اشكركم كثيرا على تعليقاتكم و نصائحكم لمشكلتي https://www.djelfa.info/vb/showthread.php?t=1341622 لانني و بصراحة كنت ناوي معاها وربي صبحانو يعلم بيا لكن طريقة تعاملها معي ادخلتني في التردد مع العلم انني الحمد لله ما يخصني والو ومعروف عند العام و الخاص -خاطيني التمسخير او ما شابه دلك-و متعلم و اعمل و بصراحة انا لم افهمها تبانلي ما زالت صغيرة باش تتخد قرارات كيما هادو وزيد هي ما تعرفنيش انا كي كلمتها و فاتحتها في الامر قالتلي اني ما زلت صغيرة شوية واني لاتية بقرايتي قلتلها ماعليش نقدر ننتضر قاتلي استنا عامين و انت كيما الاخرين قادرة نكون من مكتوبك قادرة ما نكونش قلتلها انا المهم نهدر مع خوك و نعلمو قاتلي انا بابا هو خويا قتلها انا نجي نخطبك ولا ما نجيش قاتلي ما تجيش —-هده تكملة على الكلام الي قلتو من قبل — وزيد نعيطلها و ماتريبونديش –والمهم انها ما فهمتنيش كامل —وانا الان نحس بلي تجاهلتني و ماحتارمتنيش وما قيمتنيش —-ارجوكم اريد اتخاذ قرار مع العلم ان جميع الردود السابقة كانت اني نروح نخطب و بارك الله فيكم وجزاكم الله خيرا لان نصائحكم تهمني
خويا راك bien في راسك ??
يعني كنت تحوس تعيطلها تقلها حاب نخطب تقلك اهلا و سهلا ?
اي وحدة في الدنيا هادي يعيطلها واحد و يقلها هكا اكييد ميش رايحة تصدقو
راك تقول ماحتارمتنيش و ماقيمتنيش يعني كن كملتلك في الخط و قاتلك ايه ارواح تقول عليها ميش محترمة و كي دارت اللي لازن يندار قلت ماحتارمتكش ربي يهديك
انت دير اللي عليك روح لباباها و راني sur رايحة تبدل رايها و تعجبها
ربي معااك
متزيدتش تكلمهاا متفتحش باب الشيطان لانك هكذا كي تهدر معاها راح تتعلق بيها
احفظ قلبك من كل الشبوهات
انت نويت الحلال روح اهدر مع باباها اذا وافق اللهم بارك والا دور على وحدة اخرى
وصلي استخارة لانها مفتاح كل شئ
من فضلك من فضلك متزيدش تهدر معاها في التليفون لانها والله راح تفتح مشاكل كبيرة ومراحش
تعرف كيفاش تخرج
راح تفتح باب الفتنة والفتنة اشد من القتل
دير الحاجة لترضي ربي بش يرضيك
ربي يوفقك ويسدد خطاك
اللهم سلّم سلّم..
على كل حال كلهم يحبوا المادة ولحديدة
اذ عندك بصحتك واذ ما عندكش دير درهم وهما يجوك
ربي يسهلك ماها اخي الكريم
و لازم تعدرها لان الزواج تفكير مسؤولية و تقدير احترام
و الزواج قسمة و نصيب
بالتوفيق لك
اسمع خويا انا انحطيت في موقف كيما هكذا انسان وصلني فالهاتف لفقا نيميرو عند اختو انا مهدرتش معاه ولو كلمة وربي شاهد ابعثلي رسالة و قالي انا فلان وحاب نخطبك انا زعفت بزاف راه كاين بابا كاين خاوتي ويقولو انا علاه يجي ليا والاخ استنا رد مني وعبر الهاتف وانا مرديتش ومنردش وكيما يحب يفهمها الانسان اللي يحب الحلال ميستعملش هادي الطرق الملتوية انت كان عليك تروح لوليها وهو يسالها كان نصيب بها ونعمت مكاش ربي مكتبش وكاين بنات وزيد شوف مي تلحقها وتحوس تجمع فالهاتف او حتى تجس النبض فهذا خطؤك او للاسف حظك طحت في بنت بنت فاميليا قلبت عليك الطابلة لا اقصد التجريح تقبل مروري وشكرا
ابحث عن غيرها
ربي يوفقك اخي
صعيب الشي ربي يسهلك
زيد جرب تتقدملها وتطلبها من يد والديها واذا كان الرفض من قبلها فلا داعي للالحاح اخي
السلام عليكم,أخي نصيحتي لك هو أن تتقدم لخطبتها من اهلها فهكذا تكون الخطبة لا تنسى انك كما قلت على دين وخلق وأنت أكيد تحاول أن تتبع الطريق الصحيح للوصول الى رغبتك فاتقي الله ولا داعي للهاتف والتمهيدات التي لا أساس لها و التي توصل صاحبها الى متاهات أخرى,الحمد لله أن البنت التي أردتها للزواج لم تقبل بالحديث بسهولة معك على ولو فعلت فهي فلا مبادئ لها ولن تأمن لها,عليك بصلاة الاستخارة وتوكل على الله فاازواج أخي كالرزق.مع تمنياتي لك بكل الخير,أختك صفاء
رووووووووووووووووووووح لبابهاااااااااااااااااااااا والله يجيييييييييييب اللي فيه الخير
|
المشاركة الأصلية كتبت بواسطة بسمة تحدي
 يا اخي
متزيدتش تكلمهاا متفتحش باب الشيطان لانك هكذا كي تهدر معاها راح تتعلق بيها احفظ قلبك من كل الشبوهات انت نويت الحلال روح اهدر مع باباها اذا وافق اللهم بارك والا دور على وحدة اخرى وصلي استخارة لانها مفتاح كل شئ من فضلك من فضلك متزيدش تهدر معاها في التليفون لانها والله راح تفتح مشاكل كبيرة ومراحش تعرف كيفاش تخرج راح تفتح باب الفتنة والفتنة اشد من القتل دير الحاجة لترضي ربي بش يرضيك ربي يوفقك ويسدد خطاك |
اتبع ما قالته الاخت وستجد حلا قاطعا باذن الله
يا اخي الطفلة ماهيش حاباتك ببساطة الي ابيعك بالفول بيعو بقشورو ..وخيرها في غيرها ان شاء الله.