجينة البنية على الأخرى وحلليها قليلا مع بعض ثم لفيها كالحربوش ثم قطعي مقروطات اخبزيها في الفرن لتنضج.
و هي ساخنة اغمسيها في الشاربات و قطريها ثم إطليها بالشكلاطا و لفيها بجوز الهند.
les rochés: (أنا ما درتهمش في الشكلاطا)
3 كيلات جوز هند – كيلة سكر عادي – كثير من مبشور الليمون – صفار بيض
للتزيين: كاوكاو مرحي خشن- شكلاطا ذائبة
التحضير: اخلطي جوز الهند مع السكر و المبشور ثم إجمعي الكل بصفار البيض للحصول على عجينة طرية شكلي منها كرات مرريها ببياض البيض ثم في الكاوكاو و بعدها إخبزيها في الفرن.
بعد النضج أتركيها تبرد ثم إغمسيها في الشكلاطا( الشكلاطا يجب أن تكون شوية جارية).
ملاحظة: اذا درتي كمية كبيرة يمكن تديري مين داك حبة بيض كاملة لأنها تدي بزاف صفار.
– بعدما تجف يظهر الكاوكاو كأنه صخور لهذا يسموها les rochés.
المفاجآت:
للعجينة: 250غ مرقرين- نصف كأس سكر عادي- 2بيض -ملعقة كبيرة كاكاو- كيس خميرة- فرينة
للحشوة: حلوى الحلقوم- حلوة الترك- كاوكاو مرحي
للتزيين: شكلاطا ذائبة- طلاء أبيض
التحضير: إضربي المرقرين مع السكر ثم أضيفي البيض و الكاكاو ثم الخميرة وإجمعي الكل بالفرينة للحصول على عجينة طرية. حلليها و قطعي دوائر بكأس الشاي و على نصف كمية الدوائر ضعي ملعقة صغيرة من خليط الحشوة وغطيها بدائرة أخرى و إغلقيها جيدا و قطعيها بنفس كأس الشاي كي يضبط شكلها.بعدها إخبزيها في الفرن.
بعد أن تبرد إغمسي وجهها بالشكلاطا و أتركيها تجف ثم زينيها بخطوط القلاصاج الأبيض.
حب الملوك (les cerises):
للعجينة: كأس حليب غبرة محمص- كأس فرينة محمصة- كأس كاوكاو محمص مرحي- نصف علبة بيمو مرحية- كأس عسل- نصف كأس زبدة ذائبة- علبة صغيرة من حلوة الترك.
للتزيين: ملون أحمر- ماء الزهر- سكر عادي- les tiges
التحضير: حمصي الفرينة و الحليب غبرة في مقلاة حتى تكتسب اللون الذهبي ثم ضعيها في اناء و أضيفي الكاوكاو و البيمو و حلوة الترك المبشورة ثم اسقي بالزبدة و العسل و اخلطي الكل للحصول على عجينة طرية شكلي منها حبات صغيرة مثل حب الملوك.
لوني ماء الزهر بالملون الأحمر و ضعي فيها الحبات الصغيرة ثم مرريها بالسكر و ضعيها في حاويات ورقية اثنين اثنين مع تثبيتها ب une tige.
الله يبارك يعطيك الصحة
الله يبارك شاطرة وفحلة يعطيك الصحة
الله يبارك شاطرة ونص
ربي يخليك
الله يبارك بالصحة و الهناء
الله يبارك يعطيك الصحة
trrrrrrrrrrrrrrrrrrrrrrrrrrrrrrrrrrrrrrrrrrrrrrrrr rrrrrrrrrrr
lah ibarek bessaha o lahna
الله يباااارك روووووعة ^^
يعطيك الصحة و تاكليهم بالصحة و الهنا ان شاء الله 
والله غير يعطيك الصحة
يعطيك الصحة يا الشاطرة تبارك الله هايلين صح عيدك
يعطيك الصحة ربي يبارك كلش مليح ممكم تمديلي الوصفة تاع الحلوة الرابعة
يعطيك الصحة قاطو ماشاء الله